BAQ.kz - Қазақстан жаңалықтары USD 377.73 BAQ.kz - Қазақстан жаңалықтары EUR 428.53 BAQ.kz - Қазақстан жаңалықтары RUB 5.73
استانا:

حالىقتىڭ پوليسيا مەن سوتقا دەگەن سەنىمىنسىز باسەكەگە قابىلەتتى مەملەكەت قۇرۋ مۇمكىن ەمەس – ەلباسى

استانا، baq.kz ٴتىلشىسى. مەملەكەت باسشىسى نۇرسۇلتان نازاربايەۆ قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جيىندا وسىلاي ايتتى.

«بىزگە تاۋەلسىزدىكتىڭ جاڭا كەزەڭىندە اقىلدى ەكونوميكا، دامىعان الەۋمەتتىك ينفراقۇرىلىم مەن ٴتيىمدى ٴبىلىم جۇيەسىن قۇرۋ كەرەك. ەلىمىزدىڭ العا جىلجۋى ٴۇشىن قۇقىق قورعاۋ جۇيەسىنە كۇردەلى رەفورما قاجەت. ازاماتتاردىڭ پوليسيا مەن سوتقا دەگەن سەنىمىنسىز باسەكەگە قابىلەتتى مەملەكەت قۇرۋ مۇمكىن ەمەس. سونداي-اق، ٴبىز ٴۇشىن الەۋمەتتىك سالانى كەشەندى جاڭعىرتۋ ماڭىزدى باعىت سانالادى. تاۋەلسىزدىك جىلدارى ٴبىر ميلليونعا جۋىق قازاقستاندىق باسپانالى بولدى. ال الداعى بەس جىلدا 70 ميلليون شارشى مەتر تۇرعىن ٴۇي سالامىز. بۇل تاعى ەكى ميلليونعا جۋىق ازاماتقا باسپانالى بولۋعا مۇمكىندىك بەرەدى»، - دەدى ەلباسى.

پرەزيدەنتتىڭ ايتۋىنشا، تاۋەلسىزدىك جىلدارى مەديسينا سالاسى قارقىندى دامىپ، ەلىمىزدە جاسالاتىن كۇردەلى وپەراسيا تۇرلەرى ارتقان.

«قازاقستاننىڭ ادامي كاپيتالىنا قارجى قۇيۋ ەڭ ٴتيىمدى ينۆەستيسيالىق ستراتەگيا سانالادى. سوندىقتان ٴبىز الداعى بەس جىلدا دەنساۋلىق ساقتاۋ مەن ٴبىلىم سالالارىنا كوبىرەك قارجى ٴبولۋدى كوزدەپ وتىرمىز. xxi عاسىردا قازاقستاننىڭ ەكونوميكالىق قۋاتى مەن گەوساياسي ىقپالىن جاس ازاماتتارىمىزدىڭ دەنساۋلىق دەڭگەيى، ينتەللەكتۋالدىق بازاسى، كرەاتيۆتى الەۋەتى، ەڭبەكقورلىعى مەن وتانسۇيگىشتىگى انىقتايتىن بولادى. سوندىقتان، كەلەسى جىل جاستار جىلى بولىپ جاريالاندى. سىزدەردى جاڭا بەلەستەردى بىرلەسە باعىندىرۋعا، ماڭگىلىك ەلىمىزدى بىرگە نىعايتۋعا شاقىرامىن. ۇلت مۇددەسى مەن مەملەكەت مۇراتىن، تاۋەلسىزدىك تۋىن ٴاردايىم بيىك ۇستايىق»، - دەپ تۇيىندەدى نۇرسۇلتان نازاربايەۆ.

سونىمەن قاتار، جيىندا ەلباسى تۇركىستان جايلى «تۇركى جۇرتىنىڭ رۋحاني استاناسى لايىقتى ورنىن الدى» دەگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي