BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اپۆ-عا قارسى ۆاكسينا الەمنىڭ 120 ەلىندە قولدانىستا

 استانا. 29 قاڭتار. baq.kz – قازىرگى ۋاقىتتا اپۆ-عا قارسى ۆاكسينا الەمنىڭ 120 ەلىندە قولدانىلادى. جاتىر مويىنى وبىرىنىڭ الدىن الۋدىڭ ۇلتتىق باعدارلاماسى الەمنىڭ 59 ەلىندە قابىلدانعان، ونىڭ ىشىندە اۆتراليا، اقش، كانادا جانە ەۋروپانىڭ كوپتەگەن ەلدەرى بار. بۇل تۋرالى سالاۋاتتى ٴومىر سالتىن قالىپتاستىرۋ ماسەلەلەرى ۇلتتىق ورتالىعىنىڭ ۇيىمداستىرۋىمەن «پاپيللوما ۆيرۋسىنا قارسى ەگۋ: عالامدىق ماسەلەنىڭ ٴقاۋىپسىز شەشىمى» اتتى وتكەن دوڭگەلەك ۇستەلى بارىسىندا ايتىلدى.

 «بۇنداي ۇلتتىق باعدارلامانىڭ نەگىزى ٴجاسوسپىرىم قىزدارعا اپيللوما ۆيرۋسىنا قارسى العاشقى ەكپە جۇمىستارىن جۇرگىزۋ بولىپ تابىلادى. ۆاكسينانىڭ اسەرلىلىگى مەن قاۋىپسىزدىگى الەمنىڭ ٴتۇرلى ەمحانالارىندا زەرتتەلىنگەن جانە دالەلدەنگەن. سوندىقتان، ۆاكسيناسيانى دۇنيەجۇزىلىك دەنساۋلىق ساقتاۋ ۇيىمى ۇسىنىپ، بالالارعا ەكپە جۇرگىزۋدىڭ ۇلتتىق باعدارلاماسىنا ەنگىزگەن. قۋانىشىمىزعا وراي، زاماناۋي مەديسينانىڭ ادام پاپيللوما ۆيرۋسىنان تاراعان قاتەرلى اۋرۋدىڭ اسقىنۋىنا توسقاۋىل قويۋعا مۇمكىندىگى بار» دەيدى دوڭگەلەك ۇستەلگە قاتىسۋشى ماماندار.
اتالمىش جيىنعا قر تۇتىنۋشىلاردىڭ قۇقىقتارىن قورعاۋ كوميتەتى «سانەپيدساراپتاما جانە مونيتورينگ» عىلىمي-پراكتيكالىق ورتالىعى، س.اسفەندياروۆ اتىنداعى قۇمۋ، «ۆاكسينولوگيا» قوعامدىق بىرلەستىگى، قر دەنساۋلىق ساقتاۋ جانە الەۋمەتتىك دامۋ مينيسترلىگى ونكولوگيا جانە راديكولوگيا عىلىمي-زەرتتەۋ ينستيتۋتى، الماتى قالاسىنداعى №12 ەمحانا سىندى جاۋاپتى ورىنداردان وكىلدەر قاتىسىپ، ادام پاپيللوما ۆيرۋسىنان پايدا بولعان قاتەرلى اۋرۋدىڭ العاشقى جانە ەكىنشى قايتارا الدىن الۋ شارالارى تۋرالى ماسەلەلەردى تالقىلادى.
اپۆ (ادام پاپيللوما ۆيرۋسى) جىنىس قاتىناستارى ارقىلى تارالاتىن ينفەكسيانىن ٴبىرى. حالىقارالىق قاتەرلى ىسىكتى زەرتتەۋ اگەنتتىگى اپۆ-دان امان ايەلدەرمەن سالىستىرعاندا جاتىر مويىنى وبىرىنىڭ 16 ٴتيپتى ۆيرۋسىن جۇقتىرعانداردا وبىر 400 ەسە جانە 18 ٴتيپتى ۆيرۋسىن جۇقتىرعانداردا 250 ەسە اسقىنىپ كەتەتىنىن انىقتادى.
ايتا كەتەيىك، دوڭگەلەك ۇستەل 2007 جىلدان باستاپ جۇيەلى تۇردە قاڭتار ايىنىڭ سوڭعى اپتاسىندا ٴوتىپ كەلە جاتقان «جاتىر مويىنى وبىرىنىڭ الدىن الۋ ەۋروپالىق اپتالىعى» اياسىندا ۇيىمداستىرىلدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي