BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلدەگى ونكولوگيالىق ورتالىقتار راديوتەراپيا قۇرىلعىلارىمەن جابدىقتالادى

استانا، baq.kz. قر دەنساۋلىق ساقتاۋ مينيسترلىگى ەلدەگى ونكولوگيالىق ورتالىقتاردى زاماناۋي مەدقۇرىلعىلارمەن جابدىقتاۋ بويىنشا ىنتىماقتاستىق تۋرالى مەموراندۋمعا قول قويدى.

دەنساۋلىق ساقتاۋ مينيسترلىگى «varian medical systems international ag» كومپانياسىمەن ىنتىماقتاستىق تۋرالى مەموراندۋمعا وتىردى.

رەسپۋبليكالىق مەملەكەتتىك-جەكەمەنشىك سەرىكتەستىك شەڭبەرىندە ەل ۇكىمەتىمەن بەكىتىلگەن 2018-2022 جىلدارعا ارنالعان قازاقستان رەسپۋبليكاسىندا قاتەرلى ىسىكپەن كۇرەسۋ جونىندەگى كەشەندى جوسپارعا سايكەس استاناداعى ۇلتتىق ونكولوگيالىق زەرتتەۋلەر ورتالىعى راديوتەراپيا جانە پروتون تەراپياسىنا ارنالعان جابدىقپەن، سونداي-اق 10 وڭىرلىك ونكولوگيالىق ورتالىقتاردى ساۋلەلىك تەراپيا ماشينالارىمەن قامتاماسىز ەتۋ جوسپارلانىپ وتىر.

ۇلتتىق عىلىمي ونكولوگيالىق ورتالىعىن قۇرۋ جونىندەگى جۇمىستى قر دەنساۋلىق ساقتاۋ مينيسترلىگى مەملەكەت باسشىسى ن.ٴا.نازاربايەۆتىڭ 2018 جىلعى 10 قاڭتارداعى قازاقستان حالقىنا «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جانە 2018 جىلعى 5 قازانداعى «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن ساپاسىن ارتتىرۋ» اتتى قازاقستان حالقىنا جولداۋىندا ايتىلعان تاپسىرمالارىن ورىنداۋ ماقساتىندا جۇزەگە اسىرادى.

ايتا كەتەيىك، بۇل ورتالىقتىڭ قۇرىلىسى 2019 جىلى باستالادى. بيىلعى جىلى دەنساۋلىق ساقتاۋ مينيسترلىگى قاجەتتى ۇيىمداستىرۋشىلىق جانە دايىندىق جۇمىستارىن باستادى.

ۇلتتىق عىلىمي ونكولوگيالىق ورتالىعى حالىققا ەرتە دياگنوستيكانىڭ جوعارى ٴتيىمدى جانە جوعارى تەحنولوگيالىق ادىستەرىمەن جانە حالىقارالىق تاجىريبەگە سۇيەنە وتىرىپ، ونكولوگيالىق اۋرۋلاردى ەمدەۋدى قامتاماسىز ەتۋگە ارنالعان.

جالپى، قازاقستاندا جىل سايىن 35 مىڭ جاڭا وبىر اۋرۋىنا شالدىققان ادام تىركەلەدى. قازاقستانداعى 170 مىڭعا جۋىق ادام وبىر اۋرۋىنا شالدىققان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي