BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىداعى ۇلتتىق حيرۋرگيا ورتالىعىندا 2 مىڭعا جۋىق بىرەگەي وتا جاسالدى

فوتو: DalaNews

استانا، baq.kz. الماتىداعى دەنساۋلىق ساقتاۋ مينيسترلىگىنە قاراستى ا.ن. سىزعانوۆ اتىنداعى ۇلتتىق عىلىمي حيرۋرگيا ورتالىعىندا وسى جىلى 2 مىڭعا جۋىق بىرەگەي وتا جاسالدى. بۇل تۋرالى قر دسم ٴباسپاسوز قىزمەتى حابارلادى.

قازاقستاندىقتارعا جوعارى تەحنولوگيالىق مەديسينالىق قىزمەتتەردى الۋ ٴۇشىن بۇدان بىلاي شەتەلگە شىعۋدىڭ قاجەتى جوق. الماتىدا قر دسم ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىندا مۇنداي ناۋقاستارعا وتا جاسالىنىپ تۇرادى. وسى جىلى 2 مىڭعا جۋىق ادامعا بىرەگەي وتا جاسالىندى.

2018 جىلدىڭ 11 ايىندا جوعارى تەحنولوگيالىق مەديسينالىق قىزمەت كورسەتۋ (بۇدان ٴارى – جتمق) اياسىندا ا. ن. سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ ماماندارىمەن 2 ملرد تەڭگەدەن استام سومماعا تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە 1959 وتا جاسالىندى. قازىرگى زامانعى وزىق تەحنولوگيالاردى قولدانا وتىرىپ، مىناداي بەيىندەر بويىنشا وپەراسيالار جۇزەگە اسىرىلدى: كارديوحيرۋرگيا، ميكروحيرۋرگيا، ترانسپلانتولوگيا، ينتەرۆەنسيالىق اريتمولوگيا، گەپاتوبيليارلىق حيرۋرگيا. ەڭ كۇردەلىسى ٴتىرى دونوردان اعزالاردى ترانسپلانتاسيالاۋ بولىپ تابىلادى. بۇگىندە ادامداردى تولىققاندى ومىرگە قايتارۋعا كومەكتەسەتىن وسىنداي وتالار سانى جىلدان جىلعا ارتىپ كەلەدى.

جوعارى تەحنولوگيالىق مەديسينالىق قىزمەتتەر تمككك شەڭبەرىندە قازاقستان ازاماتتارىنا تەگىن ۇسىنىلاتىنىن اتاپ وتكەن ٴجون. مەملەكەت ەسەبىنەن تولەنەتىن ٴبىر وتانىڭ قۇنى 200 مىڭنان 5 ملن تەڭگەنى قۇرايدى.

ا.ن. سىزعانوۆ اتىنداعى حيرۋرگيا ورتالىعى رەسپۋبليكالىق ماڭىزى بار كلينيكا بولىپ تابىلادى. ايماقتارداعى باسقا قالالاردان كەلەتىن ناۋقاستارعا قىزمەت كورسەتۋ 69 % قۇرايدى. پاسيەنتتەر اراسىندا ەڭ ۇلكەن ۇلەس سالماعى الماتى وبلىسىنىڭ تۇرعىندارى – 33،1%، قىزىلوردا وبلىسىنان – 11،5%، وڭتۇستىك قازاقستان وبلىسىنان – 7،0% جانە جامبىل وبلىسىنان – 6،8% قۇرايدى.

ورتالىق ٴوز سالاسىندا جەتەكشى ورىنعا يە بولعان ەلىمىزدەگى جانە رەسپۋبليكادان تىس جەرلەردە ەڭ زاماناۋي تەحنولوگيالار بويىنشا ەمدەۋ-دياگنوستيكالىق كومەك كورسەتىلەتىن جەتەكشى كوپسالالى مەديسينالىق مەكەمە بولىپ تابىلادى. سونداي-اق، ورتالىقتىڭ ٴوز بازاسىندا عانا ەمەس، سونىمەن قاتار وڭىرلەردە دە وقىتۋ شەبەرلىك-ساباقتارىن وتكىزۋ جولىمەن بۇل مەديسينالىق مەكەمە كادرلىق الەۋەتتى دامىتۋدى جانە تاجىريبەلىك مەديسيناعا يننوۆاسيالىق ادىستەردى ەنگىزۋدى جۇزەگە اسىرادى.

وسىنداي كولەمدە جتمق ورىنداۋ حالىققا حيرۋرگيالىق كومەك كورسەتۋدىڭ قولجەتىمدىلىگى مەن ساپاسىن جاقسارتۋعا مۇمكىندىك بەردى. بۇل قىزمەتتەر قازاقستاندا كورسەتىلۋىنىڭ ارقاسىندا ناۋقاستارعا شەتەلگە شىقپاي، جەرگىلىكتى جەرلەردە تولىق قىزمەت كورسەتۋ كەشەنىن الۋعا مۇمكىندىك بەردى. جتمق ماڭىزدى مۋلتيپليكاتيۆتى اسەرى بار، ويتكەنى ونىڭ ەسەبىنەن مۇگەدەكتىكتى، ٴولىم-جىتىمدى ازايتۋ جانە ازاماتتاردىڭ ٴومىر ٴسۇرۋ ساپاسىن جاقسارتۋ مۇمكىن بولعانىن سەنىمدىلىكپەن اتاپ وتۋگە بولادى.

بۇگىنگى تاڭدا ورتالىقتا 128 دارىگەر جۇمىس جاسايدى، ونىڭ ىشىندە: 11 مەديسينا عىلىمدارىنىڭ دوكتورى، 22 مەديسينا عىلىمدارىنىڭ كانديداتى، 26 جوعارى ساناتتى دارىگەر، 35 ٴبىرىنشى جانە ەكىنشى ساناتتاعى دارىگەرلەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي