2474 
0
استانا، baq.kz ٴتىلشىسى. استانادا مەديسينالىق-سانيتارلىق العاشقى كومەك بويىنشا جاھاندىق كونفەرەنسيا باستالدى.
استانا: 
استانا، baq.kz ٴتىلشىسى. استانادا مەديسينالىق-سانيتارلىق العاشقى كومەك بويىنشا جاھاندىق كونفەرەنسيا باستالدى.
جاھاندىق كونفەرەنسياعا الەمنىڭ 146 مەملەكەتىنەن مەديسينا سالاسىنىڭ باسشىلارى مەن بىلىكتى ماماندارى كەلدى. ولاردىڭ قاتارىندا دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيەسۋس، يۋنيسەف اتقارۋشى ديرەكتورى گەنريەتتا فور، ددۇ ەۋروپا وڭىرلىك بيۋروسىنىڭ ديرەكتورى جۋجاننا ياكاب بار.
«پروفيلاكتيكا مەن اۋرۋلاردى الدىن الا انىقتاۋ – دەنساۋلىق ساقتاۋ جۇيەسىندەگى شىعىنداردى ەداۋىر ازايتىپ، مەديسينالىق ۇيىمداردىڭ جۇمىسىن جەڭىلدەتەدى. ادامدارعا العاشقى مەديسينالىق كومەك كورسەتۋ، ولاردى قولداۋ – ۇكىمەت پەن دەنساۋلىق ساقتاۋ مينيسترلىگىنىڭ باسىمدىق بەرىپ وتىرعان باعىتتارىنىڭ ٴبىرى. بۇگىنگى شاراعا قاتىسىپ وتىرعان جاس ماماندارعا العىس ايتام. ولار مەديسينا جۇيەسىنىڭ بولاشاعى، مەديسينالىق-سانيتارلىق العاشقى كومەكتىڭ باعدارلاماسىن جۇزەگە اسىرۋشى دا سولار »، - دەيدى قر پرەمەر-مينيسترىنىڭ ورىنباسارى ەربولات دوسايەۆ.
فوتو: نۇرجاس جاقسىباي
دۇۇ ەۋروپا وڭىرلىك بيۋروسىنىڭ ديرەكتورى جۋجاننا ياكوب تا كونفەرەنسيانى ۇيىمداستىرۋشىلارعا العىس ايتىپ، ويىمەن ٴبولىستى.
"الماتىدا وتكەن كونفەرەنسيادا مەديسينالىق-سانيتارلىق العاشقى كومەك جونىندە ماسەلە قوزعاپ ەدىك. بۇگىن سول ستراتەگيانىڭ باعىتىن، ماقساتىن ناقتىلاي تۇسپەكپىز. بۇل ىسكە اسا جاۋاپكەرشىلىكپەن قاراۋ كەرەك. باستىسى - ٴوز بويىمىزداعى ٴبىلىمدى كەلەر ۇرپاققا جەتكىزۋ"، - دەيدى ول.
ەسكە سالا كەتسەك، دۇنيەجۇزىلىك دەنساۋلىق ساقتاۋ ۇيىمى، يۋنيسەف جانە قازاقستان ۇكىمەتى بىرلەسىپ ۇيىمداستىرعان شارا الماتى دەكلاراسياسىنىڭ 40 جىلدىعىنا ارنالىپ وتىرعانىن جازعان بولاتىنبىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2873
0