BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

10 مينۋت ىشىندە كومەك كورسەتەتىن جەدەل جاردەم بەكەتى اشىلدى

استانا، baq.kz. شىمكەنتتە جەدەل جاردەم قىزمەتىنىڭ ٴۇش جاڭا بەكەتى اشىلدى. سالا ماماندارى تۇرعىنداردىڭ شاقىرۋلارى مەن شاعىمداردى سارالاي كەلە 3 شاعىناۋدانعا بەكەتتەردىڭ قاجەتتىگىن انىقتاعان.

ناتيجەسىندە حالىق تىعىز ورنالاسقان قايتپاس-2، ايقاپ جانە قاراباستاۋ شاعىناۋداندارىندا ٴۇش بەكەتتىڭ عيماراتى بوي كوتەردى. سونىڭ ناتيجەسىندە جەدەل جاردەم بريگادالارىنىڭ ناۋقاستارعا جەتۋ ۋاقىتى ازايادى، دەيدى سالا ماماندارى.

جاڭا بەكەتتەردىڭ اشىلۋ سالتاناتىنا شىمكەنت قالاسى دەنساۋلىق ساقتاۋ باسقارماسىنىڭ باسشىسى نۇرلان قاسىموۆ قاتىسىپ، فەلدەرشەردىڭ جۇمىسىمەن تانىستى.

«قازىرگى تاڭدا جەدەل جاردەم قىزمەتى شاقىرتۋلارعا 10 مينۋت ىشىندە جەتۋدە. حالىق سانى كوبەيىپ، قالا اۋماعى كەڭەيىپ جاتقاندىقتان، ٴالى دە بەكەتتەر قاجەت. بىزدە بۇگىندە 81 بريگادا بولسا، نورماتيۆ بويىنشا شاھاردا 100 بريگادا جۇمىس ىستەۋى قاجەت»، - دەيدى قالانىڭ باس دارىگەرى.

نۇرلان قاسىموۆتىڭ ايتۋىنشا، جەدەل جاردەم قىزمەتىنىڭ ساپاسى جاقسارتۋدا تۇرىك كاسىپكەرلەرىمەن مەموراندۋم جاسالعان. سونىڭ اياسىندا كەلەسى جىلى قالاعا جاڭا 100 جەدەل جاردەم كولىگى جەتكىزىلمەك.

ال قايتپاس-2 شاعىناۋدانىنداعى №6 بەكەتتە 10 بريگادا 150 مىڭ تۇرعىنعا مەديسينالىق كومەك كورسەتەدى. جۇمىس قابينەتتەرى زاماناۋي جابدىقتارمەن قامتىلعان. ديسپەتچەرلىك بولمە، فەلدشەر كابينەتى، ٴدارىحانا قويماسى، دەمالىس بولمەسى بار. ماماندار ينتەرنەت ارقىلى ناۋقاستىڭ مەكەنجايىن انىقتاپ، دياگنوزىمەن تانىسا الادى. سول سەكىلدى №1 بەكەتتە 6 بريگادا 9 مىڭ حالىققا، №3 بەكەتتەگى 8 بريگادا 12 مىڭ تۇرعىنعا قىزمەت كورسەتۋدى باستادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي