BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل تۇماۋعا شالدىعۋ دەڭگەيى تومەندەدى – بەكشين 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وتكەن بريفينگ بارىسىندا قر باس مەملەكەتتىك سانيتارلىق دارىگەرى، قر دسم قوعامدىق دەنساۋلىقتى قورعاۋ كوميتەتىنىڭ ٴتوراعاسى جانداربەك بەكشين مالىمدەدى.

«ەكپەدەن باس تارتۋ بۇگىن قالىپتاسىپ وتىرعان جاعداي ەمەس. كوبىنە، 1 جاسقا دەيىنگى بالالاردىڭ قىزىلشامەن اۋرۋى تىركەلىپ وتىر. ۆاكسينا جاسالۋى ٴتيىس مەرزىمگە جەتپەستەن، ولار اۋىرىپ ۇلگەرۋدە. سەبەبى، ول اناسىنىڭ قۇرساعىندا جاتقان كەزدە قاجەتتى يممۋنيتەتتى الماعان. ەندەشە، ونىڭ اناسى كەزىندە ەكپە الماعان. بۇل ٴجيى جاعدايدا 90 جىلداردىڭ كەزىنە سايكەس كەلىپ وتىر. قيىن كەزەڭ. ۆاكسينا تاپشىلىعى بولعان. ٴقازىر سونىڭ سالدارى بالاعا ٴتيىپ جاتىر. كەي ادامدار ٴدىني كوزقاراسپەن، كەيبىرى جەكە تۇسىنىگى بويىنشا ەكپەدەن باس تارتىپ جاتادى. ٴبىز جەكەلەپ جۇمىس جۇرگىزەتىنىمىزگە قاراماستان، جىل سايىن 4-4،5 مىڭعا جۋىق ادام ەپكەدەن باس تارتادى. الايدا، وسى جىلى سول 4،5 مىڭ ادامنىڭ تەڭ جارتىسى ەكپە الۋ تۋرالى شەشىم قابىلداعان»، - دەدى بەكشين.

سونداي-اق، مەملەكەتتىك باس سانيتارلىق دارىگەر قازاقستاندا تۇماۋ مەن وتكىر رەسپيراتورلىق ۆيرۋستىق ينفەكسيانىڭ ەكىنشى تولقىنى قاشان بولاتىنىن ايتتى.

«قازىرگى ۋاقىتتا قازاقستاندا تۇماۋدىڭ زەرتحانالىق راستالعان 44 جاعدايى تىركەلدى. سونىڭ ىشىندە، استانا مەن الماتى قالالارىندا باسىم. ازىرشە بۇل جۇقپالى اۋرۋلار ماۋسىمدىق كەزەڭگە سايكەس ورىن الىپ وتىر. ايتا كەتۋ كەرەك، وتكەن جىلمەن سالىستىرعاندا اۋرۋعا شالدىعۋ كورسەتكىشى بيىل 8 پروسەنتكە تومەن. تۇماۋ مەن وتكىر رەسپيراتورلىق ۆيرۋستىق ينفەكسيانىڭ ەكىنشى تولقىنى قاڭتار ايىنىڭ ورتاسىندا بولادى دەگەن بولجام بار»، - دەدى بەكشين.

ەستەرىڭىزگە سالا كەتەيىك، بەكشين اتىراۋلىق ەكى ازاماتتىڭ بالىقتان ۋلانۋىنا قاتىستى مالىمدەمە جاساعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي