ەلىمىزدە ترانسپلانتاسيا جاساۋ قانشالىقتى دامىعان؟ - ۇلت ساۋلىعى|10 قازان 2014، 14:27
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە ترانسپلانتاسيا جاساۋ قانشالىقتى دامىعان؟

 استانا. 10-قازان. baq.kz – بۇگىنگى تاڭدا ەلىمىزدە 3000-عا جۋىق ادام بۇيرەك الماستىرۋ ٴۇشىن ٴوز كەزەگىن كۇتۋدە. 2012 جىلى رەسپۋبليكا اۋماعىنداعى 5 ورتالىقتا جاسالسا، ٴقازىر 9 ورتالىقتا بۇيرەك اۋىستىراتىن ماماندار مەن تەحنيكا جەتكىلىكتى. العاش رەت ترانسپلانتاسيالاۋ وپەراسياسى 1902 جىلى اۆستريادا جاسالعان ەكەن.

 الماتىداعى سىزعانوۆ اتىنداعى ۇلتتىق عىلىمي حيرۋرگيا ورتالىعىندا 1978 جىلدان باستاپ جاسالىپ كەلەدى. باۋىر الماستىرۋ وپەراسياسى دا العاش رەت وسى ورتالىقتا جاسالعان ەدى. 12 ساعاتقا سوزىلعان وپەراسياعا بارلىعى 50-دەن اسا مەديسينا قىزمەتكەرلەرى قاتىسقان بولاتىن. وكىنىشتىسى سول، ەلىمىزدە باۋىر اۋرۋىنا ۇشىراعان ادامدار سانى جىلدان-جىلعا ارتىپ كەلەدى. مۇنىڭ سەبەبى اراق-شاراپتى شامادان تىس پايدالانۋ، اسىرەسە، قولدان جاسالعان ساپاسى ناشار ىشىمدىكتەردى ٴىشۋ. ٴىرى قالالاردا عانا ەمەس، ەندى وبلىستارداعى اۋرۋحانالاردا دا بۇيرەك الماستىرۋ وپەراسيالارى جاسالادى. كەشە عانا قىزىلوردا وبلىسىنداعى ورتالىق اۋرۋحانادا وپەراسيا ٴساتتى ٴوتتى. بۇدان قورىقپاۋىمىز كەرەك. وپەراسيا جاسايتىن مامانداردى كوبەيتۋدەمىز دەيدى مەديسينا عىلىمدارىنىڭ دوكتورى، پروفەسسور جاقسىلىق دوسقاليەۆ.

الەمدەگى مەديسيناسى وزىق ەلدەردىڭ ٴبىرى – كورەيا. جىل سايىن تاجىريبە الماسۋ ماقساتىندا كۇنشىعىس ەلىنىڭ ماماندارى وسىندا كەلىپ تۇرادى. استاناعا ارنايى كەلگەن ساپارىندا دوكتور كۆانگ-ۆۋنگ ٴليدىڭ ٴوزى ارنايى ٴدارىس وقىدى. سونداي-اق سەۋل ۇلتتىق ۋنيۆەرسيتەتى گوسپيتالىنىڭ ماماندارى بۇيرەك الماستىرۋدىڭ زاماناۋي تەحنولوگياسىن كورسەتتى.

استاناعا بۇعان دەيىن دە بىرنەشە رەت كەلگەنمىن. ەكى ەلدىڭ مەديسينالىق بايلانىسىن دامىتۋعا كۇش سالۋىمىز كەرەك. سەۋل ۇلتتىق ۋنيۆەرسيتەتى گوسپيتالىنىڭ ماماندارىن ارنايى شاقىردىم. مۇنداي ونلاين وپەراسيادان كوپ تاجىريبە الۋعا بولادى دەيدى پروفەسسور كۆانگ-ۆۋنگ لي.

سەۋلدەن كەلگەن ماماندار اعزاعا بۇيرەك اۋىستىرۋدى ونلاين كورسەتتى. كارىس ماماندارىنىڭ ەلگە كەلۋىنە وراي ٴتىرى دونوردان باۋىر مەن بۇيرەكتىڭ تۋىستىق ترانسپلانتاسياسى بويىنشا تاعى ەكى وپەراسيا جاسالدى. جىل سايىن الەمنىڭ دامىعان ەلدەرىندە 100 مىڭنان استام ادامنىڭ ىشكى اعزالارىنا وپەراسيا جاسالسا، 200 مىڭداي ادامنىڭ اعزاسى اۋىستىرىلادى ەكەن. شەتەلدە ٴبىر ادامعا اعزا اۋىستىرۋ وپەراسياسىنا 300 مىڭ اقش دوللارىنا دەيىن بولىنسە، بىزدە ٴبىر ادامعا 10 ميلليون تەڭگە جۇمسالادى. اعزاسىن اۋىستىرعاندىڭ 80 پايىزى ساۋىعىپ كەتەدى ەكەن. ال، ماماندار ترانسپلانتاسيالاۋ تۋا نەمەسە جۇرە پايدا بولعان باۋىر مەن بۇيرەك اۋرۋىن ەمدەۋدىڭ بىردەن-بىر ٴتيىمدى جولى، – دەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي