BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استان ۋلانعاندار سانى ازايماي تۇر – مامان

الماتى، baq.kz ٴتىلشىسى. بيىل الماتىدا 410 ىشەك ينفەكسياسى اۋرۋى وقيعاسى تىركەلدى، ونىڭ 300-گە جۋىعى ەكى جاسقا دەيىنگى بالالار اراسىندا كەزدەستى. بۇل تۋرالى الماتى قالاسى قوعامدىق دەنساۋلىق ساقتاۋ دەپارتامەنتىنىڭ باسشىسى ايزات مولداگاسيموۆا بريفينگ بارىسىندا ايتتى.

دەپارتامەنت باسشىسىنىڭ ايتۋىنشا، بالالاردىڭ ۋلانۋىنا تاماقتاندىرۋ كەزىندەگى انالارىنىڭ جەكە باس گيگيەناسىن ساقتاماۋى بولىپ وتىر.

«بالانى قورەكتەندىرۋگە ارنالعان قوسپالاردى دۇرىس دايىنداماۋ، ازىق-تۇلىكتىڭ دۇرىس ساقتالماۋى جانە دۇرىس تاماقتاندىرماۋ فاكتورى دا بالانىڭ ىشەك قابىنۋى اۋرۋىنا اكەپ سوقتىرادى. ماسەلەن، جەلتوقسان ايىندا 3 ايلىق ٴسابي ىشەك قابىنۋى اۋرۋىمەن ٴتۇستى. تەكسەرىس بارىسىندا 3 كۇن پويىزدا جۇرگەن اناسىنىڭ ٴوزى جەكە باس گيگيەناسىن ساقتاماعانى بەلگىلى بولدى. ول ارينە بىردەن بالانىڭ دەنساۋلىعىنا اسەر ەكەن. سونداي-اق ينفەكسيالىق اۋرۋحاناعا تۇسكەن 7 ايلىق بالانىڭ جاعدايىن تەكسەرۋ كەزىندە دە، وعان جىلى جەردە تۇرىپ قالعان يوگۋرت قوسپاسىن بەرگەنى انىقتالدى. سونىڭ سالدارىنان ول ۋلانىپ قالعان»، -دەيدى ول.

سونداي-اق ول ادامداردىڭ ۋلانۋىنا ازىق-تۇلىكتىڭ اسەرى كوپ ەكەنىن، اسىرەسە جۇمىرتقا، سيىر ەتى، تاۋىق ەتىنەن بولاتىنىن جەتكىزدى.

«ۋلانعانداردىڭ 67 پايىزىنا بازاردان العان ونىمدەر سەبەپ بولعان، تاعى 20% استامى كوشە بويىنداعى جابايى تاماقتانۋ ورىندارىنان اس ىشكەن. سونىمەن قاتار، ۇيدە ازىرلەنەتىن استان دا ۋلانۋ فاكتىسى كوپ، تۇرعىندار اس ازىرلەۋدە، ازىقتى ساقتاۋدا نەمقۇرايلىق تانىتۋدا»، -دەيدى ا. مولداگاسيموۆا.

ونىڭ ايتۋىنشا، حالىق ازىق-تۇلىكتى ٴالى دە جابايى بازاردان الۋعا قۇمار، تىپتەن شىققان كۇنى كورسەتىلمەگەن كونسەرۆىلەردى دە پايدالانۋدا.

«جاڭا جىل الدىندا مەرەكەلىك داستارحاندا كوپ قويىلاتىن 170 ازىق ونىمىنە ساراپتامادان وتكىزدىك، ونىڭ قاتارىندا ٴسۇت ونىمدەرى، بالىق، كونديتەرلىك ونىمدەر بار. ساراپتاما ناتيجەسىندە ولاردىڭ 37% قاۋىپسىزدىك ەرەجەسىنە ساي بولماي شىقتى. كونديتەرلىك ونىمدەردەن «كوروچكا ريابا»، ٴسۇت ونىمىنەن «ۆيسكي شوتلانديا»، بالىق، تاۋىق ەتى، سونىمەن قاتار كوپشىلىگىمىز جاقسى كورەتىن سەندۆيچ پەن دونەرلەر دە قاۋىپسىزدىك كورسەتكىشىنە ساي كەلمەدى»، -دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي