BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴجىو ورنىقتى ٴوسۋى 4،1% دەڭگەيىندە ساقتالىپ وتىر

استانا، baq.kz ٴتىلشىسى. بۇگىن ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ 2018 جىلدىڭ 11 ايىنداعى الەۋمەتتىك-ەكونوميكالىق دامۋ جانە رەسپۋبليكالىق بيۋدجەتتىڭ ورىندالۋ قورىتىندىسى تۋرالى ەسەپ بەردى.

«ٴجىو ورنىقتى ٴوسۋى 3 اي بويى 4،1 دەڭگەيىندە ساقتالىپ وتىر. جوعارى ينۆەستيسيالىق جانە تۇتىنۋشىلىق سۇرانىس، سونداي-اق ەكونوميكانىڭ بازالىق سالالارىنداعى وندىرىستىك بەلسەندىلىك ەكونوميكالىق ٴوسىمنىڭ نەگىزگى فاكتورلارى بولدى. ينفلياسيا دەڭگەيى 5-7% ارالىعىندا ساقتالدى. جىلدىق ينفلياسيا 4،6% قۇرادى. ەكونوميكانىڭ وسۋىندەگى شەشۋشى ٴرولدى نەگىزگى كاپيتالعا سالىنعان ينۆەستيسيالار الىپ وتىر. 2018 جىلدىڭ 11 ايىندا ولاردىڭ كولەمى 18،3% ٴوستى. 1 قاراشاداعى جاعداي بويىنشا ەلدىڭ حالىقارالىق رەزەرۆتەرى 85،5 ملرد اقش دوللارىن قۇرادى. بۇل رەتتە ۇلتتىق قوردىڭ اكتيۆتەرى 0،1% وسسە، 56،5 ملرد اقش دوللارىنا دەيىن ۇلعايدى»، - دەدى ۇەم باسشىسى.

ول ٴار سالاداعى ەكونوميكالىق وسىمدەرگە توقتالىپ ٴوتتى.

«ونەركاسىپ ٴوسۋدىڭ وڭ قارقىنىن ساقتاپ وتىر. وڭدەۋ ونەركاسىبىنىڭ كەن ٴوندىرۋ ونەركاسىبىنە قاراعاندا وزىق ٴوسۋ قارقىندارى ەسەبىنەن ٴوسۋ 4،5% قۇرادى. اۋىل شارۋاشىلىعى جاقسى قارقىندى كورسەتىپ وتىر. 11 ايدا ٴونىم شىعارىلىمى 2،9 پروسەنت ۇلعايدى. ٴوسىمنىڭ نەگىزگى سالىمىن مال شارۋاشىلىعى قامتاماسىز ەتتى. بۇل سالاداعى ٴوسىم – 3،9%. قۇرىلىس سالاسى تۇراقتى ٴوسۋدى كورسەتىپ وتىر. ٴوسۋ – 3،9 % قۇرادى. جالپى، قىزمەت كورسەتۋ سالاسى 4% ٴوسۋدى قامتاماسىز ەتتى جانە ٴجىو وسۋىنە 2،3% تارماق ۇلەس قوستى»، - دەدى تيمۋر سۇلەيمەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي