BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

ۇكىمەت قۇقىق قولدانۋ ماسەلەلەرىنە نازار اۋدارۋى قاجەت – توقايەۆ

قر پارلامەنتى سەناتىنىڭ ٴتوراعاسى قاسىم-جومارت توقايەۆ زاڭ شىعارۋ پروسەسىن جەتىلدىرۋ ماسەلەلەرى بويىنشا وتكەن ۇكىمەت ساعاتىندا پارلامەنت پەن ۇكىمەت الدىندا مەملەكەتتىك اۋقىمداعى ورتاق مىندەتتەر تۇرعانىن ايتتى، دەپ حابارلايدى baq.kz ٴتىلشىسى.

«مەملەكەتىمىزدىڭ قازىرگى دامۋ جاعدايىندا جوعارى ساپالى زاڭدار جۇيەسىن قامتاماسىز ەتۋ ايرىقشا ماڭىزعا يە. ولاردىڭ تيىمدىلىگى زاڭ شىعارماشىلىعى پروسەسىنىڭ بارلىق تۇسىن جان-جاقتى ويلاستىرۋمەن تىكەلەي بايلانىستى ەكەنى تۇسىنىكتى. زاڭ شىعارۋ پروسەسىن جەتە باعالاماۋ نەمەسە ونى وڭايلاتۋ كوپتەگەن زاڭنامالىق جانە قۇقىق قولدانۋداعى قاتەلىكتەرگە الىپ كەلەتىنى ٴسوزسىز»، - دەدى توقايەۆ.

ول الدىڭعى قاتارلى تەحنولوگيالار مەن ازىرلەمەلەردى زاڭ شىعارۋ پروسەسىندە پايدالانۋ زاڭنامالىق پروسەستىڭ ساپاسىنا وڭ ىقپالىن تيگىزەتىنىن ايتتى.

«ۇكىمەت قۇقىق قولدانۋ ماسەلەلەرىنە ەرەكشە نازار اۋدارۋى قاجەت. زاڭداردىڭ دۇرىس ورىندالماۋى نەمەسە بۇرمالانۋى ولاردىڭ ساپاسىن جوققا شىعارادى جانە حالىقتىڭ سەنىم دەڭگەيىنە ايتارلىقتاي كەرى اسەرىن تيگىزەدى، سايكەسىنشە بۇل مەملەكەتىمىزدىڭ رەفورمالارى مەن ورنىقتى دامۋ ستراتەگياسىن ويداعىداي جۇزەگە اسىرۋ بارىسىنا ايتارلىقتاي تەرىس ىقپال ەتۋى مۇمكىن»، - دەدى قر پارلامەنت سەناتىنىڭ ٴتوراعاسى.

ول زاڭ جوبالاۋ جۇمىسىنداعى وسى جانە باسقا دا كەمشىلىكتەر سەنات وتىرىستارىندا جانە دەپۋتاتتىق ساۋالداردا بىرنەشە رەت اتاپ كورسەتىلگەنىن ايتتى.

«ولاردىڭ مازمۇنى بۇگىنگى فورمات تۇرعىسىنان ەسكەرىلىپ، دۇرىس قابىلدانادى دەپ سەنەمىن، ويتكەنى پارلامەنت پەن ۇكىمەت الدىندا مەملەكەتتىك اۋقىمداعى ورتاق مىندەتتەر تۇر. بۇگىنگى ٴىس-شارا زاڭ شىعارۋ پروسەسىن جەتىلدىرۋ بويىنشا ٴبىرقاتار ٴتيىمدى شەشىمدەر شىعارۋعا مۇمكىندىك بەرەتىنىنە سەنىمىم مول»، - دەپ ٴسوزىن تۇيىندەدى ول.

ايتا كەتسەك، بۇگىن قر پارلامەنت سەناتىنىڭ ٴتوراعاسى قاسىم-جومارت توقايەۆ زاڭ شىعارۋ پروسەسىن جەتىلدىرۋ ماسەلەلەرى بويىنشا وتكەن ۇكىمەت ساعاتىندا ەلىمىزدىڭ زاڭ شىعارۋ جۇيەسىندەگى ون ماسەلەنى اتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي