BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا «بەلسەندى ۇزاق ٴومىر ٴسۇرۋ ورتالىقتارى» ىسكە قوسىلادى

الماتى، baq.kz. الماتى قالاسىنىڭ بارلىق اۋداندارىندا قارتتارعا ارنالعان «بەلسەندى ۇزاق ٴومىر ٴسۇرۋ ورتالىقتارى» 2020 جىلدىڭ سوڭىنا دەيىن اشىلادى. قازىرگى ۋاقىتتا المالى اۋدانىندا جۇمىس ىستەيتىن جالعىز ورتالىق اشىلعان كۇننەن باستاپ جارتى جىل ىشىندە شامامەن 6 مىڭ ادامدى قابىلدادى. بۇل تۋرالى الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسى حابارلادى.

ٴقازىر بۇل جەر كەلۋشىلەردىڭ ساۋالدارىنا وراي كەڭەيتىلۋدە. ماسەلەن، ورتالىقتا ەگدە جاستاعى بارلىق ادامداردى قامتيتىن «قولجەتىمدىلىك كارتاسى» ارنايى بازاسىن ىسكە قوسىلعان.

«بۇل الماتىداعى قارت ادامنىڭ جالپى «بەينەسىن» جاساۋعا كومەكتەسەتىن الەۋمەتتىك ساۋالناما. ٴاربىر ساۋالنامانى تولتىرعاننان كەيىن قالالىق بيلىك ورگاندارى مەن قايىرىمدىلىق ۇيىمدارى ەگدە جاستاعى ادامداردىڭ قاجەتتىلىكتەرىن قاناعاتتاندىرۋ ٴۇشىن ستاتيستيكالىق دەرەكتەردى پايدالانا الادى. ويتكەنى، ولاردىڭ ٴارقايسىسى ٴبىر نارسە ۇيرەنۋگە، ياعني پايدالى ۋاقىتتارىن دۇرىس جۇمساۋعا نيەت بىلدىرۋدە»، - دەيدى ورتالىق ديرەكتورى ٴاسيا اقانوۆا.

سونىمەن قاتار، ورتالىقتا اي سايىن وتەتىن «كەلىڭدەر ۇيلەنەيىك» اتتى دەمالىس كلۋبى اشىلعان.
ٴا. اقانوۆانىڭ ايتۋىنشا، ورتالىقتىڭ ماقساتى - ەگدە جاستاعى ادامدارعا ساپالى دەمالۋ، جاتتىعۋ جانە دەنە بەلسەندىلىگىن قامتاماسىز ەتۋ. بۇل جەردە، كىتاپحانا، شاحمات وينايتىن زال، كومپيۋتەرلىك ساۋاتتىلىق جانە سمارتفوندارمەن جۇمىس، سونداي-اق يوگا مەن سكانديناۆتىق سەرۋەندەۋ قاراستارىلعان. ايىنا ٴبىر رەت زۋمبا جانە بەينەلەۋ ونەرىنەن ساباقتار وتەدى. بۇدان باسقا، تەگىن زاڭگەرلىك، پسيحولوگيالىق، مەديسينالىق كەڭەستەر بەرۋ، موتيۆاسيالىق سەمينارلار جانە شەبەرلىك ساعاتتارى وتكىزىلەدى ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي