BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل دەنەگە بوگدە زات ەنۋى سالدارىنان 275 ادام قازا بولعان

فوتو: belriem.org

استانا، baq.kz ٴتىلشىسى. بيىل ەلىمىزدە 1532 ادام «بوگدە دەنەنىڭ تابيعي تەسىكتەر ارقىلى ەنۋىنىڭ سالدارى» دياگنوزىمەن ەمدەلىپ، 275 ادام دەنەگە بوگدە زات ەنۋى سالدارىنان قازا بولعان. بۇل تۋرالى قر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى ايجان ەسماعامبەتوۆا ايتتى.

2018 جىلدىڭ 10 ايىندا قازاقستان بويىنشا 1532 ادام «بوگدە دەنەنىڭ تابيعي تەسىكتەر ارقىلى ەنۋىنىڭ سالدارى» دياگنوزىمەن ەمدەلگەن. ەمدەلگەندەردىڭ ىشىندە 1078 ادام 0-14 جاس ارالىعىندا، 23 ادام 15-17 جاس ارالىعىندا جانە 431 ادام 18 جاستان جوعارى بولعان. وسى دياگنوز بويىنشا ەمدەلگەندەر سانى بويىنشا استانا قالاسى (235 ادام)، الماتى قالاسى (171 ادام)، قاراعاندى قالاسى (132 ادام) جانە شىعىس قازاقستان وبلىسى (119 ادام) كوش باستاپ تۇر.

اعزاعا كىرگەن بوگدە زاتسالدارىنان كوم جۇمعاندار دا بار.

2018 جىلعى 9 ايدىڭ كورسەتكىشى بويىنشا بوگدە زات سالدارىنان كوز جۇمعاندار سانى – 275 ادام. ونىڭ ىشىندە الماتى وبلىسىندا 80 ادام، شىعىس قازاقستان وبلىسىندا 46 ادام، الماتى قالاسىندا 26 ادام، ال جامبىل وبلىسىندا 19 ادام اعزاسىنا بوگدە زات كىرۋ سالدارىنان كوز جۇمعان.

بۇعان دەيىن استانا قالاسىنداعى №2 قالالىق بالالار اۋرۋحاناسىندا جىل باسىنان بەرى بالالاردىڭ اعزاسىنان تيىن، ينە، ماگنيت، ويىنشىق جانە تاعى دا باسقا ٴىرىلى-ۇساقتى 159 بوگدە زاتتار شىعارىلعانىن جازعان بولاتىنبىز.

باس دارىگەر ٴبىرجان سەرىكبەك ۇلى بالالار اراسىندا وسىنداي جاعدايلار ٴجيى كەزدەسەتىنىن ايتقان.

«بوگدە زاتتار بالانىڭ اعزاسىنا كوبىنەسە قۇلاق، مۇرىن، اۋىز ارقىلى تۇسەدى. تىنىس الۋ جولدارى ارقىلى كىرگەن زات مۇرىن ىشىندە، كەڭىردەكتە، وكپە تىنىندە تۇرىپ قالۋى مۇمكىن. ەڭ ٴقاۋىپتى جەر – كومەي مەن كەڭىردەك. تەز ارادا مەديسينالىق كومەك كورسەتىلمەگەن جاعدايدا بالا اۋا جەتپەگەندىكتەن ارادا 1-2 مينۋت وتپەي-اق كوز جۇمۋى مۇمكىن»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي