BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇۇ بالالار قورىمەن بەلسەندى ىنتىماقتاستىقتى جالعاسىن تابادى

 استانا. 2 اقپان. baq.kz – قازاقستان دەنساۋلىق ساقتاۋ جانە الەۋمەتتىك دامۋ سالالارىندا ناقتى جەتىستىكتەرگە قول جەتكىزدى. بۇل تۋرالى بۇگىن قر دەنساۋلىق ساقتاۋ جانە الەۋمەتتىك دامۋ ٴمينيسترى تامارا دۇيسەنوۆامەن كەزدەسۋ بارىسىندا بۇۇ بالالار قورىنىڭ (يۋنيسەف) قازاقستانداعى وكىلى بوپ جۋىردا تاعايىندالعان يۋريي وكساميتنىي مالىمدەدى.

كەزدەسۋدە بالالالاردىڭ تەڭ مۇمكىندىكتەر الۋعا قۇقىعى، وتباسى دەنساۋلىعىن نىعايتۋ جانە الەۋمەتتىك قولداۋ، انا مەن بالا بەنساۋلىعىن قورعاۋ سياقتى ماسەلەلەر تالقىلاندى. سونداي-اق، تاراپتار 2016-2020 جىلدارعا ارناپ ازىرلەنىپ جاتقان قازاقستان رەسپۋبليكاسىنىڭ ۇكىمەتى مەن بۇۇ بالالار قورى اراسىنداعى ىنتىماقتاستىق جوسپارى شەڭبەرىندە دەنساۋلىق ساقتاۋ جانە حالىقتى الەۋمەتتىك قورعاۋ سالالارىنداعى ىنتىماقتاستىق باعىتتارى جونىندە پىكىر الماستى.

كەزدەسۋدە تامارا دۇيسەنوۆا قر دەنساۋلىق ساقتاۋ جانە الەۋمەتتىك دامۋ مينيسترلىگى بۇۇ بالالار قورىمەن بەلسەندى ىنتىماقتاستىقتى جالعاستىراتىنىن اتاپ كورسەتتى. يۋنيسەف ۇيىمىمەن بىرلەسىپ، مەديسينالىق جانە الەۋمەتتىك قىزمەتتەردىڭ سالالارالىق جانە ينتەگراسيالىق ۇلگىسىن كەڭەيتۋگە باعىتتالعان باعدارلامالار مەن جوبالار ىسكە اسىرىلىپ، الەۋمەتتىك ماڭىزدى ٴىس-شارالار اتقارىلۋدا.

ٴوز كەزەگىندە يۋريي وكساميتنىي قازاقستاندا دەنساۋلىق ساقتاۋ جانە الەۋمەتتىك دامۋ سالالارىندا ناقتى جەتىستىكتەرگە قول جەتكىزىلگەنىن ايتتى.

كەزدەسۋ قورىتىندىسىندا تاراپتار مينيسترلىك پەن بۇۇ بالالار قورى اراسىنداعى ٴوزارا ىس-ارەكەتتەستىكتى ٴارى قاراي نىعايتۋعا نيەت ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي