BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴۇش جاسار پەريزات بəرىنە شىداپ كەلەدى». قازاقستاندىق بالالار راكپەن قالاي كۇرەسەدى ەكسكليۋزيۆ

قازاقستاندا 2 مىڭنان استام بالا قاتەرلى ىسىككە شالدىققان. ال، جىلىنا 500-دەن اسا بالعىن جامان اۋرۋعا ۇشىراپ، دارىگەردىڭ كومەگىنە جۇگىنەدى. baq.kz ٴتىلشىسى انا مەن بالا ۇلتتىق عىلىمي ورتالىعىندا راكپەن كۇرەسىپ جاتقان بالعىندارمەن جانە ولاردىڭ اتا-انالارىمەن تىلدەسكەن ەدى.

قازىرگى تاڭدا ەڭ كوپ تاراعان – لەيكوز (اق قان اۋرۋى). جىلىنا بۇل دەرتكە 170 بالا شالدىعادى ەكەن. راكپەن سىرقاتتانعان بالعىنداردىڭ ٴبىرى – ٴۇش جاسار پەريزات قۇبىلتايەۆا.

«قىزىمنىڭ دياگنوزى – گانگليونەيروبلاستوما. بالامنىڭ اۋرۋى ٴۇش جاسىندا انىقتالدى. ول ٴۇش جاسقا تولعان كەزدە ۇيدە ٴبىر اياعىن باسا الماي قالدى. وسى جاسقا دەيىن قاتتى اۋىرماي، جۇگىرىپ ويناپ جۇرگەن بالا اياق استىنان جۇرە الماي قالدى. ٴبىز سەمەي قالاسىنان كەلدىك. سول جاقتا ٴبىز ٴبىر اي ەمدەلدىك. ولار بىزگە دياگنوز قويا الماعان سوڭ، استاناعا جىبەردى. وسى جاقتا دياگنوز قويىلدى. بالامنىڭ بۇيرەك ٴۇستى بەزىندە مەتاستاز بولعاندىقتان بەزدى الىپ تاستادى. سۇيەك كەمىگىنە زاقىم كەلگەن بولاتىن. سول ٴۇشىن ترانسپلانتاسيا جاسالدى. ترانسپلانتاسيا كەزىندە ول وز-وزىنە دونور بولىپ، ٴوزىنىڭ سۇيەك كەمىگىن وزىنە سالدى. وتا 2017 جىلدىڭ ٴساۋىر ايىندا جاسالدى. سودان بەرى 7 كۋرس حيميوتەراپيادان وتتىك. بۇل بالا عوي. ٴبىراق، 3 جاسار بولسا دا بارىنە شىداپ كەلەدى. ەڭ باستىسى، مەن قاسىندامىن. دارىگەرلەر مەن مەيىربيكەلەر كۇنى-تۇنى كومەكتەسەدى. سونىڭ ارقاسىندا اۋرۋىن جەڭىپ كەلە جاتىر. بۇل اۋرۋدى جەڭۋ وتە قيىن. بالالارعا، دا اتا-انالارعا دا پسيحولوگيالىق كومەك كەرەك. ٴبىز كەيدە بالالاردىڭ ولىمىنە دە كۋا بولامىز. بۇل كەز كەلگەن اتا-انا ٴۇشىن وتە قيىن. اۋرۋحانادان شىعىپ، قايتا ورالىپ جاتقان بالعىندار دا بار. دارىگەرلەر بالا تولىعىمەن جازىلىپ كەتەتىنىنە كەپىلدىك بەرە المايدى»، - دەدى كوزىنە جاس العان گۇلسىم اكىمبايەۆا.

پەريزاتتىڭ اناسىنىڭ ايتۋىنشا، ولار بىر-ەكى كۇندە سەمەيگە ورالادى. ال، ۇيدە دەنساۋلىعىن ٴبىرقالىپتى جاعدايدا ۇستاپ تۇرۋ ٴۇشىن ٴبىر جىل بويى قىمبات ٴدارى ٴىشىپ تۇرۋى كەرەك ەكەن. بۇل جاس وتباسى ٴۇشىن قيىنعا تۇسەرى انىق.

«قىزىمنىڭ سۇيەكتەرىنەن مەتاستاز تولىق كەتپەگىندىكتەن، استاناعا ٴالى كەلىپ تۇرامىز. ەندى ٴبىز ٴۇش اي سايىن پەت-كت دياگنوستيكاسىن جاساپ تۇرامىز. ونى ٴوتۋ دە قيىن. تەكسەرۋ كەزىندە بالانىڭ دەنەسىنە رادياكتيۆتى زات جىبەرەدى. ونى وتپەۋگە بولمايدى. دەگەنمەن، ٴبىز بۇل اۋرۋدى تولىق جەڭىپ شىعامىز دەپ سەنەمىز»، - دەدى اكىمبايەۆا.

ال، انا مەن بالا ۇلتتىق عىلىمي ورتالىعىنىڭ ونكولوگيا-3 بولىمشەسىندە ەمدەلىپ جاتقان 12 جاستاعى ليديا دجامبوۆا ٴوزىنىڭ ساۋىعىپ كەتەتىنىنە سەنىمدى. مىنەزى اشىق ليديانىڭ كوپ جۇرۋگە شاماسى بولماسا دا، ٴوزى جايلى اڭگىمەلەۋگە قۋانا كەلىستى.

«دياگنوزىم - ليمفوما حودجكينا. بۇل ليمفا جۇيەسىنىڭ قاتەرلى ىسىگى. اۋىرا باستاعاندا ماعان ٴجۇرۋ قيىن بولدى. مەن دياگنوزىمدى ەستىگەندە تىپتەن قورقىپ كەتتىم. سەبەبى، مەنىڭ قاتەرلى ىسىكپەن اۋىرعان تاتەم مەن اعام قايتىس بولىپ كەتكەن ەدى. ٴبىراق، ولار ەگدە جاستا بولدى، سوندىقتان ولاردى ەمدەۋ قيىن بولدى. ال، وسى اۋرۋحاناعا جاتقىزىلعاننان كەيىن ۇرەيىم سەيىلدى. دارىگەرلەر ماعان ٴالى-اق جازىلىپ كەتەسىڭ دەدى. مەن ولارعا سەنەمىن»، - دەدى پاۆلودارلىق ليديا دجامبوۆا.

ليديانىڭ اناسى ەۆگەنيا دجامبوۆانىڭ ايتۋىنشا، قىزىنا دياگنوز 2017 جىلعى قىركۇيەكتە قويىلعان.

«باستاپقىدا ليمفا بەزدەرى ىسە باستادى. ٴبىز تۇماۋ دەپ ويلاپ، ەمدەلە باستادىق. ودان كەيىن قىزىلشا اۋرۋىمەن اۋىرىپ، موينىندا ۇلكەن، قاتتى ىسىك پايدا بولدى. كەيىننەن ونكولوگ مامانعا جىبەرىپ، پاۆلودارداعى اۋرۋحاناعا جاتقىزدى. استانادان بيوپسيا ناتيجەسى كەلگەننەن كەيىن ەلورداعا جىبەردى. اۋرۋدىڭ نەدەن پايدا بولعانىن ەشكىم بىلمەيدى. سىرقاتقا يممۋندىق جۇيەنىڭ تومەندىگى مەن ەكولوگيانىڭ لاستانۋى اسەر ەتۋى مۇمكىن ەكەن. باستاپقىدا ارينە ۇرەي بولدى. استاناعا كەلگەننەن كەيىن دارىگەرلەر بارلىعىن ٴتۇسىندىرىپ، سىرقاتتى ەمدەۋگە بولاتىنىن ايتتى. اۋرۋحانادا جاتقانىمىزعا ٴۇش اي بولدى. ٴالى 4 اي جاتامىز. ەندى ٴ4-شى كۋرس حيميوتەراپيا الامىز. بىزگە بارلىعى 6 كۋرس حيميوتەراپيا كەرەك. ٴبىر كۋرس حيميوتەراپيا 15 كۇنگە جالعاسادى. جاعدايى ٴسال جاقساردى. ال، باستاپقىدا ول كوپ جۇرگەن جوق، كوبىنەسە توسەكتە جاتتى. تاماقتى دۇرىس ىشپەي، كوپ سالماق جوعالتتى. ەگەر تالداۋ ناتيجەسى جاقسى بولسا، الداعى ۋاقىتتا 10 كۇنگە ۇيگە جىبەرەدى»، - دەدى ەۆگەنيا دجامبوۆا.

اتاپ وتسەك، ەلىمىزدە ونكولوگيالىق اۋرۋلاردى ەمدەۋ تەگىن مەديسينالىق كومەكتىڭ كەپىلدەندىرىلگەن كولەمىنە كىرەدى. پاسيەنتتەرمەن تىلدەسكەننەن كەيىن قر دەنساۋلىق ساقتاۋ ٴمينيسترى ەلجان ٴبىرتانوۆتى سوزگە تارتقان ەدىك.

ٴمينيستردىڭ ايتۋىنشا، ونكولوگيالىق اۋرۋعا ارنالعان دارىلەر ناۋقاستارعا تەگىن بەرىلۋى ٴتيىس.

«بۇكىل ونكولوگيالىق دارىلەر امبۋلاتوريالىق دەڭگەيدە تەگىن بەرىلىپ جاتقان دارى-دارمەك تىزىمىنە كىرەدى. قازىرگى كۇنى ەلىمىزدە تىركەلگەن، پروسەدۋرادان وتكەن دارى-دارمەكتى ٴبىز ساتىپ الىپ، ناۋقاسقا جەتكىزەمىز. بۇل سالادا ەشقانداي ۇلكەن پروبلەما جوق. ٴقازىر 85 پايىز دارى-دارمەكتى ساتىپ الىپ، وڭىرلەرگە، اۋرۋحانالارعا تاراتىپ جاتىرمىز»، - دەدى ٴبىرتانوۆ.

ۆەدومستۆو باسشىسىنىڭ ايتۋىنشا، قاتەرلى ىسىكتى جەڭۋدە پاسيەنت پەن اتا-انانىڭ ىنتاسى، ەرىك-جىگەرى اسا ماڭىزدى. ٴساتتى ەمدەلۋ دە وسىعان بايلانىستى.

«ٴبىز، دارىگەرلەر ەموسيالىق كۇيدىڭ اسا ۇلكەن ٴرول اتقاراتىنىن ەشقاشان جاسىرعان ەمەسپىز. بۇل باعىتتا كوپ جۇمىس اتقارۋعا تىرىسۋدامىز. وسى ورايدا مەديسينالىق ادەپتىڭ اسا ماڭىزدى ەكەنىن ۇمىتپاۋىمىز كەرەك. بۇنىڭ بارلىعى ٴتۇرلى اكسيا، روليك پەن وقىتۋ شارالارىندا قامتىلىپ كەلەدى. دەنساۋلىق ساقتاۋ مينيسترلىگى رەتىندە ٴبىز مەديسينالىق كومەك ساپاسىن جاقسارتۋعا ٴارى قاراي اتسالىسامىز. ٴقازىر دياگنوستيكا، ترانسپلانتاسيا ماسەلەلەرىن دامىتىپ جاتىرمىز»، - دەدى ەلجان ٴبىرتانوۆ.

ال، «help today» قوعامدىق قورىنىڭ ٴتورايىمى ەلميرا اليەۆانىڭ ايتۋىنشا، بالا كەزدە كەز-كەلگەن سىرقاتتى جەڭۋ وڭاي. مىسالى، بالالار اراسىندا لەيكوز اۋرۋىنىڭ ەمدەلۋ كورسەتكىشى 90-100 پايىزدى قۇرايدى ەكەن.

«قاتەرلى ىسىكتىڭ نەدەن پايدا بولاتىنى بەلگىسىز. دەگەنمەن، ەرتە انىقتالعان دەرت بالىنىڭ ٴومىرىن ساقتاپ قالۋعا مۇمكىندىك بەرەدى. بۇل دەگەنىمىز، بالالاردىڭ دەنساۋلىعىنا اسا مۇقيات بولۋ كەرەك. مىسالى، لەيكوز اۋرۋىنىڭ العاشقى بەلگىلەرىن اتاسام، بالعىننىڭ جىلدام شارشاپ قالۋى، تەرى استىنىڭ كوگەرۋى، مۇرىننان قاننىڭ ٴجيى اعۋى، ٴجيى تۇماۋراتۋى، دەنە قىزۋىنىڭ دارىلەردىڭ كومەگىمەن تۇسپەۋى، توسەكتەن تۇرىپ، جۇرە الماۋى جانە ت.ب. لەيكوز كەزىندە بالانىڭ اياقتارى، بۋىندارى اۋىرادى. وسىنداي بەلگىلەر بولسا، بالاعا پۋنكسيا جاسالىپ، تالداۋ جۇرگىزىلەدى. سونىڭ ناتيجەسى بويىنشا سىرقات انىقتالادى»، - دەپ ٴتۇسىندىردى ەلميرا اليەۆا.

اليەۆا ٴ4-شى ساتىداعى راك اۋرۋىنا شالدىققان بالانىڭ قالاي جازىلىپ كەتكەنىن دە ايتىپ بەردى.

«بۇل جاعداي ٴۇش جىل بۇرىن بولعان. ناۋقاستار اراسىندا اسقىنعان ٴ4-شى ساتىداعى قاتەرلى ىسىككە شالدىققان بالا بولدى. مەتاستاز ونىڭ وكپەسىنە دەيىن جايىلىپ كەتكەن. وسىنداي دەرتى اسقىنعان بالاعا كومەكتەسىپ جۇردىك. دەگەنمەن، بىزدە ول ٴتىرى قالمايدى دەگەن كۇدىك باسىم بولدى. ٴبىراق، بالانىڭ اكەسى ٴاردايىم اللاعا سىيىنىپ، ناماز وقىپ جۇرەتىن. بالاسى وسىلايشا جازىلىپ كەتتى. ٴقازىر بۇل جىگىت ەكىنشى كۋرس ستۋدەنتى. 100 پايىز جازىلدى دەپ ايتپاساق تا، ٴقازىر جاعدايى تۇراقتى»، - دەدى ەلميرا اليەۆا.

اتاپ وتسەك، بۇگىن «umc» كورپوراتيۆتىك قورىنىڭ انا مەن بالا ۇلتتىق عىلىمي ورتالىعىندا ەلجان ٴبىرتانوۆتىڭ قاتىسۋىمەن «help today» قوعامدىق قورىنىڭ «مەن – جەڭىمپازبىن!» جوباسى تانىستىرىلدى. قايىرىمدىلىق شاراسىندا اۋىر دەرتتى جەڭگەن قايسار بالالاردىڭ ەرلىگى باياندالاتىن الەۋمەتتىك روليكتەر كورسەتىلدى. روليكتىڭ ٴبىرىنىڭ كەيىپكەرى - بالا كەزىندە ەكى رەت قاتەرلى ىسىكپەن اۋىرعان 18 جاستاعى پاۋەرليفتينگتەن چەمپيون. الماتىلىق جىگىت وسىلايشا باسقا بالعىندارعا ۇلگى كورسەتىپ، ٴۇمىت سىيلادى. بەينەجازبالارعا كەيىپكەر رەتىندە اۋرۋدى جەڭگەن بالعىندارمەن قاتار دەرتپەن ٴالى كۇرەسىپ جاتقان بالالار دا تۇسىرىلگەن.

«مەن - جەڭىمپازبىن!» قايىرىمدىلىق جوباسى - قاتەرلى دەرتتىڭ الدىن-الۋ، ەرتە انىقتاۋ مەن دەر كەزىندە دارىگەرگە قارالۋدىڭ ماڭىزى جوعارى ەكەنىن ەسكە سالاتىن، اۋىر سىرقاتقا شالدىققان بالالار مەن ولاردىڭ اتا-انالارىنا سەنىم ۇيالاتىپ، ساۋىعىپ كەتۋىنە ىقپال ەتەتىن، ٴۇمىت وتىن جوعالتپاۋعا شاقىراتىن جوبا.

بۇگىنگى شارا اياسىندا انا مەن بالا ۇلتتىق عىلىمي ورتالىعىنىڭ ونكولوگيا-3 بولىمشەسى مەن «اقىلدى سىنىپ» ينتەراكتيۆتى وقۋ بولمەسىنىڭ جۇمىسى تانىستىرىلدى. ديزاينەرلەر قايىرىمدىلىق نەگىزدە جوندەۋدەن وتكىزگەن ونكولوگيا-3 بولىمشەسىنىڭ ەم-شارا بولمەلەرى، دالىزدەرى كوڭىلدى بولۋى ٴۇشىن ٴتۇرلى جانۋارلارمەن، ادەمى سۋرەتتەرمەن بەزەندىرىلگەن. بۇنداي شارالار ناۋقاس بالالاردىڭ كوڭىلىن كوتەرىپ، الىپ جاتقان ەمىنىڭ شيپاسىن ارتتىرا تۇسپەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي