BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانالىق 50 زەينەتكەر شاڭعى جارىسىنا قاتىستى

 استانا. 5 اقپان. baq.kz - ۇلى وتان سوعىسىنداعى جەڭىستىڭ 70 جىلدىعىنا ارنالعان شاڭعى سايىسىنا 50 استام استانالىق ارداگەر مەن زەينەتكەر قاتىستى. جىل سايىنعى جارىسقا قاتىسۋشىلار بيىل دا سپورتتىق قۇلشىنىستارىن كورسەتىپ، سالاۋاتتى ٴومىر سالتىن ناسيحاتتاۋعا ٴوز ۇلەستەرىن قوستى.

 - بەس جىل كولەمىندە وتكىزىلىپ كەلە جاتقان بۇل جارىس جاقسى داستۇرگە اينالدى. بۇگىنگى سايىستىڭ باستى ماقساتى – ارداگەرلەر مەن زەينەتكەرلەردىڭ دەنساۋلىعىنا كوڭىل ٴبولۋ. ٴوزىمىز ۇلگى كورسەتىپ، جاستاردى سالاۋاتتى ٴومىر سالتىن ۇستانۋعا شاقىرامىز، - دەدى قالالىق ارداگەرلەر كەڭەسى ٴتوراعاسىنىڭ ورىنباسارى ەسبولات دۇيسەنوۆ.

شاڭعى جارىسىنا استانانىڭ ٴۇش اۋدانىنىڭ ارداگەرلەرى قاتىستى. جارىس قورىتىندىسى بويىنشا ايەلدەر اراسىنداعى سايىستا ليۋدميلا ستارىح كوش باستادى. ال ەرلەر اراسىندا ٴبىرىنشى ورىندى لەونيد انتونوۆ پەن ۆاسيليي كۋچين ٴبولىستى. جالپىكوماندالىق ەسەپتە «سارىارقا» اۋدانى ۇزدىك دەپ تانىلدى. ەكىنشى ورىنعا «ەسىل»، سايكەسىنشە ٴۇشىنشى ورىنعا «الماتى» اۋدانىنىڭ ارداگەرلەر قۇراماسى تۇراقتادى. جەڭىمپازدار مەن جۇلدەگەرلەر مەدالدار مەن باعالى سىيلىقتارمەن ماراپاتتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي