BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت وتىرىسى: ٴبىلىم ٴمينيسترى ٴوز بايانداماسىن تولىعىمەن قازاق تىلىندە جاسادى

فوتو: Бауыржан Жуасбаев

ۇكىمەتتىڭ بۇگىنگى وتىرىسىندا قر ٴبىلىم جانە عىلى ٴمينيسترى ەرلان ساعاديەۆ اپاتتىق جاعدايدا تۇرعان مەكتەپتەر ماسەلەسى بويىنشا بايانداما جاساپ، بۇگىنگى ۋربانيزاسياعا، ياعني xالىقتىڭ قالاعا كوشۋىنە بايلانىستى جاڭا مەكتەپتەردى كوپتەپ سالۋ قاجەتتىگىن جەتكىزدى. ايتا كەتەر ٴجايت، ساعاديەۆ مىرزا ٴوز ٴسوزىن تولىعىمەن مەملەكەتتىك تىلدە جەتكىزدى، دەپ xابارلايدى baq.kz ٴتىلشىسى.

ٴمينيستردىڭ ايتۋىنشا، بۇگىندە رەسپۋبليكا بويىنشا 156 اپاتتىق مەكتەپ بار. اتالعان ماسەلەنى 2018 جىلدىڭ اياعىندا تولىعىمەن شەشۋ كوزدەلگەن.

"ونداي مەكتەپتەردىڭ باسىم بولىگى الماتى مەن وڭتۇستىك قازاقتان وبلىستارىندا ورنالاسقان. ەندى، وتكەن جىلى 6 مەكتەپ سالىنسا، بيىل 51 مەكتەپ سالىنىپ وتىر. كەلەسى جىلى 99 مەكتەپ سالىنىپ اشىلادى. جىل سايىن وقۋشىلاردىڭ سانى ارتىپ وتىر. سونداي-اق ۋربانيزاسيا ماسەلەلەرى بار. سوندىقتان قالالارداعى مەكتەپتەردى كوپتەپ سالۋ كەرەك دەپ ەسەپتەيمىز"، - دەيدى ە.ساعاديەۆ.

بۇگىندە ٴبىلىم جانە عىلىم مينيسترلىگى مەكتەپتەردىڭ تاپشىلىعىنا قاتىستى ارنايى كارتانى ازىرلەپ قويدى. وعان سايكەس، 2018 جىلدان باستاپ كەمىندە 50 مەكتەپتى جىل سايىن سالۋ قاجەت بولادى.

"بيىل قوسىمشا 14 مەكتەپتىڭ قۇرىلىسىنا بيۋدجەت قارجىسىن ٴبولۋ تۋرالى شەشىم قابىلدانعان بولاتىن. سونىمەن، بيىل 68 نىساندى ٴبىتىرىپ، 14 جاڭا مەكتەپتىڭ قۇرىلىسىن باستاۋ قاجەت. بۇگىندە ٴۇش وبلىستا 8 نىساندى سالۋ مەرزىمى كەشىكتىرىلىپ جاتىر. اتىراۋ قالاسىنداعى "نۇرسايا"، بىرلىك اۋىلىنداعى بالاباقشا، ماقات اۋداندىق دوسور ورتا مەكتەبى. شىعىس قازاقستان وبلىسى بويىنشا ٴۇش نىسان: ريددەر قالاسىنداعى ميچۋرين بالاباقشاسى، تارباعاتاي اۋدانى جەتىارال مەكتەبى جانە تارباعاتاي اۋدانى اقجار مەكتەبى. استانا قالاسى بويىنشا ەكى نىسان. ولار - 17 مەكتەپ-گيمنازياسى مەن 22 مەكتەپتىڭ قوسىمشا قۇرىلىسى. وسىعان بايلانىستى، اتالعان نىسانداردى ۋاقىتىندا اياقتاپ، پايدالانۋعا بەرۋ تۋرالى تاپسىرمانى بەرۋدى سۇرايمىن"، - دەپ اتاپ كورسەتتى ٴبىلىم جانە عىلىم ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي