ەلىمىزدە جىلىنا 80 مىڭ جاساندى تۇسىك جاسالادى - ۇلت ساۋلىعى|08 قازان 2014، 16:23
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە جىلىنا 80 مىڭ جاساندى تۇسىك جاسالادى

استانا. 8 قازان. baq.kz - قازاقستاندا 1000 ايەلدىڭ ٴ18-ى جاساندى تۇسىك جاساتادى.

بۇل تۋرالى قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق ۇيلەستىرۋشىسى گۇل وماروۆا ايتتى.

 

- ەلىمىزدە بالا سۇيە المايتىن وتباسىلار سانى 15-16 پايىزدى قۇرايدى. بۇل جاعدايدىڭ ٴاربىرىنىڭ بەسىنشى سەبەبى جاساندى تۇسىك جاساتۋ بولىپ تابىلادى. ٴبىزدىڭ ەلىمىزدە بەدەۋلىكتى ەمدەۋگە بۇرىننان جوعارعى تەحنولوگيالار قولدانىلادى. بۇنداي وتباسىلارعا ەمدەلۋگە جىل سايىن 600 كۆوتا بولىنەدى، - دەگەن گ.تورەبەك قىزى سوڭعى 10 جىلدا جاساندى تۇسىك جاساتۋ ٴۇش ەسەگە قىسقارعاندىعىن ايتىپ «ٴبىراق نەدەگەنىمەن جاساندى تۇسىك جاساتۋ ەۋروپا ەلدەرىمەن سالىستىرعاندا جوعارى دەڭگەيدە تۇر. مىسالى ەۋروپادا 1000 ايەلدىڭ سەگىزى جاساندى تۇسىك جاساتسا، ٴبىزدىڭ ەلدە ولاردىڭ سانى 18-گە تەڭ. ال توقسانىنشى جىلدارى ولاردىڭ سانى مىڭنان 60 بولعان بولاتىن. بۇگىنگى كۇنى ٴبىزدىڭ ەلىمىزدە جىلىنا 80 مىڭ جاساندى تۇسىك جاسالادى. ەگەر جىلىنا 400 مىڭ ايەل بوسانسا، 80 مىڭى جاساندى تۇسىك جاساتانتىندىعىن سالىستىرساق ٴبىز ٴالى دە بەلسەندى تۇردە جۇمىس ىستەۋ كەرەكتىگىمىزدى تۇسىنەمىز» دەدى.


سوىنمەن قاتار، جاستاردىڭ اراسىندا جاساندى تۇسىك جاساۋدى الدىن الۋ ٴۇشىن قازىرگى ۋاقىتتا ۇكىمەتتىك ەمەس ۇيىمدار تارتىلىپ، مەكتەپتەر مەن جوو-لاردا قوسىمشا باعدارلامالار ەڭگىزىلۋ جوسپارلانۋدا ەكەندىگىن ايتقان گ.وماروۆا:
- ەمحانالاردا جەدەل جەلىسى بار جاستاردىڭ دەنساۋلىعىن قاداعالايتىن ورتالىقتار ۇيىمداستىرىلعان. ول جاققا كەز-كەلگەن ٴجاسوسپىرىم ٴوزىنىڭ ماسەلەسىمەن جولىعا الادى. 2013 جىلى جەدەل جەلىگە 300 مىڭ ٴجاسوسپىرىم حابارلاسقان. ونىڭ باستى سەبەپتەرىنىڭ ٴبىرى اتا-انالارىمەن نەمەسە قۇرداستارىمەن تۇسىنىسپەۋشىلىك بولسا، ەكىنشىسى ەرتە ەكىقابات بولىپ قالۋ بولعان. ورتالىق مامانداردىڭ دۇرىس جۇمىستارىنىڭ ارقاسىندا دا ەلىمىزدە جاساندى تۇسىك جاساتۋ ازايعاندىعىن كورىپ وتىرمىز، - دەپ اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي