BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا قىزىلشاعا قارسى ەگۋ جۇمىستارى جۇرگىزىلۋدە

استانا. 4 اقپان. baq.kz - اقپاننىڭ 7-نە دەيىن الماتىدا 15-19 جاستاعىلارعا قىزىلشاعا قارسى قوسىمشا يممۋنداۋ جۇرگىزىلەدى. بۇل تۋرالى almaty.tv ٴتىلشىسى الماتى ق. تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ٴباسپاسوز قىزمەتىنە سىلتەمە جاساي وتىرىپ حابارلايدى. 

باس جوسپار بويىنشا بەلگىلەنگەن ۋاقىت ارالىعىندا 65602 الماتىلىق جاسوسپىرىمگە قىزىلشاعا قارسى ۆاكسينالاۋ ەگۋ مىندەتتەلدى.

ۆاكسينالاۋ قالانىڭ بارلىق اۋدانىنىڭ 29 ەگۋ (مەديسينالىق) پۋنكتىندە (مەديسينالىق ۇيىمداردا، مەكتەپتەردە، جوعارى جانە ورتا وقۋ ورىندارىندا) جۇرگىزىلىپ جاتىر. بۇل جۇمىسقا 58 مەديسينا قىزمەتكەرى، 29 ۆاكسيناتور جۇمىلدىرىلدى.

2014 جىل بويىنشا الماتىدا زەرتحانالىق راستالعان قىزىلشانىڭ 51 جاعدايى تىركەلدى.

قىزىلشامەن اۋىرعانداردىڭ نەگىزگى توبى - 15-29 جاستاعىلار (41،7%-ى قۇرادى) جانە 1 جاسقا تولماعان سابيلەر (58،3%-ى قۇرادى).

قىزىلشادان قورعاۋدىڭ ٴتيىمدى ٴادىسى - ۆاكسينالاۋ بولىپ تابىلادى.

قىزىلشا – ٴجىتى ينفەكسيالىق ۆيرۋستىق اۋىرۋ. بۇل اۋرۋدىڭ بەلگىلەرى: باس اۋىرىپ، جوتەلىپ، دەنەسى ٴبورتىپ، قىزۋى كوتەرىلەدى. ناۋقاسپەن قارىم-قاتىناستا بولعان، قىزىلشاعا قارسى ەگىلمەگەن بارلىق ادامدار اۋىرادى. قىزىلشادان كەيىنگى اسقىنۋ تۇرلەرى: وتيت، پنەۆمونيا، ەنسەفاليتتەر، 2 جاسقا دەيىنگى قىزىلشامەن اۋىرعان بالالاردا بىرنەشە رەت پانەنسەفاليتكە اينالۋى مۇمكىن. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي