BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت باسشىسى وبلىس اكىمدەرىنە ەسكەرتۋ جاسادى

فوتو: ашық дереккөзден

استانا، baq.kz ٴتىلشىسى. ۇكىمەت باسشىسى باقىتجان ساعىنتايەۆ ەلباسىنىڭ تاريفتەردى تومەندەتۋ بويىنشا بەرگەن تاپسىرماسىن ورىنداماي وتىرعان اكىمدەرگە ەسكەرتۋ جاسادى.

ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ تاريفتەردى (ەلەكتر، كومىر، جىلۋ، سۋ، گازبەن جابدىقتاۋ، كارىز، تەلەفون بايلانىسى، ينتەرنەت، ليفتتەرگە قىزمەت كورسەتۋ، قوقىس شىعارۋ جانە ت.ب.) تومەندەتۋ شارالارى بويىنشا بايانداما جاسادى.

الايدا پرەمەر-مينيستردىڭ بايانداماعا كوڭىلى تولعان جوق.

«2019 جىلدىڭ 1-قاڭتارىنان باستاپ، (كوممۋنالدىق تاريفتەردىڭ – اۆتور) ەسەبى جاڭا تاريفتەر بويىنشا جۇرگىزىلەدى. ال ٴسىزدىڭ كەستەڭىزدە كەيبىر وڭىرلەردە ەنگىزىلەتىن وزگەرىستەر جوق. گازبەن قامتاماسىز ەتۋ بويىنشا قىزىلوردا، اتىراۋ وبلىستارىندا وزگەرىس بايقالمايدى. ول تۋرالى ٴسىزدىڭ كەستەڭىزدە تۇسىندىرمە دە بەرىلمەگەن. پيك، اۆتوبۋس، ترولەيبۋس، ترامۆاي جانە قوقىس شىعارۋ، ليفتتەرگە قىزمەتۋ كورسەتۋ تاريفتەرى بويىنشا كەيبىر وڭىرلەردە شەشىم شىعارىلماعان. نە سەبەپتى؟»، - دەدى ساعىنتايەۆ.

ۇلتتىق ەكونوميكا ٴمينيسترى بۇل كەمشىلىكتەردى الداعى ۋاقىتتا جويۋعا ٴسوز بەردى.

سونداي-اق ۇكىمەت باسشىسى پرەزيدەنتتىڭ تاپسىرمالارىن ورىنداماي وتىرعان اكىمدەرگە ەسكەرتۋ جاسادى.

«ماسەلە ادامداردىڭ ەلباسى تاپسىرمالارىنان نە كۇتەتىندىگىندە. تاريفتەردى تومەندەتۋ بويىنشا اكىمدىكتەر ٴتيىستى شەشىم قابىلداماسا، ولار ەلباسىنىڭ تاپسىرماسىن ورىندامادى دەگەن ٴسوز. اكىمدەر جەكە جاۋاپ بەرەدى. ٴبىز ٴتيىستى انىقتامانى بەرەمىز. نەگە باسقا وڭىرلەر ماسەلەنىڭ شەشۋ جولىن تاپتى، ال كەيبىرەۋلەر ٴارتۇرلى سىلتاۋ ايتىپ وتىر. مۇنى قالاي تۇسىنۋگە بولادى. ورىسشا ايتقاندا «پوشلي نا پوۆودۋ ۋ مونوپوليستوۆ». 1-قاڭتارعا دەيىن ۋاقىت بار. شەشىمدەرى شىعارىڭىزدار»، - دەدى ۇكىمەت باسشىسى.

وسى ورايدا ول 29-جەلتوقساندا تاعى ٴبىر ۇكىمەت وتىرىسى وتەتىنىن اتاپ ٴوتىپ، سول وتىرىستا اتالعان ماسەلە قايتا قارالاتىنىن جەتكىزدى.

«وتىرىستا بۇگىن كورسەتىلگەن كەستەلەردە كىمدەردە شەشىم جوق، سول اكىمدەر بايانداما جاسايدى. تيمۋر مۇرات ۇلى (ۇلتتىق ەكونوميكا ٴمينيسترى – اۆتور)، بۇل سىزگە دە قاتىستى»، - دەپ تۇيىندەدى ٴسوزىن باقىتجان ساعىنتايەۆ.

ايتا كەتەيىك، وسىعان دەيىن بيىلعى جىلۋ بەرۋ ماۋسىمىندا قانداي جۇمىستار جۇرگىزىلىپ جاتقانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي