دارىگەر-حيرۋرگ: «جىلىنا شامامەن 500 وتا جاسايمىن» - ۇلت ساۋلىعى|03 قاراشا 2018، 12:17
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دارىگەر-حيرۋرگ: «جىلىنا شامامەن 500 وتا جاسايمىن»

فوتو: Автор

قىزىلوردا، baq.kz ٴتىلشىسى. قىزىلوردا وبلىسىنداعى بىلىكتى دارىگەر باقىتبەك جامانتايەۆ جىل سايىن ٴتورت جۇزگە جۋىق وتا جاسايدى. جوعارعى ساناتتى دارىگەر-حيرۋرگ جاقىندا رەسپۋبليكالىق «ەڭبەك جولى» بايقاۋىندا باعىن سىناپ، «جۇمىس ىستەيتىن جاستاردىڭ ۇزدىك تالىمگەرى» بويىنشا لاۋرەات اتاندى.

1972 جىلى دۇنيەگە كەلگەن باقىتبەك مىرزابەك ۇلى مەديسينا سالاسىندا 22 جىلدان بەرى قىزمەت ەتىپ كەلەدى. اتاپ ايتساق، اقتوبە مەملەكەتتىك مەديسينالىق ينستيتۋتىنىڭ ەمدەۋ ٴىسى ماماندىعى بويىنشا ٴبىلىم العاننان كەيىن دارىگەرلىك ەڭبەك جولىن شيەلى اۋداندىق اۋرۋحاناسىندا دارىگەر-حيرۋرگ بولىپ باستايدى. ٴار جىلدارى اۋداندىق اۋرۋحانا باس دارىگەرىنىڭ ەمدەۋ ٴىسى جونىندەگى ورىنباسارى، «قازاتومونەركاسىپ-دەمەۋ» ٴجشس-نىڭ «دەمەۋ-شيەلى» فيليالىنىڭ مەديسينالىق-سانيتارلىق بولىمىنە دارىگەر-حيرۋرگى، مەديسينالىق-سانيتارلىق ٴبولىمنىڭ باس دارىگەرى بولىپ ەڭبەك ەتتى. 2011 جىلدان بۇگىنگى كۇنگە دەيىن شيەلى اۋداندىق ورتالىق اۋرۋحاناسى حيرۋرگيا ٴبولىمىنىڭ مەڭگەرۋشىسى قىزمەتىن اتقارۋدا.

«ٴبىزدى ادام جانىنىڭ اراشاسى دەيدى. سوعان لايىقتى بولۋىمىز كەرەك. كۇن سايىن تاڭ اتىسىمەن بارلىق پالاتانى ارالاپ، ناۋقاستاردىڭ جاعدايىن سۇرايمىن. يبن سينا ايتقانداي، ناۋقاس ادامدى ەڭ الدىمەن دارىمەن ەمەس، جىلى سوزبەن ەمدەۋ كەرەك. 22 جىلدىق تاجىريبەمدە وسىنى تەرەڭ ٴتۇيسىندىم. ەمىڭدى جاساپ قانا قويماي، جىلىلىق تانىتساڭ، ناۋقاس جادىراپ سالا بەرەدى. وزىمنەن كەيىنگى بۋىنعا دا ۇلكەنگە قۇرمەت، كىشىگە ىزەت كورسەتۋ تۋرالى ايتىپ جۇرەمىن. ناۋقاستىڭ جاعدايىنىڭ جاقسارعانى – ٴبىز ٴۇشىن قۋانىش. وسىنداي قۋانىشتى ٴساتتى تالاي باستان وتكەردىك»، - دەيدى باقىتبەك مىرزابەك ۇلى.

باقىتبەك مىرزابەك ۇلى بىلىكتى مامان رەتىندە مەديسينانىڭ ەڭ ۇزدىك جەتىستىكتەرى مەن تەحنولوگيالارىن يگەرىپ، جۇمىس بارىسىندا كەڭىنەن پايدالانادى. ول رەسپۋبليكالىق، وبلىستىق دەڭگەيدەگى حيرۋرگيالىق دياگنوستيكا جانە ەمدەۋ تاسىلدەرىنە بايلانىستى عىلىمي-تاجىريبەلىك كونفەرەنسيالارعا قاتىسىپ، باياندامالار وقىعان. بىلىكتى دارىگەر ب.جامانتايەۆ 2015 جىلى قىزىلوردا وبلىسىنداعى «جىلدىڭ ۇزدىك دارىگەرى» نوميناسياسىنىڭ يەگەرى. ٴار جىلدارى اۋداندىق، وبلىستىق دەڭگەيدەگى العىس حاتتارمەن ماراپاتتالعان. ول ٴوز سالاسىنىڭ مىقتى مامانى رەتىندە كوپشىلىكتىڭ العىسىنا بولەنىپ جۇرگەن ازامات.

«كۇن-تۇن دەمەي، ۋاقىتپەن ساناسپاي جۇمىس ىستەۋگە تۋرا كەلەدى. ٴبىر كۇندە وننان استام وتا جاساعان كەزدەرىم بولدى. ماسەلەن، كوپشىلىك اپپەنديسيتكە وتا جاساۋ وڭاي دەپ ويلايدى. نەگىزى، بۇل وڭاي، ٴارى كۇردەلى وتا. بىرەۋى ون بەس مينۋتتا بىتسە، ەندى بىرەۋى ەكى-ۇش ساعاتقا سوزىلادى. جىلىنا شيەلى اۋدانىندا 700-800 وتا بولسا، سونىڭ ٴ400-500-ى مەنىڭ ۇلەسىمدە. 2014 جىلدان بەرى لاپاروسكوپيالىق اپپاراتتى قولدانىپ ٴجۇرمىن. تراۆماتولوگيالىق بولسىن، ٴوت بولسىن، باسقا دا كۇردەلى وتالاردى جاسايمىن»، - دەيدى باقىتبەك جامانتايەۆ.

شيەلى اۋداندىق اۋرۋحاناسى باس دارىگەرىنىڭ ورىنباسارى ٴامىر نۇرلاننىڭ ايتۋىنشا، حيرۋرگ مامان وتە ساق، اسقان ەپتى، شىدامدى، ەڭ باستىسى، ٴبىلىمى مەن بىلىكتىلىگى جوعارى بولۋى ٴتيىس.

«بۇل تالاپتار باقىتبەك مىرزابەك ۇلىنىڭ بويىنان تابىلادى. وتە تاجىريبەلى. جاستارعا اقىل-كەڭەسىن ايتىپ وتىرادى. ادامگەرشىلىگىنە دە ريزامىز. قاراپايىم ٴارى كوڭىلى كەڭ جىگىت»، - دەيدى ول.

اق حالاتتى ابزال جان بەس قىزدىڭ اكەسى. كەنجەسى ۇلبوسىن اكە جولىن قۋعىسى كەلەدى.

«وسكەندە اكەم سەكىلدى دارىگەر بولۋدى ارماندايمىن. اكەم ادامداردى ەمدەپ، باتاسىن الىپ ٴجۇر. مەن دە حالىققا جاقسىلىق جاساعىم كەلەدى»، - دەيدى ۇلبوسىن.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي