بالالار قاتەرلى وبىرىن ەمدەۋ قۇنى 20 مىڭ ەۋرو تۇرادى - ۇلت ساۋلىعى|13 قازان 2014، 09:43
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالار قاتەرلى وبىرىن ەمدەۋ قۇنى 20 مىڭ ەۋرو تۇرادى

 استانا. 13 قازان. baq.kz - رەسپۋبليكا بويىنشا ورتالىق جۇيكە جۇيەسى وبىرىنا شالدىققان 20 شاقتى ناۋقاس بالالاردى گەرمانيادان كەلگەن بىلىكتى پروفەسسورلار قارايدى. مامانداردىڭ ايتۋىنشا، گەرمانيادا اتالعان اۋرۋ بويىنشا قارالۋ 20 000 ەۋرونى قۇرايدى ەكەن. بۇل تۋرالى بۇگىن ۇمح انا مەن بالا ۇعو ٴباسپاسوز قىزمەتى حابارلاپ وتىر.

 شارانىڭ ماڭىزدىلىعى تەك وتاندىق مامانداردى دايىنداۋ عانا ەمەس، سونداي-اق جۇيكە جۇيەسى قاتەرلى ىسىگىنە شالدىققان ناۋقاستاردىڭ شەت ەلگە بارىپ قارالۋىنا كەتەتىن قوماقتى قاراجاتى ۇنەمدەۋ ماقساتىندا بولىپ وتىر دەيدى ۇيىمداستىرۋشى ماماندار.
سونىمەن بىرگە قازان ايىنىڭ 13-17 ارالىعىندا «بالالار مەن جاسوسپىرىمدەر نەيروونكولوگياسى» تاقىرىبى بويىنشا وتەتىن وسى ماستەر-كلاسقا ەلىمىزدىڭ بارلىق وڭىرىنەن 80-گە جۋىق دارىگەر ماماندار قاتىسپاق. ولاردىڭ ىشىندە ايماقتاعى بالالار ونكولوگ دارىگەرلەرى، نەيروحيرۋرگتار، نەۆرولوگتار، پاتولوگيستولوگتار، ساۋلە تەراپياسى مەن ساۋلە دياگنوستيكاسى ماماندارى بار دەيدى. ولار از عانا ۋاقىت ىشىندە جۇيكە جۇيەسى ىسىكتەرىن ەمدەۋدەگى زاماناۋي دياگنوستيكا مەن ەمدەۋ تاسىلدەرىنە قاتىستى قۇندى ٴبىلىم الىپ، كلينيكالىق مىسالداردى جانە ناقتى اۋرۋلار بويىنشا تالداۋعا قاتىسادى.
اتالعان شاراعا گەرمانيادان ارنايى پروفەسسور گ.حەنسە شاقىرىلىپ وتىر. ول بىرنەشە جىلدان بەرى قر دەنساۋلىق ساقتاۋ جانە الەۋمەتتىك دامۋ ٴمينيسترىنىڭ قازاقستانداعى بالالار ونكولوگياسى بويىنشا كەڭەسشىسى بولىپ قىزمەت ەتىپ كەلەدى. سونداي-اق پروفەسسور ۋ.تومالە، دوكتور پ.حيەرناس، ا.گريۋن سىندى دۇنيەجۇزىن بىلىكتىلىكتەرىمەن مويىنداتقان ماماندار دا شەبەرلىك سىنىبى اياسىندا ٴوز تاجىريبەلەرىمەن بولىسپەك.

ايا ٴومىرتاي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي