BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەلىكتەر ٴتيىستى تەگىن دارى-دارمەكتى الماعاندىعىن sms ارقىلى حابارلاي الادى

فوتو: аktobenews.kz

استانا، baq.kz. ەندى تۇرعىنداردىڭ وزدەرى دە «دارى-دارمەكپەن قامتاماسىز ەتۋ» جۇيەسىن باقىلايتىن بولدى. بۇل تۋرالى اktobenews.kz سايتى حابارلايدى.

قازاقستاندا تەگىن دارى-دارمەك بەرۋ بارىسىن باقىلاۋدىڭ جاڭا ٴتۇرى پايدا بولدى.

«بيىلدان باستاپ مەديسينالىق ساقتاندىرۋ قورى تەگىن دارى-دارمەك پەن مەديسينا بۇيىمدارى ٴۇشىن قاراجات اۋدارۋ ٴتارتىبىن وزگەرتكەن ەدى. ياعني، بۇرىن دارىگەردىڭ رەسەپتى بويىنشا اقشا اۋدارىلدى. ەندى دارى-دارمەك پاسيەنتكە قولما-قول بەرىلگەن جاعدايدا عانا شىعىن وتەلەدى. اتاپ ايتقاندا، پاسيەنت ٴدارىنى العان كەزدە ٴتيىستى قۇجاتتارعا قول قويادى. سودان كەيىن تولەم تۋرالى مالىمەت «دارى-دارمەكپەن قامتاماسىز ەتۋ» اقپاراتتىق جۇيەسىنە ەنگىزىلەدى. ەندىگى كەزەڭدە باقىلاۋ جۇيەسىنە پاسيەنتتەردىڭ وزدەرىن تارتۋ كوزدەلگەن»، - دەيدى اقتوبە وبلىستىق «الەۋمەتتىك مەديسينالىق ساقتاندىرۋ قورى» فيليالىنىڭ ديرەكتورى گۇلميرا قوجانيازوۆا.

دالىرەك ايتساق، دەنساۋلىق ساقتاۋ مينيسترلىگى، مەديسينالىق ساقتاندىرۋ قورى مەن «سك-فارماسيا» جشس بىرلەسىپ، sms-حابارلاما جۇيەسىن ىسكە قوستى. sms-حابارلامالار 12 جەلتوقساننان باستاپ جىل سوڭىنا دەيىن جىبەرىلەدى. جوسپار بويىنشا، حابارلاما رەسەپتىلەردە كورسەتىلگەن 3 ملن نومىرگە ٴتۇسۋى ٴتيىس.

حابارلامادا دارى-دارمەكتىڭ بەرىلگەن كۇنى مەن اتاۋى كورسەتىلەدى. ەگەر پاسيەنت پرەپاراتتاردى الماعان بولسا، sms-حابارلاماعا جاۋاپ رەتىندە «0» سيفرىن جولدايدى نەمەسە «سك-فارماسيا» ٴجشس-نىڭ 1439 بايلانىس نومىرىنە قوڭىراۋ شالۋعا بولادى.

«ارينە، پاسيەنتتەردىڭ امبۋلاتورلىق كارتالارىندا كورسەتىلگەن تەلەفون نومىرلەرى قاتە بولۋى مۇمكىن. سوندىقتان sms-حابارلاما بارىنە بارادى دەپ ايتۋ قيىن. sms كەلمەي جاتىرسا، «سك-فارماسيانىڭ» بايلانىس ورتالىعىنا حابارلاسۋعا بولادى»، - دەدى فيليال ديرەكتورى گۇلميرا قوجانيازوۆا.

الىنعان مالىمەتتەر ساراپتالىپ، ٴار فاكتى جەكە-جەكە تەكسەرىلەدى. انىقتالعان زاڭ بۇزۋشىلىقتار قر دەنساۋلىق ساقتاۋ مينيسترلىگى مەن قوعامدىق دەنساۋلىق ساقتاۋ كوميتەتىنە جولدانادى.

ايتا كەتەيىك، «سك-فارماسيا» جشس حالىققا تەگىن بەرىلەتىن دارى-دارمەك پەن مەديسينالىق بۇيىمداردى ەمحانالار مەن اۋرۋحانالاردان تۇسكەن وتىنىشتەر نەگىزىندە ساتىپ الادى. وسى ماقساتتا مەديسينالىق ساقتاندىرۋ قورى قارجى بولەدى.

2018 جىلى مسق مەن «سك-فارماسيا» جشس اراسىندا 101،9 ملرد تەڭگەگە كەلىسىمشارت بەكىتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي