BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋ وبلىسىندا قاتەرلى ىسىكتىڭ الدىن الۋ تەكسەرىستەرى جۇرگىزىلۋدە

 استانا. 6 اقپان. baq.kz – اتىراۋ وبلىستىق ونكولوگيالىق ديسپانسەرىندە 3 مىڭداي ادام ەسەپتە تۇر. بۇل تۋرالى وبلىستىق ونكولوگيالىق ديسپانسەرى ورىنباسارى ر. راسقاليەۆ ٴمالىم ەتتى.

 باس دارىگەردىڭ ورىنباسارى رۋسلان راسقاليەۆتىڭ ايتۋىنشا، 2014 جىلى قاتەرلى ىسىك اۋرۋىنا العاش شالدىققان 846 جاعداي انىقتالعان. العاشقى ورىندا وكپە ىسىگى (99)، ودان سوڭ ٴسۇت بەزدەرى ىسىگى (95)، اسقازان (83)، جاتىر مويىنى (58)، وڭەش (52). سونىمەن قاتار باۋىردا، بۇيرەكتە، ت.ب. پايدا بولعان قاتەرلى ىسىكتەر دە كەڭ تارالعان.
ماماندار سكرينينگتىك تەكسەرۋلەر باستالعالى بەرى اۋرۋدى العاشقى ساتىسىندا انىقتاۋدىڭ جيىلەگەنىن ايتادى، بۇل ناۋقاستارعا مۇمكىندىك سىيلايدى.
- «سالاماتتى قازاقستان» باعدارلاماسى بويىنشا بىزگە وتە قاجەتتى قۇرال-جابدىقتار ساتىپ الىنۋدا. وسى ايدا ٴبىز ساندىق مامموگرافتى ىسكە قوسپاقپىز، ال ناۋرىزدا ناۋقاستاردى كومپيۋتەرلىك توموگرافتا تەكسەرۋدى باستايمىز. وتكەن جىلى وبلىستىق اۋرۋحانا مەن ٴبىزدىڭ ديسپانسەرگە بەينەپريستاۆكاسى بار ەكى گاستروسكوپ جەتكىزىلدى، بۇل وتە جاقسى اپپاراتۋرا،- دەيدى ر.راسقاليەۆ.
ٴسۇت بەزدەرىنىڭ قاتەرلى ىسىگىن انىقتاۋ بويىنشا العاشقى سكرينينگتىك باعدارلاما اتىراۋ وبلىسىندا 2008 جىلى باستالدى. تەكسەرۋگە 50-دەن 60 جاسقا دەيىنگى ايەل ادامدار ەكى جىل سايىن جىبەرىلىپ وتىرادى. 2011 جىلى جاتىر موينى ىسىگىن انىقتاۋ بويىنشا سكرينينگتىك تەكسەرۋ باستالدى، تەكسەرۋگە 30-دان 60 جاسقا دەيىنگى ايەلدەر جىبەرىلەدى. 2012 جىلى ىشەك ىسىگىن انىقتاۋ بويىنشا باعدارلاما ىسكە قوسىلدى (50-دەن 60 جاس ارالىعى). 2014 جىلى بىردەن ٴۇش باعدارلاما جۇزەگە استى: اسقازان مەن وڭەش، قۋىق استى بەزى، باۋىر ىسىگىن انىقتاۋ بويىنشا. سوڭعى جاعدايدا سكرينينگكە ۆيرۋستى جانە ۆيرۋستى ەمەس گەپاتيت بويىنشا ەسەپتە تۇرعان ناۋقاستار جىبەرىلەدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي