BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«دەنساۋلىق» پويىزى ٴوز جۇمىسىن اياقتادى

فوتو: Túrkistan

استانا، baq.kz ٴتىلشىسى. 3 قىركۇيەكتەن باستاپ شالعاي ەلدى مەكەن تۇرعىندارىنا كومەك كورسەتكەن مەديسينالىق پويىزدار جۇمىسىن اياقتادى. ٴۇش اي ىشىندە 41 360 ادام تەراپەۆت، پەدياتر، نەۆروپوتولوگ، وكۋليست، گينەكولوگ، حيرۋرگ، ۋرولوگ، ماممولوگ جانە ٴتىس دارىگەرلەرىنىڭ كومەگىنە جۇگىنگەن.

«مەديسينالىق پويىزدار» جوباسى 2010 جىلدان بەرى «سامۇرىق-قازىنا» اق كومپانيالار توبىنىڭ «samruk-kazyna trust» الەۋمەتتىك جوبالاردى دامىتۋ قورى جانە دەنساۋلىق ساقتاۋ مينيسترلىگى، سونىمەن قاتار «قازاقستان تەمىر جولى» ۇك» اق-تىڭ «الەۋمەتتىك جوبالار» كورپوراتيۆتىك قورىنىڭ قولداۋىمەن جۇزەگە اسىپ كەلەدى.

بيىل ٴۇش اي ىشىندە شالعايداعى ەلدى مەكەندەردەگى ناۋقاستارعا ٴۇش مىڭعا جۋىق وتا جاسالعان.

«بيىل ەلباسى ٴوز جولداۋىندا العاشقى مەديسينالىق-سانيتارلىق كومەكتىڭ ساپاسىن، اسىرەسە اۋىلدىق جەرلەردە ارتتىرۋدى تاپسىردى. 3 قىركۇيەكتە جولعا شىققان «دەنساۋلىق» جانە «سالاماتتى قازاقستان» مەديسينالىق پويىزدارى الماتى، تۇركىستان، قاراعاندى، پاۆلودار، اتىراۋ، ماڭعىستاۋ، قوستاناي، قىزىلوردا جانە شىعىس قازاقستان وبلىستارىنداعى 127 ستانسادا توقتاپ، 41 360 ادامعا مەديسينالىق كومەك كورسەتتى. مۇنىڭ ىشىندە 6 مىڭنان استام تەكسەرۋ بالالارعا جاسالدى. تەراپەۆت، ٴتىس دارىگەرى، وفتالمولوگ، ماممولوگ جانە باسقا دا مامانداردى قامتىعان 10 مەديسينالىق توپ 192 195 دارىگەرلىك قابىلداۋ وتكىزدى. سونداي-اق ماماندار 67 مىڭنان استام دياگنوستيكالىق ەمشارا جانە 3 مىڭ شاعىن حيرۋرگيالىق وپەراسيا جاسالدى»، - دەيدى «samruk-kazyna trust» الەۋمەتتىك جوبالاردى دامىتۋ قورىنىڭ باس ديرەكتورى دياس ازبەرگەنوۆ.

مەديسينالىق پويىزدار مرت، رەنتگەن، فگدس، ۋدز سياقتى زاماناۋي دياگنوستيكالىق قۇرالدارمەن جابدىقتالعان جانە ستوماتولوگيالىق، لور جانە وفتالمولوگيالىق اپپاراتتاردىڭ سوڭعى ۇلگىلەرىمەن قامتىلعان.

ٴباسپاسوز جيىنى بارىسىندا «دەنساۋلىق» پويىزى مەديسينالىق بريگاداسىنىڭ باس دارىگەرى ارزىقۇل كەنجەەۆ جۇمىس بارىسىندا ٴجيى كەزدەسكەن 5 دەرت تۋرالى ايتىپ ٴوتتى.

«بيىل جۇمىس بارىسىندا وڭىرلەردە ارتەريالىق گيپەرتونيا، يشەميالىق اۋرۋ، قانت ديابەتى، سوزىلمالى برونحيت جانە ەندەميالىق جەمساۋ سياقتى دەرت تۇرلەرى كوپتەپ كەزدەسەتىنى انىقتالدى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي