بالا ٴسۇيۋدى جوسپارلاعان وتبىسى فوليي قىشقىلىن ىشۋلەرى قاجەت - ۇلت ساۋلىعى|08 قازان 2014، 18:24
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالا ٴسۇيۋدى جوسپارلاعان وتبىسى فوليي قىشقىلىن ىشۋلەرى قاجەت

استانا. 8 قازان. baq.kz - بالا ٴسۇيۋدى جوسپارلاعان وتبىسى فوليي قىشقىلىن ىشۋلەرى قاجەت.

بۇل تۋرالى قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسپۋبليكالىق ۇيلەستىرۋشىسى گۇل وماروۆا ايتتى.

 

- ەكىقابات ايەلدەردىڭ دەنساۋلىعىن نىعايتۋ مەن دەنى ساۋ بالانىڭ دۇنيەگە كەلۋى ٴۇشىن قر دەنساۋلىق ساقتاۋ جانە الەۋمەتتىك دامۋ مينيسترلىگى بالا كوتەرۋ جاسىنا كەلگەن قىزدار مەن ايەلدەردى بالا كوتەرەرگە دەيىن تەكسەرۋدەن وتكىزۋدى قولعا الدى. ول ايەلدەردىڭ بالا كوتەرۋگە دەيىنگى كەزەڭىندە اۋرۋلارىن الدىن الۋعا نەگىزدەلەدى، - دەگەن گ.وماروۆا «وسى ۋاقىتقا دەيىن ايەلدەردىڭ 80 پايىزىنىڭ اۋرۋلارى بالا كوتەرگەننەن كەيىن بارىپ انىقتالىپ جاتتى. ونىڭ ىشىندە 12-14 پايىزىنىڭ اۋرۋلارىندا بالا كوتەرۋگە بولمايتىن جاعدايلار تىركەلگەن. وسىلاردى الدىن الۋ ٴۇشىن جىل سايىن بالا كوتەرۋدى جوسپارلاعان جانە بالا كوتەرۋدى كەيىنگە قالدىرعان وتباسىلاردىڭ توبى قۇرىلىپ، وتباسىنىڭ ايەلى دە كۇيەۋى دە تەكسەرىلۋدەن وتەدى. ونىمەن قوسا بالا ٴسۇيۋدى جوسپارلاعان وتباسىلار بالا سۇيەردەن 6 اي بۇرىن فوليي قىشقىلىن ىشۋلەرى قاجەت. ويتكەنى ول بالانىڭ دۇرىس قالىپتاسۋىنا سەپتىگىن تيگىزىپ، ايەل ەكىقابات كەزىندە قان كەتۋدى، بالانىڭ شەتىنەپ كەتۋىن الدىن الاتىندىعى دالەلدەنگەن» دەپ اتاپ ٴوتتى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي