BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلجان ٴبىرتانوۆ قاراعاندى وبلىستىق كوپسالالى كلينيكاسىندا بولىپ قايتتى

فوتو: karaganda-region.gov.kz

استانا، baq.kz. قر دەنساۋلىق ساقتاۋ ٴمينيسترى ەلجان ٴبىرتانوۆ قاراعاندى وبلىسىنىڭ اكىمى ەرلان قوشانوۆپەن بىرگە قاراعاندى مەملەكەتتىك مەديسينالىق ۋنيۆەرسيتەتىنىڭ وبلىستىق كوپسالالى كلينيكاسىن ارالاپ شىقتى. بۇل تۋرالى قاراعاندى وبلىسى اكىمدىگىنىڭ رەسمي سايتى حابارلايدى.

مەديسينالىق مەكەمە ۋنيۆەرسيتەتكە سەنىمدى باسقارۋعا بەرىلگەن بۇرىنعى №2 قالالىق اۋرۋحانانىڭ عيماراتىندا اشىلدى.

100 توسەك ورنىنا شاقتالعان كلينيكادا قممۋ پروفەسسورلارى جۇمىس ىستەيدى جانە ستۋدەنتتەرى تاجىريبە الادى. مۇندا امبۋلاتورلىق، ستاسيونار الماستىراتىن جانە ستاسيونارلىق كومەك كورسەتىلەدى. شتاتتا كەۋدە بولىگىنىڭ حيرۋرتەرى، ۋرولوگتار، گينەكولوگتار، تارۆماتولوگتار بار. جاقىن ۋاقىتتا بۇل جەردە ارالىق قۇلاققا از ٴينۆازيۆتى وتا جاساۋ، سونىمەن قاتار سەمىزدىكپەن اۋىراتىندارعا اسقازاننىڭ ٴبىر بولىگىن الىپ تاستاۋ سەكىلدى وتالار جاسالادى. اۋرۋحانا از ٴينۆازيۆتى جانە قۋىستىق وتالار جاساۋعا، سونداي-اق جان ساقتاۋعا ارنالعان قازىرگى زامانعى اپپاراتۋرامەن جابدىقتالعان. ستۋدەنتتەر جانە ينتەرندەر ٴۇشىن سيفرلىق سيمۋلياتورلار، ينتەراكتيۆتى اناتوميالىق ۇستەل جانە مانەكەندەرى بار جاتتىعۋ كابينەتتەرى بار.

«بۇل ستۋدەنتتەر، بولاشاق مەديكتەر ٴۇشىن تاجىريبەلىك ماشىق جيناۋعا جاقسى سەپتىگىن بەرەدى. ادامدارعا وتا جاساماس بۇرىن، ولاردا ٴوز بىلىمدەرى مەن كۇشتەرىن سيفرلىق مۋلياجداردا سىناپ كورۋگە مۇمكىندىك تۋدىرادى. سونان سوڭ، ستۋدەنتتەردىڭ وزدەرى ايتپاقشى، ٴوزىڭدى اناعۇرلىم سەنىمدىرەك سەزىنەسىڭ. جالپى كلينيكانىڭ ٴوزى تاڭداندىرادى. مۇندا ەمدەلۋشىلەر ٴۇشىن جاقسى جاعداي جاسالعان. باستى ارتىقشىلىق – مۇندا ەڭ ۇزدىك دارىگەرلەر: عىلىمي دارەجەلەرى بار ۇستازدار مەن پروفەسسورلاردىڭ جۇمىس ىستەيتىنىندە»، - دەپ اتاپ ٴوتتى ەلجان ٴبىرتانوۆ كلينيكانى ارالاپ شىققان سوڭ.

ۋنيۆەرسيتەتتىك اۋرۋحاناعا ەمدەلۋگە قاراعاندى وبلىسىنىڭ بارلىق تۇرعىندارى كەلە الادى، تەك ۋچاسكەلىك دارىگەرىنەن سايكەسىنشە جولداما الۋلارى ٴتيىس. مينيستر ەمدەلۋشىلەرگە ولاردى ستۋدەنتتەر ەمدەيدى دەپ قورقۋدىڭ قاجەتى جوق ەكەنىن اتاپ ٴوتتى، سەبەبى بارلىعى پەداگوگ-دارىگەرلەردىڭ باقىلاۋىمەن جۇزەگە اسىرىلاتىن بولادى.

كلينيكا قر 2016-2019 جىلدارعا ارنالعان «دەنساۋلىق» دەنساۋلىق ساقتاۋدى دامىتۋ مەملەكەتتىك باعدارلاماسى جانە قر ٴدساقم «مەديسينالىق ٴبىلىمدى جاڭعىرتۋ» جول كارتاسى شەڭبەرىندە اشىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي