BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جۇمىسسىز جاستار ٴجىتى باقىلاۋعا الىنادى - ۇكىمەت

استانا. 14 ماۋسىم. baq.kz – ۇكىمەتتىڭ بۇگىنگى وتىرىسىندا پرەمەر-مينيستر كارىم ٴماسىموۆ جۇمىسسىز جۇرگەن جاستاردىڭ ماسەلەسىن تەزدەتىپ شەشۋدى تاپسىردى، دەپ حابارلايدى baq.kz ٴتىلشىسى.

«دەنساۋلىق ساقتاۋ جانە الەۋمەتتىك دامۋ مينيسترلىگى جەرگىلىكتى بيلىك ورگاندارىمەن بىرلەسە وتىرىپ، ٴبىر ايدىڭ ىشىندە پروبلەمالىق جاستارمەن جۇمىس جاساۋ جولدارىن قايتا قاراپ شىعۋى ٴتيىس. نەگىزگى ماقسات – ونداي جاستاردى جۇمىسپەن قامتاماسىز ەتۋ. بۇگىن مەملەكەت باسشىسىمەن بولعان كەزدەسۋ كەزىندە دە وسى ماسەلەگە ەرەكشە كوڭىل ٴبولىندى. ەرتەڭ مەن وبلىستاردى ارالاۋدى باستايمىن. سول كەزدە بارلىق كەزدەسۋلەردە جاستارمەن جۇمىس جاساۋ، سونداي-اق ولاردىڭ جۇمىسپەن قامتۋ ماسەلەسى بولەك قارالاۋى قاجەت.»، - دەدى ك.ٴماسىموۆ.

ايتا كەتەيىك، وتكەن جۇمادا وتكەن قاۋىپسىزدىك كەڭەسىندە پرەزيدەنت حالىقپەن جۇمىس جۇرگىزۋ ٴىسىن تۇبەگەيلى جاقسارتۋ كەرەكتىگىن ايتتى. «ٴاربىر جۇمىسسىز ادام ٴبىزدىڭ ەسەبىمىزدە بولۋعا ٴتيىس. دەنساۋلىق ساقتاۋ جانە الەۋمەتتىك دامۋ مينيسترلىگى اكىمدىكتەرمەن بىرلەسە وتىرىپ، ٴار اداممەن جەكە جۇمىس جۇرگىزىپ، ەكى اي مەرزىم ىشىندە حالىقتىڭ وسى بولىگىن جۇمىسپەن قامتۋ جونىندە ۇسىنىستار ەنگىزۋى ٴتيىس. قاجەت جاعدايدا ەڭبەك كودەكسىنە ٴتيىستى وزگەرىستەر ەنگىزۋ جونىندە باستامالار ۇسىنۋ كەرەك» – دەدى نۇرسۇلتان نازاربايەۆ. بۇدان بولەك، مەملەكەت باسشىسى ۇلتتىق قاۋىپسىزدىكتى قامتاماسىز ەتۋ ماقساتىندا ٴبىرقاتار ستراتەگيالىق ماڭىزى بار تاپسىرمالار بەردى. اتاپ ايتقاندا، ەكى ايدىڭ ىشىندە ٴدىني بىرلەستىكتەر، كوشى-قون، تەرروريزم مەن ەكسترەميزيمگە قارسى كۇرەس شارالارى، قارۋ-جاراقتى ساتۋ جانە ساقتاۋ زاڭناماسى بويىنشا ٴتيىستى ۇسىنىستاردى ازىرلەۋ كەرەك. سونداي-اق قازاقستاندىق ۇيىمدار مەن جەكە ازاماتتاردى شەتەلدەن قارجىلاندىرۋدى باقىلاۋ جۇيەسىن ەنگىزگەن ٴجون. پرەزيدەنتتىڭ ايتۋىنشا، اسكەري نىسانداردى قورعاۋ ماسەلەسىنە ەرەكشە كوڭىل ٴبولىنۋى ٴتيىس. بۇدان بولەك، مەملەكەت باسشىسى حالىقتى جۇمىسپەن قامتۋ ماسەلەسىن ٴجىتى باقىلاۋدا ۇستاپ، ٴاربىر اداممەن جەكە-دارا جۇمىس ىستەۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي