BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

ەلىمىزدە تۇڭعىش رەت نەبۋلايزەرلىك تەراپيانى جۇرگىزەتىن كابينەت اشىلدى

الماتى، baq.kz ٴتىلشىسى. الماتىداعى پەدياتريا جانە بالالار حيرۋرگياسى عىلىمي ورتالىعىندا تىنىس الۋ جۇيەسى اۋىراتىن ناۋقاستارعا ەلىمىز بويىنشا العاشقى رەت نەبۋلايزەرلىك تەراپيانى جۇرگىزۋگە ارنالعان كابينەت اشىلدى.

مامانداردىڭ ايتۋىنشا، ينگالياسيالىق تەراپيانى جۇرگىزۋگە ارنالعان مۇنداي كابينەت ورتالىق ازيا ەلدەرى اراسىندا بىزدە ٴبىرىنشى رەت اشىلىپ وتىر.

«بۇل كابينەت ەلىمىزدە ٴبىرىنشى رەت اشىلىپ وتىر. پۋلمەنولوگيا بولىمشەسى ارقىلى جىلىنا تىنىس الۋ جۇيەسىندە اقاۋى بار 600-دەن استام بالالار وتەدى. ولاردىڭ قاتارىندا اۋرۋى سوزىلمالى جانە تۋابىتكەن بالالار بار، اسىرەسە برونحىلى ەنتىكپەسى بارلار كوپ. نەبۋلايزەرلىك كابينەتتىڭ اشىلعانىنا وتە قۋانىشتمىز، ويتكەنى بۇل ەمدەۋ ساپاسىن ارتتىرىپ، ناۋقاستاردىڭ ستاسيوناردا جاتۋ كۇنىن ازايتادى»، -دەيدى اتالعان ورتالىقتىڭ پۋلمونولوگيا ٴبولىمىنىڭ مەڭگەرۋشىسى شامشاگۇل ناۋرىزاليەۆا.

نەبۋلايزەرلىك تەراپيانى جۇرگىزۋگە ارنالعان كابينەت پەدياتريا جانە بالالار عىلىمي ورتالىعى، مەديسينالىق جابدىق وندىرەتىن حالىقارالىق homed medical device co كومپانياسى جانە تىنىس الۋ جۇيەسىندەگى اۋرۋلاردى ەمدەۋگە ارنالعان يننوۆاسيالىق پرەپاراتتاردى جاساپ شىعاراتىن «استرازەنەكا» بيوفارماسەفتيكالىق كومپانياسىنىڭ بىرلەسە جۇمىس جۇرگىزۋى ارقاسىندا اشىلعان.

«بۇل قىتاي مەن قازاقستان اراسىنداعى «ٴبىر بەلدەۋ-بىر جول» جوباسى اياسىندا ىسكە اسىرىلىپ وتىر. ٴبىزدىڭ ونىمدەر الەمنىڭ 65 ەلىندە قولدانىلۋدا. ٴبىزدىڭ كومپانيا الداعى ۋاقىتتا قازاقستان تۇرعىندارى ٴۇشىن ساپالى مەديسينالىق جابدىقتاردى ازىرلەۋدى قولعا الماق»، -دەيدى homed medical device co كومپانياسىنىڭ پرەزيدەنتى چەن سينپين.

مامانداردىڭ ايتۋىنشا، ەلىمىزدە تۇڭعىش اشىلىپ وتىرعان بۇل كابينەت تولىعىمەن جابدىقتالىپ، قىتايلىق كومپانيا تاراپىنان اقىسىز نەگىزدە تابىستالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي