BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دۇنيەجۇزىلىك جيتس-كە قارسى كۇرەس ايلىعىنا 34 مىڭنان استام ادام قاتىستى

استانا، baq.kz. ەلوردادا جىل سايىن وتكىزىلەتىن دۇنيەجۇزىلىك جيتس-كە قارسى كۇرەس كامپانياسى قورىتىندىلاندى.

استانا قالاسىنىڭ قوعامدىق دەنساۋلىق ساقتاۋ باسقارماسى مەن جيتس ورتالىعى ٴبىر اي كولەمىندە اتالمىش ناۋقان اياسىندا ٴتۇرلى ٴىس-شارالار، سونىڭ ىشىندە حالىق كوپ شوعىرلانعان ورىنداردا، ياعني اۋەجاي، حالىققا قىزمەت كورسەتۋ ورتالىعى، تەمىرجول ۆوكزالى مەن ساۋدا ويىن-ساۋىق ورتالىقتارىندا جانە جوعارعى وقۋ ورىندارىندا ٴبىرقاتار اۋقىمدى اكسيالار وتكىزدى. وندا تۇرعىندار تەگىن ەكسپرەسس-تەستىدەن ٴوتىپ، ماماندار كەڭەسىن تىڭدادى.

جالپى، «ٴوز ايتۆ ستاتۋسىڭدى ٴبىل!» ناۋقانى بارىسىندا 225 ٴىس-شارا وتكىزىلىپ، 34086 ادام قامتىلدى، ونىڭ ٴ1353-ى ەكسپرەسس-تەستىدەن ٴوتىپ، بارلىعى تەرىس ناتيجە كورسەتتى. سونىمەن قاتار، «حان شاتىر» وسو-دا وتكەن قورىتىندى اكسيا كەزىندە 83 ادام جاڭا ادىسپەن، ياعني، قان تاپسىرماي، سىلەكەي ارقىلى ٴوز ايتۆ ستاتۋسىنا قاتىستى ٴبىلۋ مۇمكىندىگىنە يە بولدى.

سونىمەن قاتار، قورىتىندى اكسيا بارىسىندا ايتۆ جۇقپاسىنىڭ الدىن الۋ باعىتىنداعى اقپاراتتىق ناسيحات جۇمىستارىندا بەلسەندىلىك تانىتقان باق وكىلدەرى ماراپاتتالدى. ٴىس-شارا سالاۋاتتى ٴومىر سالتىن ۇستانۋعا شاقىراتىن، جاستاردىڭ فلەشموبىمەن اياقتالدى.

ەستەرىڭىزگە سالا كەتەيىك، استانا قالاسىندا 1997 جىلدان بەرى 1443 ايتۆ-ينفەكسياسى تىركەلدى، ونىڭ ىشىندە وسى جىلدىڭ 9 ايىندا 150 جاعداي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي