BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەكىباستۇز پەرزەنتحاناسى 30 جىلدان كەيىن كۇردەلى جوندەۋدەن ٴوتتى

فوتو: pavlodarnews.kz

استانا، baq.kz. عيماراتقا 30 جىلدىڭ ىشىندە العاشقى رەت جوندەۋ جۇمىستارى جاسالعان. بۇل تۋرالى pavlodarnews.kz سايتى حابارلايدى.

قالالىق اكىمدىكتىڭ حابارلاۋىنشا، جالپى قۇرىلىس جۇمىستارىمەن قاتار، عيماراتتىڭ قاسبەتى جوندەلدى، سونداي-اق ارلەۋ جانە سىرلاۋ جۇمىستارى جاسالدى.

«پەرزەنتحانانى كۇردەلى جوندەۋگە وبلىستىق بيۋدجەتتەن 203 ميلليون تەڭگەدەن استام قارجى ٴبولىندى. جۇمىستار شىلدە ايىندا باستالدى. مەردىگەر – «سۋ نۆك» جشس»، - دەپ جازىلعان حابارلامادا.

بۇعان قوسا، قالالىق ٴماسليحاتتىڭ دەپۋتاتى نيكولاي ارسيۋتين ٴوز ەسەبىنەن كىشى وتا زالىنا جوندەۋ جۇرگىزۋ ٴۇشىن 1،2 ميلليون تەڭگە قارجىلاي كومەك كورسەتتى. سونداي-اق، «ەكىباستۇزدىڭ بولاشاعى ٴۇشىن» قوعامدىق بىرلەستىگى پەرزەنتحانانىڭ قاسبەتىن سىرلاۋعا سەگىز ميلليون تەڭگە قارجى ٴبولدى.

پەرزەنتحاناعا ەكى ناركوز اپپاراتى جانە بەس تىنىس الۋ اپپاراتى، ەكى جۇك ٴليفتى ساتىپ الىندى. ەكىباستۇز پەرزەنتحاناسى مەن باياناۋىل اۋدانىنىڭ جۇكتى جانە جاڭا بوسانعان ايەلدەرىنە مەديسينالىق كومەك كورسەتەدى.

پەرزەنتحانا 105 توسەككە ەسەپتەلگەن. اعىمداعى جىلدىڭ 11 ايىندا پەرزەنتحانادا 2000-نان استام نارەستە دۇنيەگە كەلدى. سوڭعى ٴۇش جىلدا جانە 2018 جىلدىڭ 11 ايىندا ەكىباستۇز ٴوڭىرى بويىنشا انا ٴولىمى تىركەلگەن جوق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي