BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىمەت باسشىسى اسكەري ۇشاقتاردى ساتىپ الۋعا تاپسىرما بەردى

استانا. 14 ماۋسىم. baq.kz – پرەزيدەنتتىڭ قاۋىپسىزدىك كەڭەسىندە بەرگەن تاپسىرمالارى اياسىندا پرەمەر-مينيستر كارىم ٴماسىموۆ بۇگىن ول مىندەتتەردىڭ مەرزىمىن بەلگىلەپ، ٴتيىستى مەملەكەتتىك ورگاندارعا ورىنداۋدى تاپسىردى، دەپ حابارلايدى baq.kz ٴتىلشىسى.

«قورعانىس مينيسترلىگى ٴبىر اپتانىڭ ىشىندە ۇلتتىق قاۋىپسىزدىك كوميتەتىمەن، ىشكى ىستەر مينيسترلىگى مەن قارجى مينيسترلىگىمەن بىرگە ۇلكەن جۇكتەردى كوتەرە الاتىن اسكەري-ترانسپورتتىق ۇشاقتاردى ساتىپ الۋ بويىنشا ٴتيىستى ۇسىنىستاردى ەنگىزۋى ٴتيىس. ونى (بيۋدجەتتى – اۆت.) ناقتىلاۋ اياسىندا ىستەگەن دۇرىس شىعار. قورعانىس مينيسترلىگىنە سونىڭ ٴبارىن ەسەپتەپ، كۇزدە (بيۋدجەتتىڭ – اۆت.) نىقتىلاۋمەن كىرگەندە وسى ماسەلەنى ٴبىرىنشى كەزەككە قويۋ قاجەت»، - دەدى ك.ٴماسىموۆ.

ايتا كەتەيىك، وتكەن جۇمادا وتكەن قاۋىپسىزدىك كەڭەسىندە پرەزيدەنت ۇلتتىق قاۋىپسىزدىكتى قامتاماسىز ەتۋ ماقساتىندا ٴبىرقاتار ستراتەگيالىق ماڭىزى بار تاپسىرمالار بەردى. اتاپ ايتقاندا، ەكى ايدىڭ ىشىندە ٴدىني بىرلەستىكتەر، كوشى-قون، تەرروريزم مەن ەكسترەميزيمگە قارسى كۇرەس شارالارى، قارۋ-جاراقتى ساتۋ جانە ساقتاۋ زاڭناماسى بويىنشا ٴتيىستى ۇسىنىستاردى ازىرلەۋ كەرەك. سونداي-اق قازاقستاندىق ۇيىمدار مەن جەكە ازاماتتاردى شەتەلدەن قارجىلاندىرۋدى باقىلاۋ جۇيەسىن ەنگىزگەن ٴجون. پرەزيدەنتتىڭ ايتۋىنشا، اسكەري نىسانداردى قورعاۋ ماسەلەسىنە ەرەكشە كوڭىل ٴبولىنۋى ٴتيىس. بۇدان بولەك، مەملەكەت باسشىسى حالىقتى جۇمىسپەن قامتۋ ماسەلەسىن ٴجىتى باقىلاۋدا ۇستاپ، ٴاربىر اداممەن جەكە-دارا جۇمىس ىستەۋدى تاپسىردى.

فوتو:today.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي