BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل باسىنان بەرى 97 مىڭ باسپانا بەرىلدى

فوتو: ашық дереккөзден

استانا، baq.kz ٴتىلشىسى. 2018 جىلدىڭ 11 ايىنىڭ قورىتىندىسى بويىنشا ەلىمىزدە 11 ملن شارشى مەتر تۇرعىن ٴۇي پايدالانۋعا بەرىلدى. بۇل تۋرالى ۇكىمەت وتىرىسىندا قر ينۆەستيسيالار جانە دامۋ ٴمينيسترى جەڭىس قاسىمبەك مالىمدەدى.

«11 ايدىڭ قورىتىندىسى بويىنشا 11،0 ملن شارشى مەتر تۇرعىن ٴۇي پايدالانۋعا بەرىلدى. ول 2017 جىلدىڭ سايكەس كەزەڭىمەن سالىستىرعاندا 114% قۇرادى. تۇرعىن ۇيلەردى پايدالانۋعا بەرۋدىڭ جىلدىق جوسپارى 91% ورىندالدى. جالپى رەسپۋبليكا بويىنشا 96 761 باسپانا پايدالانۋعا بەرىلدى، ونىڭ ىشىندە 37 026 جەكە تۇرعىن ٴۇي بار»، - دەدى مينيستر.

ونىڭ ايتۋىنشا، تۇرعىن ۇيلەردى پايدالانۋعا بەرۋ كولەمىنىڭ ۇلعايۋى وتكەن جىلمەن سالىستىرعاندا رەسپۋبليكانىڭ 16 وڭىرىندە جالعاسۋدا. تۇرعىن ۇيلەردى قولدانىسقا بەرۋ كولەمىنىڭ تومەندەۋى تەك پاۆلودار وبلىسىندا بايقالادى.

ونەركاسىپ ٴوندىرىسى 104،5% قۇرادى. ونىڭ ىشىندە تاۋ-كەن ونەركاسىبى – 104،7%، وڭدەۋ ونەركاسىبى – 104،9%. ەلىمىزدىڭ 14 وڭىرىندە ونەركاسىپ ٴوندىرىسىنىڭ كولەمى ساقتالىپ وتىر. كەن ٴوندىرۋ سەكتورىندا ٴوندىرىس كولەمى 7،3%، ٴتۇستى مەتالل رۋداسىنىڭ كولەمى 3،9%. وڭدەۋ ونەركاسىبى 4،9%، مەتاللۋرگيا 3،7%، ماشينا جاساۋ سالاسى 15،7%، حيميا ونەركاسىبى 7،2% ٴوستى. كولىك كەشەنىندە ناقتى كولەم يندەكسى – 104،6%.

«قۇرىلىس بويىنشا ناقتى كولەم يندەكسى 103،9% قۇرادى. 13 وبلىستا وڭ سەرپىن بايقالادى. بۇل رەتتە 4 وڭىردە كورسەتكىش تومەندەگەن: اقمولا وبلىسىندا – 11،8%، پاۆلودار – 2،1%، جامبىل وبلىسىندا – 11،2% جانە استانا قالاسىندا – 13،4%. الايدا جىلدىق 103،6% جوسپارعا وراي ٴوسىمنىڭ ازدىعى رەسپۋبليكانىڭ بەس وڭىرىندە، ياعني ماڭعىستاۋ، قىزىلوردا، تۇركىستان، اتىراۋ، الماتى وبلىستارىندا بايقالادى. بۇل وڭىرلەرگە جىلدىق جوسپاردى ورىنداۋ ٴۇشىن قۇرىلىس جۇمىستارىنىڭ ٴوسىم قارقىنىن كۇشەيتۋ قاجەت»، - دەپ اتاپ ٴوتتى جەڭىس قاسىمبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي