BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

i ٴتيپتى قانت ديابەتىمەن اۋىراتىندار ينسۋلين پومپالارىمەن تەگىن قامتىلادى – دسم

فوتو: ашық дереккөзден

استانا. baq.kz. 2019 جىلى 1 مەن 18 جاس ارالىعىنداعى ٴ1-شى ٴتيپتى قانت ديابەتىمەن اۋىراتىن پاسيەنتتەر سوماسى 180 ميلليننان اسا تەڭگەگە ينسۋلين پومپالارىمەن تەگىن قامتاماسىز ەتىلەتىن بولادى.

ايتا كەتەيىك، 2012 جىلى قر دەنساۋلىق ساقتاۋ مينيسترلىگى كەڭەس داۋىرىنەن كەيىنگى كەڭىستىكتە ٴبىرىنشى رەت 1 مەن 18 جاس ارالىعىنداعى ٴ1-شى ٴتيپتى قانت ديابەتىمەن اۋراتىن پاسيەنتتەردىڭ سىرقاتتاردى ەمدەۋدىڭ يننوۆاسيالىق ٴادىسى – پومپالىق ينسۋلين تەراپياسىنا قولجەتىمدىلىگى قامتاماسىز ەتىلدى. ال، 2012 جانە 2016 جىلدار ارالىعىندا قازاقستاندا پومپالىق ينسۋلين تەراپياسىنا قولجەتىمدىكتى تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە ەلىمىزدىڭ 1400 جاس پاسيەنتى الدى.

6 جىل بويى ينسۋلين پومپالارى مەن ولاردىڭ شىعىنداۋ ماتەريالدارىن جەتكىزۋشى مەدترونيك كومپانياسى بولىپ تابىلادى. وسى ۋاقىتتار ارالىعىندا قر دەنساۋلىق ساقتاۋ مينيسترلىگى مەن كومپانيا دەنساۋلىق ساقتاۋ ماماندارى ٴۇشىن كوپتەگەن ٴبىلىم بەرۋ ٴىس-شارالارىن وتكىزدى، 400-دەن اسا ەندوكرينولوگ، پەدياتر جانە تەراپەۆت دارىگەر وقىپ شىقتى. مەدترونيك كومپانياسى قازاقستاننىڭ بارلىق وڭىرلىك ورتالىقتارىندا پومپالىق ينسۋلين تەراپياسى كابينەتتەرىن اشۋعا كومەكتەستى، وسى كابينەتتەردى دەنساۋلىق ساقتاۋ ماماندارىنا تەراپيانىڭ نىسانالى كورسەتكىشتەرىنە قول جەتكىزۋگە كومەكتەسەتىن ۇيىمداستىرۋ تەحنيكاسىمەن جانە باعدارلامالىق قامتاماسىز ەتۋمەن قامتاماسىز ەتتى.

«2019 جىلى ەلىمىزدىڭ 1 مەن 18 جاس ارالىعىنداعى ٴ1-شى ٴتيپتى قانت ديابەتىمەن اۋىراتىن جاس پاسيەنتتەرى ٴۇشىن سوماسى 180 ميلليوننان اسا تەڭگەگە 352 پومپا جەتكىزۋ جوسپارلانۋدا»، - دەلىنگەن ۆەدومستۆونىڭ حابارلاماسىندا.

ينسۋلين پومپالارىن پايدالاناتىن پاسيەنتتەردىڭ بارلىعى قازىرگى كەزدە كومپانيانىڭ تەحنيكالىق قىزمەتىنە تاۋلىك بويعى تەگىن قولجەتىمدىككە يە.

بۇدان باسقا، كومپانيا پاسيەنتتەردى مەديسينالىق بۇيىمدى ورناتۋ ساتىنەن باستاپ 4 جىل بويى كەپىلدى قىزمەت كورسەتۋمەن قامتاماسىز ەتەدى.

2012 جانە 2017 جىلدار ارالىعىندا پومپالاردى جەتكىزۋ باعاسى ٴاربىر پومپاعا 500 مىڭنان اسا تەڭگە بويىنشا جۇرگىزىلدى، وعان قوسا شىعىنداۋ ماتەريالدارىنىڭ جىلدىق جيناعى، ول مەملەكەتكە جىل سايىن باعاسى 500 مىڭنان اسا تەڭگەدەن كەلەدى.

2018 جىلعى قىركۇيەكتەن باستاپ قر دەنساۋلىق ساقتاۋ مينيسترلىگى مەن «مەدترونيك كازاحستان» جشس ٴ1-شى ٴتيپتى قانت ديابەتىمەن اۋىراتىن بالالار ٴۇشىن پومپالاردى وتەۋسىز نەگىزدە جەتكىزۋ تۋرالى كەلىسىمگە وتىردى. بۇگىنگى تاڭدا كومپانيا «سك-فارماسيا» جشس مەكەنجايىنا 180-نەن اسا ينسۋلين پومپاسىن جەتكىزدى، بۇل مەملەكەتكە تەك 2018 جىلدىڭ وزىندە 90 ميلليوننان اسا تەڭگەنى ۇنەمدەۋگە مۇمكىندىك بەردى.

بۇدان باسقا، كومپانيا كەپىلدىك مەرزىمى وتكەن جانە ىستەن شىققان پومپالاردى اۋىستىرۋ بويىنشا مىندەتتەمە قابىلدادى. وسىنداي پومپالاردى اۋىستىرۋ دا وتەۋسىز نەگىزدە جۇرگىزىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي