افشان حان: انا مەن بالانىڭ تاماقتانۋىن جاقسارتۋعا سەپتەسەمىز

استانا، baq.kz. مساك جونىندەگى الماتى دەكلاراسياسىنىڭ 40 جىلدىعىنا ارنالعان جاھاندىق كونفەرەنسيا شەڭبەرىندە قر دسم قوعامدىق دەنساۋلىق ساقتاۋ ۇلتتىق ورتالىعى مەن بۇۇ بالالار قورى (يۋنيسەف) اراسىندا تاماقتانۋ سالاسىنداعى سەرىكتەستىك جانە الەۋەتتى قالىپتاستىرۋ بويىنشا وڭىرلىك تۇعىرنامانى قالىپتاستىرۋ جانە ەنگىزۋ ارقىلى ورتالىق ازيا جانە وڭتۇستىك كاۆكاز قوسالقى ايماعىندا انا مەن بالانىڭ تاماقتانۋىن جاقسارتۋعا سەپتەسۋ تۋرالى ٴوزارا تۇسىنىستىك مەموراندۋمى جاسالدى. بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعىنىڭ ٴباسپاسوز قىزمەتى حابارلايدى.

قر دسم قوعامدىق دەنساۋلىق ساقتاۋ ۇلتتىق ورتالىعى اتىنان مەموراندۋمعا مەكەمە ديرەكتورى ۋاليحان احمەتوۆ، يۋنيسەف اتىنان ەۋروپا جانە ورتالىق ازيا بويىنشا وڭىرلىك ديرەكتور افشان حان قول قويدى.

مەموراندۋم جاساۋداعى ماقسات – ورتالىق ازيا جانە وڭتۇستىك كاۆكاز قوسالقى ايماعىندا انا مەن بالانىڭ تاماقتانۋىن جاقسارتۋعا سەپتەسۋ.

قر دسم قوعامدىق دەنساۋلىق ساقتاۋ ۇلتتىق ورتالىعىنىڭ ديرەكتورى ۋاليحان احمەتوۆ قوعامدىق دەنساۋلىقتى وڭتايلى تاماقتانۋسىز ساقتاۋ جانە نىعايتۋ مۇمكىن ەمەس ەكەنىن اتاپ ٴوتتى.

«ٴبىزدىڭ ورتالىق ورتالىق ازيا جانە كاۆكاز ەلدەرىندە سەرىكتەستىك جانە الەۋەتتى ٴوسىرۋ بويىنشا وڭىرلىك تۇعىرنامانى ىسكە قوسۋدى قولدايدى. بۇگىنگى تاڭدا قازاقستاندا بالالار مەن جاسوسپىرىمدەردىڭ دەنساۋلىعىن قامتاماسىز ەتۋگە، نەگىزگى جۇقپالى ەمەس اۋرۋلاردىڭ الدىن الۋعا، دۇرىس تاماقتانۋعا، تۇزدى، ترانسمايلاردى جانە ت.س.س. تۇتىنۋدى ازايتۋ بويىنشا زاڭنامالىق باستامالار ۇيىمداستىرۋعا باعىتتالعان شارالار قولدانىلىپ جاتىر. قوعامدىق دەنساۋلىق ساقتاۋ ۇلتتىق ورتالىعى ٴۇشىن وڭىرلىك تۇعىرناما جۇمىسىنىڭ العاشقى جىلى ونىڭ حاتشىلىعىنا ٴبىرىنشى بولىپ باسشىلىق ەتۋ مۇمكىندىگى ايتۋلى وقيعا بولىپ تابىلادى. ال ٴبىز بولساق، ورتالىق ازيا جانە كاۆكاز ەلدەرىمەن قوعامدىق دەنساۋلىق ساقتاۋ جانە تاماقتانۋ سالاسىندا سەرىكتەستىكتى نىعايتۋ ٴۇشىن قولىمىزدان كەلگەننىڭ بارلىعىن جاسايمىز»، - دەدى ول.

ەۋروپا جانە ورتالىق ازيا بويىنشا وڭىرلىك ديرەكتور افشان حان بۇگىن مەن قازاقستان ۇكىمەتىنىڭ باسشىلىعىمەن جانە ورتالىق ازيا مەن كاۆكاز اۋماعىنداعى 7 ەلدىڭ بەلسەندى قاتىسۋىمەن بىرگە، نيدەرلاندى ۇكىمەتىنىڭ قولداۋىمەن جانە يۋنيسەف مەن باسقا دا اگەنتتىكتەردىڭ كاتاليزاتور رەتىندە ارەكەت ەتۋىنىڭ ارقاسىندا «تاماقتانۋ سالاسىندا وڭىرلىك الەۋەتتى جانە سەرىكتەستىكتى دامىتۋ تۇعىرناماسى» اتتى عالامات شەكاراارالىق باستاماسىن جۇزەگە اسىراتىنىمىزدى كورۋگە قۋانىشتى ەكەنىن ايتتى.

«اتالمىش تۇعىرناما – بىرلەسكەن جانە مەملەكەتارالىق جۇمىستىڭ كەرەمەت ۇلگىسى، وسى وڭىردەگى 8 مەملەكەت تاماقتانۋ جۇيەسى جانە باسقارۋ بلوكتارى سالاسىنداعى الەۋەتتى جۇيەلى دامىتۋدىڭ پايداسىن كورەتىن بولادى. ناتيجەسىندە وڭىردەگى بالالار مەن جاسوسپىرىمدەر اراسىنداعى تويىپ تاماقتانباۋدىڭ قوسارلى اۋىرتپالىعىمەن كۇرەستە ٴارى قاراي دا ناتيجە شىعارۋ جىلدامداي تۇسەدى»، - دەپ اتاپ ٴوتتى افشان حان، ەۋروپا جانە ورتالىق ازيا بويىنشا وڭىرلىك ديرەكتور.

تاراپتار اراسىنداعى سەىركتەستىك يۋنيسەف پەن قازاقستان ۇكىمەتى 22 ماۋسىم 2015 جىلى قول قويعان دامۋ ماقساتتارىنداعى شەكتىك سەرىكتەستىك باعدارلاماسىنىڭ شارتتارىمەن رەتتەلەتىن بولادى.

مەموراندۋم تاراپتار قول قويعان ساتتەن باستاپ كۇشىنە ەنىپ، 31 جەلتوقسان 2020 جىلعا دەيىن كۇشىن ساقتايدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!