BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

9 ايدا 125 مىڭعا جۋىق ەلوردالىق تەگىن دارى-دارمەكپەن قامتاماسىز ەتىلدى

استانا، baq.kz. بيىلعى جىلدىڭ 9 ايىندا استانا قالاسىنىڭ 124919 تۇرعىنى تەگىن-دارى-دارمەكپەن قامتاماسىز ەتىلگەن. بۇل تۋرالى الەۋمەتتىك مەديسينالىق ساقتاندىرۋ قورىنىڭ استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ ايتتى.

«ەلوردا تۇرعىندارىنا 2018 جىلدىڭ 9 ايىندا 4،5 ملرد تەڭگە سوماسىنا 462 649 رەسەپت بەرىلدى، ولاردىڭ 414 ٴ053-ى دارى-دارمەكتەرمەن (4،1 ملرد تەڭگە سوماسىنا) قامتىلدى. باسقاشا ايتساق، رەسەپت جازىپ بەرىلگەن پاسيەنتتەردىڭ سانى – 132 431 بولسا، ولاردىڭ 124 919-ى دارى-دارمەكپەن قامتاماسىز ەتىلدى»، - دەيدى الەۋمەتتىك مەديسينالىق ساقتاندىرۋ قورىنىڭ استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.

قازاقستاندا تەگىن دارى-دارمەك بەرۋ بارىسىن باقىلاۋدىڭ جاڭا ٴتۇرى پايدا بولماق. جىل سوڭىندا ىسكە قوسىلاتىن بۇل جوبا كەپىلدەندىرىلگەن تەگىن مەديسينالىق كومەك اياسىندا كورسەتىلەتىن قىزمەتتەرگە اقى تولەۋ پروسەسىن جەتىلدىرۋدى كوزدەيدى.

«2018 جىلدىڭ باسىندا مەديسينالىق ساقتاندىرۋ قورى كەپىلدەندىرىلگەن تەگىن كومەك پاكەتى شەڭبەرىندە بەرىلەتىن دارى-دارمەك پەن مەديسينا بۇيىمدارىنا اقى تولەۋ ٴتارتىبىن وزگەرتتى. ياعني، بۇرىن دارى-دارمەك پەن مەديسينالىق ماقساتتاعى بۇيىمدار اقىسى دارىگەر جازعان رەسەپت بويىنشا تولەنىپ كەلگەن بولسا، بيىلدان باستاپ ٴدارى قولما-قول بەرىلگەن رەسەپتىلەرگە عانا تولەنەدى. اتاپ ايتقاندا، پاسيەنت ٴدارىنى العان كەزدە ٴتيىستى قۇجاتتارعا قول قويادى. سودان كەيىن تولەم تۋرالى مالىمەت «دارى-دارمەكپەن قامتاماسىز ەتۋ» اقپاراتتىق جۇيەسىنە ەنگىزىلەدى. كەلەسى كەزەڭدە باقىلاۋ جۇيەسىنە پاسيەنتتەردىڭ وزدەرىن تارتۋ كوزدەلگەن. ٴبىز وسى جۇيەنى نوبايلى جوبا رەتىندە ىسكە قوسىپ وتىرمىز»، - دەپ ٴتۇسىندىردى مەديسينالىق ساقتاندىرۋ قورىنىڭ باسقارما ٴتوراعاسىنىڭ مىندەتىن اتقارۋشى بوتاگوز جاقسەلەكوۆا.

دەنساۋلىق ساقتاۋ مينيسترلىگى، مەديسينالىق ساقتاندىرۋ قورى جانە «سك-فارماسيا» جشس بىرلەسىپ ىسكە قوسقان «sms-حابارلاما جۇيەسى» جوباسىنىڭ اياسىندا پاسيەنتتەرگە 12 جەلتوقساننان 2018 جىلدىڭ سوڭىنا دەيىن sms-حابارلاما جىبەرۋ كوزدەلگەن. حابارلاما بيىلعى قاراشا-جەلتوقسان ايلارىندا تەگىن دارى-دارمەك العاندار تىزىمىنە ەنگەن پاسيەنتتەرگە جىبەرىلەدى.

جوسپار بويىنشا حابارلاما رەسەپتىلەردە كورسەتىلگەن 3 ملن نومىرگە ٴتۇسۋى ٴتيىس. حابارلامادا دارى-دارمەكتىڭ بەرىلگەن كۇنى مەن اتاۋى كورسەتىلەدى. ەگەر پاسيەنت پرەپاراتتاردى الماعان بولسا، sms-حابارلاماعا جاۋاپ رەتىندە «0» سيفرىن جولدايدى نەمەسە «سك-فارماسيا» ٴجشس-نىڭ 1439 بايلانىس نومىرىنە قوڭىراۋ شالادى.

پاسيەنتتەردىڭ امبۋلاتورلىق كارتالارىندا كورسەتىلگەن تەلەفون نومىرلەرى قاتە بولسا، sms-حابارلاما بارماۋى مۇمكىن. مۇنداي جاعدايدا «سك-فارماسيانىڭ» بايلانىس ورتالىعىنا حابارلاسۋعا بولادى.

الىنعان مالىمەتتەر ساراپتالىپ، ٴار دەرەك (فاكت) جەكە-جەكە تەكسەرىلەدى. انىقتالعان زاڭ بۇزۋشىلىقتار قر دەنساۋلىق ساقتاۋ مينيسترلىگى مەن قوعامدىق دەنساۋلىق ساقتاۋ كوميتەتىنە جولدانادى.

حابارلاما ناتيجەسى مەن اقپاراتتىق جۇيەدەگى مالىمەتتەر اراسىندا ايتارلىقتاي الشاقتىق تابىلىپ جاتسا، جوبا مەرزىمى ۇزارتىلادى. سونىمەن قاتار، بولاشاقتا ول كەپىلدەندىرىلگەن تەگىن مەديسينالىق كومەك شەڭبەرىندە كورسەتىلەتىن وزگە دە قىزمەتتەرگە قولدانىلۋى مۇمكىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي