BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانالىقتارعا تەگىن مەديسينالىق قىزمەت كورسەتۋگە 51 كلينيكا ٴوتىنىم بەردى

فوتو: NovostiVolgograda.ru

استانا، baq.kz. الەۋمەتتىك مەديسينالىق ساقتاندىرۋ قورى جىل سايىن ەمدەۋ مەكەمەلەرىمەن تەگىن مەديسينالىق كومەكتىڭ كەپىلدەندىرىلگەن كولەمى اياسىندا حالىققا قىزمەت كورسەتەتىن مەديسينالىق ۇيىمدارمەن كەلىسىمشارتتار جاسايدى. وسى كەلىسىمشارتتار نەگىزىندە ەمدەۋ مەكەمەلەرى حالىققا تەگىن مەديسينالىق قىزمەت كورسەتەدى. ال كورسەتىلگەن قىزمەت اقىسىن مەديسينالىق ساقتاندىرۋ قورى تولەيدى. بۇل تۋرالى الەۋمەتتىك مەديسينالالىق ساقتاندىرۋ قورى استانا قالاسى بويىنشا فيليالىنىڭ ٴباسپاسوز قىزمەتى حابارلايدى.

«قازىرگى تاڭدا قوردىڭ استانا قالاسى بويىنشا فيليالىنا 2019 جىلى مەديسينالىق قىزمەت كورسەتۋ ٴۇشىن كەلىسىمشارتقا وتىرۋعا 89 ەمدەۋ مەكەمەسى ٴوتىنىم بەرگەن. ولاردىڭ ٴ51-ى جەكەمەنشىك، سونىڭ ىشىندە 11 جەكەمەنشىك كلينيكا جاڭادان، ياعني مەديسينالىق قىزمەت جەتكىزۋشى رەتىندە العاش ٴوتىنىم بەرگەندەر»، - دەيدى ٴامسق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.

بۇعان دەيىن استانا قالاسىندا №9 قالالىق ەمحانا بازاسىندا قر دەنساۋلىق ساقتاۋ مينيسترلىگىنىڭ، «الەۋمەتتىك مەديسينالىق ساقتاندىرۋ قورى» كەاق، استانا قالالىق دەنساۋلىق ساقتاۋ باسقارماسىنىڭ، سونداي-اق قالاداعى مەديسينالىق قىزمەت كورسەتۋ مەكەمەلەرىنىڭ وكىلدەرى باس قوسىپ، كورسەتىلەتىن مەديسينالىق قىزمەتتەر، ولارعا اقى تولەۋ، مەديسينالىق قىزمەتكەرلەردىڭ بىلىكتىلىگىن ارتتىرۋ جانە 2019 جىلى ايماقتىق دەڭگەيدە مەديسينالىق قىزمەت كورسەتۋ ماسەلەلەرىن تالقىلاعان بولاتىن.

ٴوز كەزەگىندە ٴسوز العان الەۋمەتتىك مەديسينالىق ساقتاندىرۋ قورىنىڭ استانا قالاسى بويىنشا فيليالىنىڭ ديرەكتورى نۇرلىبەك رىسقالي ۇلى قابدىقاپاروۆ ەمدەۋ مەكەمەلەرىنىڭ وكىلدەرىن «2019 جىلعا ايماقتىق دەڭگەيدە مەديسينالىق قىزمەتتەردىڭ كولەمىن ورنالاستىرۋ ٴراسىمىن جۇرگىزۋگە، ناقتىراق ايتقاندا، تەگىن مەديسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە جانە مىندەتتى الەۋمەتتىك مەديسينالىق ساقتاندىرۋ جۇيەسىندە مەديسينالىق قىزمەتتەردى كورسەتۋگە ۇمىتكەر دەنساۋلىق ساقتاۋ سۋبەكتىلەرىنىڭ دەرەكقورىنا ەنگىزىلگەن دەنساۋلىق ساقتاۋ سۋبەكتىلەرى اراسىندا تەگىن مەديسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە جانە (نەمەسە) مىندەتتى الەۋمەتتىك مەديسينالىق ساقتاندىرۋ جۇيەسىندە مەديسينالىق قىزمەتتەر كولەمىن ورنالاستىرۋ ٴراسىمىن وتكىزۋگە بەلسەندى اتسالىسۋعا» شاقىرىپ، ەمدەۋ مەكەمەلەرىندە بولاتىن كەز كەلگەن وزگەرىستەردى (قايتا قۇرۋ، تاراتۋ، باعىتىن/سالاسىن وزگەرتۋ) الدىن الا حابارلاۋدى ەسكەرتتى.

ەستەرىڭىزگە سالا كەتسەك، مەديسينالىق ساقتاندىرۋ قورى تەگىن مەديسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديسينالىق ساقتاندىرۋ پاكەتتەرى جانە ۇكىمەت بەلگىلەگەن شەڭبەردە تۇرعىندار ٴۇشىن قىزمەتتەردى ساتىپ الۋشى قارجى وپەراتورى بولىپ تابىلادى. ياعني، حالىققا كورسەتىلەتىن مەديسينالىق قىزمەت ساپاسى – قور باقىلاۋىندا.

ال قاراجات ۇكىمەت پەن دەنساۋلىق ساقتاۋ مينيسترلىگىنىڭ دەنساۋلىق ساقتاۋ سالاسىنىڭ باسىمدىق بەرىلگەن باعىتتارىن دامىتۋ، پاسيەنتتەرگە كورسەتىلەتىن مەديسينالىق قىزمەت ساپاسى مەن قولجەتىمدىلىگىن، ازاماتتاردىڭ ەمدەۋ مەكەمەسىن تاڭداۋ قۇقىعىن قامتاماسىز ەتۋ جونىندەگى مىندەتتەردى ەسكەرە وتىرىپ بولىنەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي