BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بايقوڭىر تۇرعىندارى قولجەتىمدى مەديسينالىق كومەكتى الا الماي وتىر – ٴبىرتانوۆ

فوتو: интернеттен

بۇگىن پارلامەنت ٴماجىلىسىنىڭ جالپى وتىرىسىندا «بايقوڭىر» كەشەنىن جالعا الۋ جاعدايىندا سول جەردە تۇراتىن قازاقستان ازاماتتارىنا مەديسينالىق كومەك كورسەتۋ ٴتارتىبىن وزگەرىستەر ەنگىزۋ تۋرالى زاڭ جوباسى قارالى، دەپ حابارلايدى baq.kz ٴتىلشىسى.

2017 جىلعى 9 قاراشادا چەليابينسك قالاسىندا قر مەن رف باسشىلارىنىڭ قاتىسۋىمەن «بايقوڭىر» عارىش ايلاعىنىڭ پەرسونالىنا، بايقوڭىر قالاسىنىڭ، تورەتام جانە اقاي كەنتتەرىنىڭ تۇرعىندارىنا مەديسينالىق قىزمەت كورسەتۋ ٴتارتىبى تۋرالى قولدانىستاعى كەلىسىمگە وزگەرىستەر ەنگىزۋ تۋرالى حاتتاماعا قول قويىلدى.

«قولدانىستاعى 2009 جىلعى 17 قاراشادعى قر ۇكىمەتى مەن رف ۇكىمەتى اراسىندا بايقوڭىر كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا، بايقوڭىر قالاسىنىڭ، تورەتام جانە اقاي كەنتتەرىنىڭ تۇرعىندارىنا مەديسينالىق قىزمەت كورسەتۋ ٴتارتىبى تۋرالى كەلىسىم شەڭبەرىندە بايقوڭىر قالاسىندا تۇراتىن 48 مىڭ قازاقستان ازاماتتارىنا كورسەتىلەتىن مەديسينالىق كومەك تەك رەسەيلىك مەديسينالىق ۇيىمدارمەن رەسەي فەدەراسياسىنىڭ زاڭناماسىنا سايكەس بەرىلەدى. قر-دا جۇزەگە اسىرىلاتىن مەديسينالىق كومەكتىڭ ەرەكشەلىكتەرىن ەسكەرە وتىرىپ، زاڭدى تۇرعىدا قازاقستان ازاماتتارىنا قر زاڭناماسىنا سايكەس تەگىن مەديسينالىق كومەكتى، دارىلىك زاتتاردى تەگىن الۋ، پروفيلاكتيكالىق مەديسينالىق تەكسەرۋدەن ٴوتۋ قامتاماسىز ەتىلمەگەن»، - دەدى دەنساۋلىق ساقتاۋ ٴمينيسترى ەلجان ٴبىرتانوۆ.

ونىڭ ايتۋنىشا، بايقوڭىر قالاسىنىڭ تۇرعىندارىندا قولجەتىمدى جوعارى ماماندانعان مەديسينالىق كومەكتى الۋ مۇمكىندىگى جوق. بۇل مۇگەدەك ادامدارىنىڭ ٴومىرىن جانە جالپى ٴومىر ٴسۇرۋ ساپاسىنىڭ تومەندەۋى ٴقاۋپىن ۇلعايتادى. ال قولدانىستاعى كەلىسىمگە وزگەرىستەر ەنگىزۋ تۋرالى حاتتاما جوباسى بايقوڭىر قالاسى، تورەتام جانە اقاي كەنتتەرىندە تۇراتىن قر ازاماتتارىنا قر دەنساۋلىق ساقتاۋ مەكەمەلەرىمەن مەديسينالىق قىزمەت كورسەتۋگە مۇمكىندىك بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي