اقتوبەدە جوتەلگە قارسى ٴدارى وندىرىلەتىن بولدى - ۇلت ساۋلىعى|08 قازان 2014، 15:20
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە جوتەلگە قارسى ٴدارى وندىرىلەتىن بولدى

اقتوبە. 8 قازان. baq.kz - اقتوبەدە جوتەلگە قارسى ٴدارى شىعاراتىن زاۋىت ىسكە قوسىلدى، دەپ حابارلايدى bnews.kz ٴتىلشىسى. 

بۇل جوبا مەملەكەتتىڭ قولداۋمەن اشىلعان. ٴدارى شىعاراتىن كاسىپورىننىڭ جالپى قۇنى 245 ميلليون تەڭگە تۇرادى. ونىڭ 198 ميلليونى «بيزنەستىڭ جول كارتاسى-2020» باعدارلاماسى اياسىندا نەسيە رەتىندە بەرىلىپتى. سونداي-اق «تك فارم اقتوبە» جشس مەملەكەتتىك باعدارلامانىڭ ينفراقۇرىلىمدىق قولداۋىنا دا يە بولدى. سول ارقىلى زاۋىتقا باراتىن جولعا تاس توسەلىپ، سۋ مەن كارىز جەلىلەرى جۇرگىزىلگەن.

«قارجىلاي قولداۋدان بولەك «تك فارم اقتوبە» سەرىكتەستىگى «بيزنەستىڭ جول كارتاسى-2020» ارقىلى سەرۆيستىك قىزمەتىن دە پايدالانىپ وتىر. bas جوباسى بويىنشا مامانداردان كەڭەس الۋعا ٴوتىنىش بىلدىردىك. ٴقازىر ەندى ٴىسىمىزدى قولعا الىپ، ميا تامىرىنان ٴشاربات دايىنداۋعا كىستىك. بۇگىندە ول تۇندىرىلىپ تۇر. وتاندىق ٴونىم بولعاندىقتان حالىققا باعاسى دا ارزان بولادى»، - دەيدى كومپانيانىڭ ديرەكتورى جاڭاگۇل تورەحانوۆا.

ميا تارىمى تۇماۋ مەن كوك جوتەلگە ەم. ودان ازىرلەنگەن ٴشاربات اعزاعا تەز ٴسىڭىپ، دەرتكە داۋا بولادى ەكەن. بۇل وسىمدىك كورشىلەس قىزىلوردا وبلىسىندا وسەدى. سوندىقتان اقتوبەدەگى زاۋىتقا تاسىمالداۋ جاعى دا وڭتايلى بولىپ وتىر.
اقسۇڭقار ازات 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي