استانا: 
1936 
0
استانا، baq.kz. ەلوردالىق الەۋمەتتىك مەديسينالىق ساقتاندىرۋ قورى تىركەۋ ناۋقانى اياسىندا ەمحانالارعا تىركەلگەن تۇرعىنداردىڭ الدىن الا مونيتورينگىن جاسادى. تىركەلگەن تۇرعىندار سانى بويىنشا «سالاۋاتتى استانا»، «شيپاگەر» وتباسىلىق دەنساۋلىق ورتالىعى» جەكەمەنشىك ەمدەۋ مەكەمەلەرى مەن قالالىق №9، №2 ەمحانالارى كوش باستاپ تۇر.
ناۋقان باستالعالى 18 761 ازامات باستاپقى مەديسينالىق-سانيتارلىق كومەك ۇيىمى مەن ماماندى تاڭداۋدا ەركىن تاڭداۋ قۇقىعىن پايدالاندى، 1233 ادام ناۋقان اياسىندا تىركەلدى، بۇل ازاماتتار - تۇراقتى نەمەسە ۋاقىتشا مەكەنجايى، جۇمىسى نەمەسە وقۋ ورنىنىڭ وزگەرۋىنە بايلانىستى ەمحانالارىن اۋىستىرعان تۇلعالار.
قور فيليالىنىڭ ديرەكتورى ن.قابدىقاپاروۆتىڭ ايتۋىنشا، ناۋقان شەڭبەرىندە ەمحانالارعا تىركەلگەن ازاماتتارعا 2019 جىلدىڭ 1 قاڭتارىنان باستاپ قىزمەت كورسەتىلەدى. جاڭا ەمحاناعا تىركەلگەن كەزدە ٴبىرىڭعاي جۇيە ازاماتتى بۇرىنعى ەمحاناسىنداعى تىركەۋدەن اۆتوماتتى تۇردە شىعارادى.
بۇل رەتتە ەمحانالارعا تىركەلۋ پروسەسى تۇرعىندار ٴۇشىن كۇننەن-كۇنگە قولجەتىمدى بولىپ كەلە جاتقاندىعىن ايتا كەتكەن ٴجون. ەندى اتا-انالار ٴۇشىن ەلەكتروندى ۇكىمەت پورتالى مەن telegram-بوت egov.kz. ارقىلى ٴوز بالالارىن تىركەۋ مۇمكىندىگى پايدا بولدى.
«پورتال ارقىلى قىزمەت الۋ ٴۇشىن egov.kz-تە تىركەلۋ جانە ەلەكتروندى سيفرلىق قولتاڭبانىڭ بولۋى جەتكىلىكتى. بۇل جەردە اتالعان قىزمەت ٴتۇرى بويىنشا 2007 جىلدان بەرگى تۋىلعان بالالاردى تىركەۋگە بولاتىندىعىن ايتا كەتكەن ٴجون»- دەپ ن.قابدىقاپاروۆ ەسكەرتىپ ٴوتتى. ەgov.kz پورتالىنىڭ «باستاپقى مەديسينالىق-سانيتارلىق كومەك كورسەتەتىن مەديسينالىق ۇيىمعا تىركەلۋ» بولىمىندە بالاعا قىزمەت كورسەتۋ كومانداسىن تاڭداپ، ونىڭ جەكە سايكەستەندىرۋ ٴنومىرىن (جسن) ەنگىزۋ قاجەت. تۋىستىق بايلانىستى تەكسەرۋ ٴۇشىن سۇراۋ سالۋ احاج-عا باعىتتالادى. مالىمەت راستالعاننان كەيىن تىزىمنەن باستاپقى مەديسينالىق-سانيتارلىق كومەك ۇيىمىن (بمسكۇ) تاڭداپ، سۇرانىمدى تولتىرۋعا بولادى. وڭدەلگەن سۇرانىم ٴسىزدىڭ جەكە كابينەتىڭىزگە جىبەرىلەدى.
ەگەر ٴسىزدىڭ ۇيالى تەلەفونىڭىزدا telegram مەسسەندجەرى ورناتىلعان بولسا، اتالعان قىزمەتتى https://t.me/egovkzbo سىلتەمەسىنە ٴوتىپ، telegram-بوت ارقىلى الۋعا بولادى. ول ٴۇشىن تەلەفون ٴنومىرىڭىز ەلەكتروندى پورتالدىڭ پروفيلىنە بەكىتىلۋى ٴتيىس. ەلەكتروندى سيفرلى قولتاڭبانىڭ بولۋى مىندەتتى. تىركەۋ كەزەڭدەرىنىڭ بارلىعىنان وتكەننەن كەيىن، تىركەلۋگە ونلاين-سۇرانىم تولتىرىلادى. استانا قالاسى بويىنشا باستاپقى مەديسينالىق-سانيتارلىق كومەك كورسەتەتىن مەديسينالىق ۇيىمداردىڭ ٴتىزىمى الەۋمەتتىك مەديسينالىق ساقتاندىرۋ قورىنىڭ fms.kz سايتىنداعى «كلينيكانى تاڭداۋ» بولىمىندە ورنالاستىرىلعان. سۇرانىمدى راسىمدەۋ كەزىندە قانداي دا ٴبىر كەدەرگىلەر تۋىنداعان جاعدايدا، 1414 ٴبىرىڭعاي بايلانىس ورتالىعىنا حابارلاسۋعا بولادى.
تىركەۋ ناۋقانى 2018 جىلدىڭ 15 قاراشاسىنا دەيىن جالعاسادى. ەرەجەگە ساي ەمحاناعا جىلىنا ٴبىر رەت تىركەلۋگە بولادى. ٴبىراق بۇل ۋاقىتشا نەمەسە تۇراقتى تىركەۋىن قايتا راسىمدەگەن نەمەسە قالانىڭ باسقا اۋدانىنا كوشىپ كەلگەن ازاماتتارعا قاتىستى ەمەس. ەمحاناعا تىركەلۋ مەرزىمى شەكتەلمەگەن، مەديسينالىق قىزمەتتى جىلدان جىلعا ٴبىر جەردە الۋ ٴۇشىن ٴبىر رەت ٴوتىنىش راسىمدەۋ جەتكىلىكتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2870
0