BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا دەنساۋلىق براسلەتتەرى تانىستىرىلدى

استانا، baq.kz. دارىگەرلەر qr-كود ارقىلى سىرقات جان تۋرالى اقپارات الادى، ال ناۋقاستىڭ تۋعاندارىنا ونىڭ جاعدايى تۋرالى اقپارات كەلەدى، دەپ حابارلادى استانا قالاسى اكىمدىگىنىڭ رەسمي سايتى.

پيلوتتىق جوبا قالاداعى № 4، 9 جانە 10 ٴۇش ەمحانالاردا جۇزەگە اسىپ جاتىر. جوبا قاتىسۋشىلارى – 210 ديسپانسەرلىك ناۋقاس. ولار – قانت ديابەتىنە، ارتەريالىق گيپەرتەنزياعا، سوزىلمالى جۇرەك اۋرۋلارىنا شالدىققان ازاماتتار. قالالىق قوعامدىق دەنساۋلىق ساقتاۋ باسقارماسىنىڭ باسشىسى قامالجان نادىروۆتىڭ ايتۋىنشا، مەديسينالىق كومەك بىلەزىگى qr-كود پەن جابدىقتالعان. كودتى وقۋ ارقىلى جەدەل جاردەم دارىگەرلەرى ناۋقاس تۋرالى تولىق اقپارات الادى. بۇل، اسىرەسە ناۋقاس تىلدەن ايرىلىپ قالعان كەزدە وتە ماڭىزدى.

"ستاتيستيكا بويىنشا قابىلداۋ بولىمىنە كۇن سايىن 500 ناۋقاس ەس-تۇسسىز تۇسەدى. وسى كەزدە دارىگەرلەر ناۋقاس جايلى بارىنشا تولىق اقپارات الۋى كەرەك. بۇل دارىگەردىڭ بارىنشا تەز جانە ناقتى كومەك كورسەتۋى ٴۇشىن ماڭىزدى. قازىرگى تاڭدا وسىنداي اقپاراتتى جيناۋ ٴۇشىن بىرنەشە ساعات، كەي كەزدە كۇندەر كەتەدى. كەيدە ناۋقاستىڭ تۋىستارىنا ونىڭ جانساقتاۋ بولىمىندە جاتقانى تۋرالى حابارلايىق دەسەك، ەش مالىمەت بىلمەيمىز"، - دەپ ٴتۇسىندىردى قامالجان نادروۆ.

جوبا الەمدىك تاجىريبەگە سۇيەنىپ جاسالۋدا. مۇنداي بىلەزىكتەر ٴبىرقاتار ەلدە پايدالانىلادى. جۇيەنى ازىرلەۋشىلەر – قازاقستاندىق abi.kz it-كومپانياسى.

"قولىندا بىلەزىگى بار ٴار ناۋقاستىڭ "جەكە كابينەتى" بار، ول جەردە ول ٴوزىنىڭ فوتوسىن بايلانىس اقپاراتتارىن وزگەرتە الادى. مىسالى، ناۋقاس اۋىرىپ قالىپ جەدەل جاردەم شاقىرعان كەزدە دارىگەر كەلىپ بىلەزىكتى سكانەرلەگەن سوڭ، "جەكە كابينەتتە" مالىمەتتەر كورسەتىلگەن حابارلاما ناۋقاستىڭ تۋعاندارىنا بىردەن كەلەدى. بەس-التى نومىرگە دەيىن كورسەتۋگە بولادى. بولاشاقتا گەولوكاسيا قوسامىز، ناۋقاستىڭ تۋعاندارى ناۋقاس قاي جەردە اۋىرىپ قالعانىن بىلەتىن بولادى"، - دەدى abi.kz it-كومپانياسىنىڭ وكىلى ارتەم يگنات ۇلى.

بىلەزىكتىڭ قالاي جۇمىس جاسايتىنى تۋرالى جوباعا قاتىسۋشى 9 ەمحانانىڭ پاسيەنتى شولپان ەليكەەۆا ايتىپ بەردى.

"مەن 2012 جىلى قاتتى سىرقاتتانىپ قالدىم. ماعان وسى بىلەزىكتى بەردى. مەن مۇنىمەن سۋعا دا تۇسە بەرەم. بىلەزىكتە مەنىڭ قانداي دارىگە اللەرگيامنىڭ بارى، قانداي ٴدارى ىشەتىنىم، تۋعاندارىمنىڭ تەلەفون ٴنومىرى كورسەتىلگەن. تەكسەرىپ تە كوردىك، ناتيجەسىندە 6 مينۋتتان سوڭ بالام، ال 15 مينۋتتان سوڭ ٴىنىم حابارلاستى. تەكسەرىپ جاتىرمىز دەدىك"، - دەيدى شولپان ەليكەەۆا.

پيلوتتىق جوبا ٴۇشىن جۇيەنى جاساۋشىلار بىلەزىكتىڭ ٴبىر پارتياسىن تەگىن بەرگەن. جوبانى 2019 جىلدىڭ ناۋرىز ايىندا تولىق جۇزەگە اسىرۋ كوزدەلگەن. ەگەر ول تيىمدىلىگىن دالەلدەيتىن بولسا، قوعامدىق دەنساۋلىق ساقتاۋ باسقارماسى ٴونىم ۇسىنۋشىنى ىزدەيدى. قازىرگى تاڭدا نارىقتا بار بىرنەشە كومپانيا وسىنداي قىزمەت كورسەتۋگە دايىن. بولاشاقتا ەستى جوعالتۋ سياقتى بەلگىلەرى بار اۋرۋلارىمەن ديسپانسەرلىك ەسەپتە تۇراتىن ناۋقاستارعا بۇل دەنساۋلىق بىلەزىكتەرى تەگىن بەرىلۋى مۇمكىن. قامالجان نادىروۆتىڭ ايتۋىنشا، استانادا ديسپانسەرلىك ەسەپتە تۇرعان 120 مىڭ ناۋقاستىڭ شامامەن 60 مىڭى – قانت ديابەتى، ارتەريالدى گيپەرتەنزيا، سوزىلمالى جۇرەك اۋرۋىنا شالدىققاندار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي