BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت باسشىسى دۇنيەجۇزىلىك بانك وكىلدەرىمەن كەزدەستى

استانا، baq.kz. ۇكىمەت ۇيىندە قر پرەمەر-مينيسترى باقىتجان ساعىنتايەۆ ەۋروپا جانە ورتالىق ازيا ٴوڭىرى بويىنشا ۆيسە-پرەزيدەنت سيريل ميۋللەردىڭ باسشىلىعىمەن دۇنيەجۇزىلىك بانك وكىلدەرىمەن كەزدەستى.

كەزدەسۋ بارىسىندا بىرلەسكەن ەكونوميكالىق زەرتتەۋلەر باعدارلاماسىن ىسكە اسىرۋ جانە 2019–2023 جج. دۇنيەجۇزىلىك بانكتىڭ قازاقستانمەن سەرىكتەستىگىنىڭ الداعى شەكتى ستراتەگياسى اياسىندا ىنتىماقتاستىقتىڭ پەرسپەكتيۆالىق باعىتتارى تالقىلاندى.

ٴوزارا ٴىس-قيمىلدىڭ باسىم سالالارى اراسىندا تۋريزم، اوك، يندۋستريالاندىرۋ، كولىك جانە لوگيستيكا، وڭىرلىك ينفراقۇرىلىمدى دامىتۋ سەكىلدى سالالار قارالدى.

سونىمەن قاتار، كەزدەسۋگە قاتىسۋشىلار بىرىككەن ەكونوميكالىق زەرتتەۋلەر باعدارلاماسى اياسىندا بىرلەسكەن جوبالاردى جۇزەگە اسىرۋ بارىسىن تالقىلادى. ولاردىڭ قاتارىندا قالالىق ينفراقۇرىلىمدى جاڭعىرتۋ، جاڭارتىلاتىن ەنەرگيا كوزدەرىنە كوشۋ، بايلانىستى جاقسارتۋ جونىندەگى ۇلتتىق باعدارلامانى قولداۋ، قارجى سەكتورىن رەفورمالاۋ، شاعىن جانە ورتا كاسىپكەرلىكتى دامىتۋ، ارال تەڭىزىنىڭ قايتا جاڭارۋى جانە ت.ب. جوبالار بار.

بىرلەسكەن ەكونوميكالىق زەرتتەۋلەر باعدارلاماسى — 2002 جىلدان باستاپ ىسكە اسىرىلىپ كەلەدى جانە ستراتەگيالىق جوسپارلاۋ جانە الدىڭعى قاتارلى تاجىريبەلەر سالاسىنداعى ساراپتامالىق ٴبىلىمدى تالداۋ مەن بەرۋدىڭ بىردەن ٴبىر قۇرالى. 2012 جىلى قر مەن دۇنيەجۇزىلىك بانك اراسىنداعى دۇنيەجۇزىلىك بانكتىڭ ديرەكتورلار كەڭەسى 2012–2017 جىلدارعا ارنالعان ەلدىك سەرىكتەستىك ستراتەگياسىن بەكىتتى. باعدارلاماعا 28 ناتيجە ەنگىزىلدى، ولاردىڭ كوپشىلىگىنە تولىق نەمەسە ٴىشىنارا قول جەتكىزىلدى.

2017 جىلى دۇنيەجۇزىلىك بانك سەرىكتەستىكتىڭ قول جەتكىزگەن ناتيجەلەرىن تالداۋعا جانە ىنتىماقتاستىقتى جالعاستىرۋدىڭ باسىم باعىتتارىن انىقتاۋعا باعىتتالعان قازاقستاننىڭ جۇيەلى ەلدىك دياگنوستيكاسىن جۇرگىزدى، الداعى بەس جىلعا ىنتىماقتاستىقتىڭ باسىم باعىتتارىنىڭ كورىنىسى بار، ولار قازاقستاننىڭ 2025 جىلعا دەيىنگى دامۋ ستراتەگياسىن ەسكەرە وتىرىپ قالىپتاستىرىلعان. دياگنوستيكا جانە تالقىلاۋلار قورىتىندىسى بويىنشا سەرىكتەستىكتىڭ 2019–2023 جىلدارعا ارنالعان جاڭا ەلدىك ستراتەگياسى ازىرلەنۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي