BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2019 جىلى قاڭتاردان باستاپ بارلىق دارىنىڭ باعاسى رەتتەلەدى – دسم

فوتو: интернеттен

2019 جىلدىڭ 1 قاڭتارىنان باستاپ بارلىق دارىلىك زاتتار باعالارىن رەتتەۋ كوزدەلگەن، دەپ حابارلايدى ۆaq.kz اقپارات اگەنتتىگى دەنساۋلىق ساقتاۋ مينيسترلىگىنىڭ ٴباسپاسوز قىزمەتىنە سىلتەمە جاساپ.

ۆەدومستۆونىڭ حابارلاۋىنشا، ەلباسىنىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ ماقساتىندا قر دەنساۋلىق ساقتاۋ مينيسترلىگىمەن «دارىلىك زاتتار مەن مەديسينالىق بۇيىمدار اينالىمى ماسەلەلەرى بويىنشا قر كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ جونىندەگى» قر زاڭ جوباسى ازىرلەندى.

دارىلىك زاتتار باعالارىن قالىپتاستىرۋداعى جوسپارلانىپ وتىرعان وزگەرىستەر باعانى رەتتەۋدىڭ 4 دەڭگەيىن كوزدەيدى: ٴوندىرۋشى، كوتەرمە ساۋدا، بولشەك ساۋدا، سونداي-اق تمككك شەڭبەرىندە جانە ٴمامس جۇيەسىندە ساتىپ الۋ دەڭگەيلەرى.

ٴوندىرۋشىنىڭ باعاسىن تىركەۋ رەفەرەنتتىك ەلدەردىڭ تۇتىنۋشىلىق ورامىنىڭ باعاسى نەگىزىندە جۇرگىزىلەدى، سونداي-اق ۇستەمە باعانىڭ رەگرەسسيۆتىك شكالاسى ارقىلى دارىلىك پرەپاراتتاردى كوتەرمە جانە بولشەكتەپ ساتۋ مارجاسى رەتتەلەتىن بولادى.

"قازىرگى تاڭدا اتالعان زاڭ جوباسى قر پارلامەنت ٴماجىلىسىنىڭ قاراۋىندا، جاقىن ارادا ول ەكىنشى وقىلىمعا كىرگىزىلەدى جانە قر پارلامەنت سەناتىنا جولدانادى. اعىمداعى جىلدىڭ سوڭىنا دەيىن زاڭعا قول قويۋ جوسپارلانۋدا"، - دەلىنگەن حابارلامادا.

ودان باسقا، مينيسترلىكپەن 2017 جىلدىڭ باسىنان تمككك شەڭبەرىندە امبۋلاتوريالىق دەڭگەيدە تۇرعىنداردى تەگىن دارىلىك زاتتارمەن قامتاماسىز ەتۋ ٴۇشىن فارماسەۆتيكالىق قىزمەتتەر مەن دارىلىك زاتتار، مەديسينالىق بۇيىمدار تىزبەسىن ورتالىقتاندىرۋدى ەسەپكە الۋمەن ٴبىرىڭعاي ديستريبيۋتور ٴتىزىمى تولىقتاي قايتا قارالدى.

"اتاپ ايتقاندا، امبۋلاتوريالىق تەگىن قامتاماسىز ەتۋ ٴۇشىن دارىلىك زاتتار تىزبەسى ەكونوميكالىق جاعىنان ٴتيىمدى پرەپاراتتاردى قوسۋ جولىمەن قايتا قارالىپ، كەڭەيتىلدى. مىسالى، س ۆيرۋستىق گەپاتيتىن ەمدەۋ ٴۇشىن قىمبات تۇراتىن جانە تيىمدىلىگى تومەن (60%) پەگيليرلەنگەن ينتەرفەروندارمەن تەراپيا تيىمدىلىگى جوعارى (98%) ەمدەۋ سحەماسىمەن (سوفوسبۋۆير+داكلاتوسۆير) الماستىرىلدى، ول ەمدەلگەن ناۋقاستار سانىنىڭ 500-دەن 40 000 ادامعا جوعارىلاۋىنا مۇمكىندىك بەردى"، - دەپ جازىلعان ۆەدومستۆو تاراتقان حابارلامادا.

سونىمەن قاتار، دارىلىك زاتتاردى شەت ەلدىك وندىرۋشىلەرمەن جۇرگىزىلگەن كەلىسسوزدەر ناتيجەسىندە 175 اتالىمداعى مەديسينالىق پرەپاراتتار باعاسى ورتاشا 23%-عا تومەندەدى، ال وتاندىق وندىرۋشىلەرمەن ۇزاق مەرزىمدى شارتتار اياسىندا باعانى تومەندەتۋ جونىندەگى قابىلدانعان مىندەتتىلىككە سايكەس 134 اتالىمداعى دارىلىك زاتتار باعاسى 5%-عا تومەندەدى.

قازىرگى تاڭدا دارىلىك نارىق ٴدارىحانا ارقىلى دارىلىك زاتتاردى كوممەرسيالىق ساتۋ جانە تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە تەگىن دارىلىك زاتتارمەن قامتاماسىز ەتۋ بولىپ بولىنەتىنىن اتاپ وتكەن ٴجون. بۇگىنگى كۇنى نارىقتاعى كوممەرسيالىق ساتۋعا باعا ٴتۇزۋ رەتتەلمەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي