BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالا دەنساۋلىعىن نىعايتۋ بويىنشا اتا-انالارعا كەڭەس

ددسۇ-نىڭ انىقتاۋى بويىنشا، رەپرودۋكتيۆتى دەنساۋلىق – بۇل رەپرودۋكتيۆتى جۇيەگە، ونىڭ فۋنكسيالارىنا جانە پروسەستەرىنە بايلانىستى اۋرۋلاردىڭ بولماۋى عانا ەمەس، سونىمەن بىرگە فيزيكالىق، اقىل-وي جانە الەۋمەتتىك سالاۋاتتىلىق جاعدايى. رەپرودۋكتيۆتى دەنساۋلىقتى قورعاۋ بالا كەزدەن باستالۋى كەرەك، وسىعان بايلانىستى اتا-انالار بالالارىنىڭ رەپرودۋكتيۆتى دەنساۋلىعىن قالاي ساقتاۋدى جانە نىعايتۋدى ٴبىلۋى ٴتيىس. بۇل تۋرالى قوعامدىق دەنساۋلىق ساقتاۋ ۇلتتىق ورتالىعىنىڭ ٴسوسق ورتالىعىنىڭ باس مامانى راۋشان كەنبايەۆا ايتتى.

بالا ٴۇشىن اتا-اناسىنىڭ كورسەتكەن ۇلگىسى وتە ماڭىزدى. ەگەر بالا سالاۋاتتى ٴومىر سالتىن ۇستاناتىن، سپورتپەن اينالىساتىن، زياندى ادەتتەردەن اۋلاق جۇرەتىن اتا-اناسىمەن تۇراتىن بولسا، بالانىڭ ٴوزى دە اتا-اناسىنا قاراي وتىرىپ، ولارعا ەلىكتەيتىن بولادى، دەمەك، دەنى ساۋ بولىپ وسەدى.

بالالاردى تاماقتانۋعا بايلانىستى جاقسى ادەتتەرگە ۇيرەتۋدە دە اتا-انالاردىڭ ٴرولى زور. بالانى كىشكەنتاي كەزىنەن باستاپ سالاۋاتتى تاعام ونىمدەرىمەن تانىستىرا باستاعان ٴجون. الايدا، ەگەر اتا-انالاردىڭ وزدەرى نە جەگەندەرىنە كوڭىل بولمەسە، ارينە، بالا دا وتباسىندا كورگەن داعدىلاردى قايتالايدى.

بۇدان بولەك، قىزدارعا، اسىرەسە جاسوسپىرىمدەرگە سۋىق اۋا-رايى كەزىندە نەلىكتەن جۇقا كولگوتكي ەمەس، جىلى كيىم كييۋ كەرەك ەكەنىن نەمەسە تەمپەراتۋرا مينۋستى كورسەتكىشتە بولعان كەزدە جالاڭاش بەلمەن ٴجۇرۋ زيان ەكەنىن ٴتۇسىندىرىپ وتىرۋ قاجەت.

بالالارىنىڭ دەنساۋلىعىن ساقتاۋ جانە نىعايتۋ بويىنشا اتا-انالارعا ارنالعان كەڭەستەر:

كۇن رەجيمٴىن جانە جەكە گيگيەنانى ساقتاۋ. دۇرىس تىنىعۋ قاجەت، تۇنگى ۇيقىنىڭ ۇزاقتىعى 8-9 ساعاتتان كەم بولماۋى ٴتيىس. جەكە قۇرالداردى قولدانۋ ارقىلى جەكە گيگيەنانى ساقتاۋ داعدىلارىن: جۋىنۋدى، ٴتىستى تازالاۋدى، تاماق ىشەردىڭ الدىندا قول جۋۋدى، ۇيىقتار الدىندا ۆاننا نەمەسە دۋش قابىلداۋدى ۇيرەتكەن ٴجون.

دۇرىس ۇيلەستىرىلگەن تاماقتانۋ. دۇرىس تاماقتانۋ بالانىڭ ٴوسىپ كەلە جاتقان ورگانيزمىنىڭ قالىپتاسۋىندا ۇلكەن ٴرول اتقارادى. اتا-انالاردىڭ وزدەرى ۇلگى كورسەتىپ، ەرتەڭگىلىك استان باستاپ تاماقتانۋ رەجيمىن ساقتاۋعا، تاماقتى وتباسىمەن بىرگە ٴىشۋدى، زيان كەلتىرەتىن تاعامنان، گازدالعان سۋسىنداردى ىشۋدەن باس تارتۋعا، سۋدى جەتكىلىكتى مولشەردە ىشۋگە، كوكونىس پەن جەمىس جەۋگە ۇيرەتكەندەرى ٴجون.

قوزعالىس بەلسەندىلىگى. گيپوديناميا قازىرگى كەزگى بالالاردىڭ كوپشىلىگىنە ٴتان. بالانىڭ سپورت سەكسيالارىنا نەمەسە بي، گيمناستيكا، اتلەتيكا ۇيىرمەلەرىنە، جۇزۋگە بارعانى دۇرىس، ويتكەنى، مولشەرلى فيزيكالىق جۇكتەمەلەر رەسپيراتورلىق ينفەكسيالاردىڭ الدىن الۋىنا كومەكتەسەدى، دەنەنى تىك ۇستاپ جۇرۋگە ۇيرەتەدى، ومىرتقانىڭ جانە بۋىنداردىڭ يىلگىش بولۋىنا جاقسى اسەر ەتەدى.

كيىم قاجەتتى ميكروكليماتتى قالىپتاستىرۋعا كومەكتەسەدى، ونىڭ كييۋگە جەڭىل جانە ىڭعايلى بولعانى دۇرىس. كيىم تاڭداعان كەزدە ماتانىڭ جىلۋ ساقتايتىن، اۋانى جانە ىلعالدى وتكىزبەيتىندىگىنە جانە باسقا دا قاسيەتتەرىنە نازار اۋدارىڭىز. اياق كيىم جەڭىل، سەرپىمدى جانە جاقسى جەلدەتىلۋى كەرەك. ونىڭ جىلۋ ساقتايتىن جانە ىلعال وتكىزبەيتىن قاسيەتتەرى اۋا-رايىنا سايكەس كەلۋى قاجەت.

تار، ىڭعايسىز جانە وتە جىلى كيىم ۇل بالالاردىڭ جىنىس مۇشەلەرىنىڭ قاتتى ىسىپ كەتۋىنە اكەلەدى، بۇل ۇرىقتىق تۇتىكشەلەرىن دۇرىس قالىپتاستىرمايدى دەپ ەسەپتەلەدى. ال قىزداردىڭ ورگانيزمى جىلۋدى قاجەت ەتەدى. سوندىقتان، قازىرگى كەزدە سانگە اينالعان قىسقا كۇرتەشەلەردى جانە جامباسقا دەيىن كيىلەتىن شالبارلاردى قىزداردىڭ، اسىرەسە سۋىق كەزدە، كيمەگەنى ابزال. كۇرتەشە سان جاقتى جۋىپ تۇرۋى ٴتيىس، ال سالقىن اۋا-رايى كەزىندە شالباردىڭ نەمەسە بەلدەمشەنىڭ ىشىنەن جىلى كيىم كيگەن دۇرىس.

زياندى ادەتتەردەن باس تارتۋ. بالانى كىشكەنتاي كەزىنەن باستاپ ٴوزىڭىز ۇلگى كورسەتىپ، زياندى ادەتتەرگە اۋەس بولماۋعا: تەمەكى تارتپاۋعا جانە ىشىمدىك ىشپەۋگە ۇيرەتۋ كەرەك.

يممۋنيزاسيالاۋ جانە مەديسينالىق تەكسەرۋلەر. اۋرۋلاردىڭ الدىن الۋدا مەكتەپكە دەيىنگى جانە ٴبىلىم بەرۋ مەكەمەلەرىندە جۇرگىزىلەتىن پروفيلاكتيكالىق تەكسەرۋلەر ماڭىزدى. ينفەكسيالىق اۋرۋلاردىڭ الدىن الۋ ٴۇشىن ۋاقىتىلى ۆاكسيناسيالاۋ قاجەت. مىسالى، پاروتيت ينفەكسيالىق اۋرۋى ۋاقىت وتە كەلە بەلسىزدىككە اكەلەتىن جىنىس اۋرۋىن (ورحيت) تۋدىرۋى مۇمكىن. بۇل اۋرۋدىڭ الدىن الۋ ٴۇشىن قىزىلشاعا، قىزامىققا جانە پاروتيتكە قارسى ەگىلەتىن ارالاس ۆاكسينا قولدانىلادى.

قورىتىندىلاي كەلە، دەنساۋلىقتى ساقتاۋدىڭ مىنەز-قۇلقى بالاعا تۋىلعانىنان باستاپ بەرىلەتىنىن جانە وسىعان بايلانىستى نەگىزگى داعدىلارعا وتباسىندا ۇيرەنەتىنىن ايتقىم كەلەدى. سوندىقتان، جەكە گيگيەنا ەرەجەلەرىن ساقتاۋدا، فيزيكالىق بەلسەندىلىككە، دۇرىس تاماقتانۋعا ۇيرەتۋدە وزدەرىمىز ۇلگى كورسەتە وتىرىپ، ٴبىز، ەرەسەك ادامدار، ٴوز دەنساۋلىعىنا دەگەن، ونىڭ ىشىندە پسيحيكالىق جانە رەپرودۋكتيۆتى دەنساۋلىققا جاۋاپتى بولۋدى قالىپتاستىرۋعا اسەر ەتەمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي