BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ددسۇ وكىلى: انتيبيوتيكتى ورىنسىز قولدانۋدى دارىگەرلەر ەمەس، مەملەكەت قاداعالاۋى كەرەك

فوتو: MedAboutMe

استانا، baq.kz ٴتىلشىسى. 12-16 قاراشا ارالىعىندا دۇنيەجۇزىلىك انتيبيوتيكتەردى دۇرىس پايدالانۋ اپتالىعى وتەدى. اپتالىق اياسىندا استانادا «ٴبىرىڭعاي دەنساۋلىق» تۇجىرىمداما رۋحىندا ادامنىڭ، جانۋارلاردىڭ دەنساۋلىعىن قولداۋدى جاقتاۋ جانە قورشاعان ورتانىڭ تازالىعىن ساقتاۋ تاقىرىبىندا دوڭگەلەك ۇستەل ٴوتتى.

بۇگىن استانادا دۇنيەجۇزىلىك اپتالىق اياسىندا قر دسم قوعامدىق دەنساۋلىق ساقتاۋ ۇلتتىق ورتالىعى ددسۇ-مەن جانە دەنساۋلىق ساقتاۋدى دامىتۋ رەسپۋبليكالىق ورتالىعىمەن بىرلەسىپ ۇيىمداستىرعان دوڭگەلەك ۇستەل ٴوتتى.

وندا قازاقستاندا ميكروبقا قارسى پرەپاراتتارعا توزىمدىلىكتى ازايتۋ، انتيبيوتيكتەردىڭ زيانى مەن پايداسى، انتيبيوتيكتەردى قر ۆەتەرينارلىق قىزمەتىندە پايدالانۋ جانە تاعى دا باسقا ماسەلەلەر تالقىلاندى.

انتيبيوتيك ٴبىزدىڭ اعزامىزعا مال ونىمدەرى ارقىلى دا تۇسەدى. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ وكىلى ولەگ چەستنوۆ ايتتى.

«ٴبىزدىڭ ومىرىمىزگە ٴقاۋىپ قايدان كەلەدى؟ بۇرىن انتيبيوتيكتەر ادام ٴومىرىن اجالدان اراشالاپ قالۋ ٴۇشىن قولدانىلاتىن. ساۋساقپەن سانارلىق انتيبيوتيك قانا مال شارۋاشىلىعىندا قولدانىلاتىن. ال ٴقازىر قالاي؟ قازىرگى ۋاقىتتا ادامدارعا عانا ارنالعان ەمەس، ٴتورت تۇلىك مالعا ارنالعان انتيبيوتيكتەر كوپتەپ شىعارىلۋدا. فارماسەۆتيكا يندۋسترياسى بۇدان كوپ اقشا جاساپ جاتىر. ددسۇ-عا 124 مەملەكەت مۇشە، سونىڭ ىشىندە قازاقستان بۇل ماسەلەنى شەشۋ جولدارىن ۇسىنا الاتىن مەملەكەتتەردىڭ ٴبىرى. بىزگە سوزدەن ىسكە كوشىپ، انتيبيوتيكتى ٴجيى قولدانۋعا توسقاۋىل قويۋىمىز كەرەك. بۇل توسقاۋىلدى دارىگەرلەر ەمەس، مەملەكەت قويۋى كەرەك، سەبەبى دارىگەر ٴۇشىن انتيبيوتيكتى قويىپ، ناۋقاستىڭ ٴوزىن قاداعالاۋ قيىن. ناۋقاس ٴوز بەتىمەن ەمدەلۋگە بەيىم. ناۋقاستىڭ دەنساۋلىق جاعدايىنىڭ جاقسى بولۋى 20% عانا دارىگەرگە بايلانىستى»، - دەيدى ول.

ولەگ چەستنوۆ انتيبيوتيكتەردىڭ زيانى مەن پايداسى جانە ونى قابىلداۋعا قاتىستى ماسەلە قازاقستاننىڭ ٴار تۇرعىنىنا قاتىسى بار تاقىرىپ ەكەنىن ايتتى.

«انتيبيوتيكتەردى ويلاپ تابۋ ارقىلى ينفەكسيالىق اۋرۋلارمەن كۇرەستە رەۆوليۋسيا جاسالدى. وكىنىشكە قاراي، قازىرگى ۋاقىتتا ونى ورىندى-ورىنسىز قولدانا بەرۋ كەسىرىنەن ادام مەن جانۋارلار اعزاسىنداعى ميكرواعزالار ول انتيبيوتيكتەرگە ٴتوزىمدى بولىپ بارادى. جاقىن بولاشاقتا انتيبيوتيكتەردىڭ جەر بەتىندەگى بارلىق ادامعا اسەر ەتە الماي قالۋ ٴقاۋپى ٴتونىپ تۇر. دەمەك، ٴبىز سىزدەردىڭ بالالارىڭىزدى قاراپايىم برونحيت، پنەۆمونيا سياقتى دەرتتەردەن امان الىپ قالا المايتىن بولامىز. بۇل ساياساتكەرلەر مەن مەملەكەتتىك شەنەۋنىكتەردى اسا ويلاندىرۋى كەرەك ماسەلە، سول سەبەپتى انتيبيوتيكتەردى ورىنسىز قولدانۋمەن كۇرەستە ٴبارىمىز بىرىگۋىمىز كەرەك»، - دەيدى دۇنيەجۇزىلىك دەنساۋلىق ساقتاۋ ۇيىمىنىڭ وكىلى ولەگ چەستنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي