اكىم اۋىر ناۋقاستىڭ جاعدايىن سۇراپ باردى - ۇلت ساۋلىعى|07 قازان 2014، 18:00
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اكىم اۋىر ناۋقاستىڭ جاعدايىن سۇراپ باردى

 استانا. 7 قازان. baq.kz – قىزىلوردا وبلىسىندا سوزىلمالى بۇيرەك اۋرۋىنا شالدىققان ناۋقاسقا تۇڭعىش رەت بۇيرەك ترانسپلانتاسياسى جاسالدى. مۇنداي وتا رەسپۋبليكادا وسىعان دەيىن ٴۇش وبلىستا عانا جاسالعان. وبلىس اكىمى قىرىمبەك كوشەربايەۆ ناۋقاستىڭ كوڭىلىن سۇراپ، ساۋىعىپ كەتۋىن تىلەدى.

 ەڭ اۋىر وپەراسيالاردىڭ ٴبىرى بولىپ ەسەپتەلەتىن وتانى وبلىستىق مەديسينا ورتالىعىنىڭ حيرۋرگ دارىگەرلەرى مەن ا.سىزعانوۆ اتىنداعى ۇلتتىق عىلىمي حيرۋرگيا ورتالىعىنىڭ دارىگەرلەرى بىرلەسىپ جاسادى. قىزىلوردا قالاسىنىڭ تۇرعىنى ەرداۋلەت بوزعۇلوۆقا تۋعان قارىنداسى جاڭاگۇل بوزعۇلوۆا دونورلىق جاساپ ٴبىر بۇيرەگىن بەردى. دارىگەرلەردىڭ ايتۋىنشا، ٴقازىر ەكەۋىنىڭ دە جاعدايى ٴبىرقالىپتى.

 

ۇلتتىق عىلىمي حيرۋرگيا ورتالىعىنىڭ باس ديرەكتورى جەتكەرگەن ارزىقۇلوۆ ٴساۋىر ايىندا بۇيرەك ترانسپلانتالوگياسىن مەڭگەرۋ ٴۇشىن قىزىلوردالىق دارىگەرلەر ا.ن.سىزعانوۆ اتىنداعى ۇلتتىق عىلىمي حيرۋرگيا ورتالىعىندا ٴبىلىمىن جەتىلدىرىپ قايتقانىن ايتتى.
بۇگىنگى كۇنى وبلىستىق مەديسينا ورتالىعىندا وتا جاساۋ ٴۇشىن بارلىق جاعدايلار جاسالعان، كەرەكتى قۇرال-جابدىقتارمەن قامتاماسىز ەتىلگەن. جالپى وڭىرىمىزدە بۇيرەك جەتىسپەۋشىلىگىنە دۋشار بولىپ، گەمودياليزدە وتىرعان 100 دەن استام ناۋقاس بار. ونىڭ ٴ45-ى دونوردى كۇتىپ، كەزەكتە تۇر. كەلەسى بۇيرەك اۋىستىرۋ وتاسى قاراشا ايىندا جاسالادى دەپ كۇتىلۋدە.
– دەنساۋلىق سالاسىنا بيىل 35 ميلليارد تەڭگەگە جۋىق قارجى قارالدى. بۇل وتكەن جىلمەن سالىستىرعاندا 18 پايىزعا ارتىق. بۇل باستى بايلىق سانالاتىن دەنساۋلىقتى قالپىنا كەلتىرۋ ٴۇشىن جاسالىپ وتىرعان قولداۋ. وبلىس دارىگەرلەرى تاجىريبەلەرىن تولىستىرىپ، كۇردەلى وپەراسيالاردى وزىمىزدە جاسايتىن بولدى. بۇل مەديسينا سالاسىنداعى ٴبىر جەتىستىك، - دەدى وبلىس اكىمى ق.كوشەربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي