BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاقىن ارادا xالىققا ٴبىزدىڭ جۇمىسىمىز سەزىلۋى كەرەك - ك.ٴماسىموۆ

استانا. 14 ماۋسىم. baq.kz - ۇكىمەتتىڭ بۇگىنگى وتىرىسىندا پرەمەر-مينيستر كارىم ٴماسىموۆ ەكونوميكالىق دامۋدىڭ قالىپتى جاعدايىنا جەتۋ ٴۇشىن مينيسترلەر كابينەتىنە ٴتيىستى تاپسىرمالار بەردى، دەپ xابارلايدى baq.kz ٴتىلشىسى.

اتاپ ايتقاندا، ەنەرگەتيكا مينيسترلىگى مەن “قازمۇنايگاز” ۇلتتىق كومپانياسىنا “قاشاعان” كەن ورنىن ىسكە قوسۋ مىندەتى جۇكتەلدى.

“سىزدەرگە مۇناي ٴوندىرۋ كولەمىن 74 ملن.-نان 75 ملن.-عا دەيىن كوتەرۋ كەرەك. سونداي-اق قاشاعانداعى مۇناي ٴوندىرۋ جۇمىسىن اعىمداعى جىلدىڭ قازان ايىندا باستاۋ مىندەتى تۇر”- دەدى ك.ٴماسىموۆ

بۇدان بولەك، بيىل “نۇرلى جول” باعدارلاماسى مەن ٴبىرىڭعاي جيناقتاۋشى زەينەتاقى قورىنىڭ يگەرىلمەي قالاتىن قارجىسىن ٴتيىمدى پايدالانۋ قاجەت. نەگىزگى ماقسات – ەكونوميكالىق ٴوسىمدى قامتاماسىز ەتىپ، جالپى ىشكى ٴونىمدى ارتتىرۋ. پرەمەر-مينيستر داعدارىسقا قارسى شارالاردى ازىرلەۋ ماسەلەسىنە باسا نازار اۋداردى.

“بۇگىن مەملەكەت باسشىسى 2008-2009 جىلدارى بولعان داعدارىسقا قارسى باعدارلامانى قايتا ىسكە قوسۋدى قاجەتتىگى جايىندا ايتقان بولاتىن. وسىنى اكامدەرمەن بىرگە قولعا الۋ قاجەت. حالىق وسى جۇمىستىڭ ناتيجەسىن كورۋى ٴتيىس”،-دەپ اتاپ كورسەتتى ۇكىمەت باسشىسى.

وسىعان بايلانىستى قارجى مينيسترلىگى كۇزدە بيۋدجەتتى ناقتىلاۋ بارىسىندا قارجى رەسۋرستارىن ۋاقىتىندا رەتتەپ الۋى شارت. پرەمەر-مينيستر قالا مەن اۋىلداردىڭ ينفراقۇرىلىمىن، ٴتۇرعىن-ۇي شارۋاشىلىعىن جوندەۋ ٴۇشىن “بيزنەستىڭ جول كارتاسى - 2020” باعدارلاماسىن قارجىلاندىرۋ كولەمىن ارتتىرۋدى تاپسىردى.

"پرەزيدەنت ٴبىزدىڭ الدىمىزعا ماڭىزدى مىندەتتەردى قويدى. جاقىن ايلاردا، ٴتىپتى اپتالاردا xالىق وسى شەشىمدەردىڭ ٴىس جۇزىندە بولىپ جاتقانىن سەزۋى كەرەك”-دەدى ك.ٴماسىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي