BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇەم: ەل ەكونوميكاسىندا ٴوسىم بار

2016 جىلدىڭ ٴبىرىنشى جارتىجىلدىعىنىڭ قورىتىندىسى بويىنشا ەل ەكونوميكاسىندا ٴوسىم بايقالىپ وتىر. بۇل تۋرالى ۇكىمەت وتىرىسىندا قر ۇلتتىق ەكونوميكا ٴمينيسترى قۋاندىق بيشىمبايەۆ ايتتى، دەپ حابارلايدى baq.kz.

«2016 جىلدىڭ ٴبىرىنشى جارتىجىلدىعىنىڭ قورىتىندىسى بويىنشا ەلدەگى الەۋمەتتىك-ەكونوميكالىق احۋالدىڭ بىرتىندەپ جاقسارعانى بايقالادى. ۇكىمەت پەن ۇلتتىق بانكتىڭ ۋاقتىلى قابىلداعان داعدارىسقا قارسى شارالارىنىڭ ارقاسىندا قازاقستاننىڭ ەكونوميكاسى 2016 جىلدىڭ ٴى جارتىجىلدىعىنىڭ قورىتىندىسى بويىنشا وڭ ناتيجەلەر كورسەتتى. ماسەلەن، ٴبىرىنشى جارتىجىلدىقتا قۇرىلىس (6،6%-عا)، كولىك قىزمەتتەرى (4،3%-عا)، اۋىل شارۋاشىلىعى ونىمدەرىن ٴوندىرۋ (2،7%-عا) جانە وڭدەۋ ونەركاسىبى (0،5%-عا) كولەمىنىڭ ۇلعايۋى ەسەبىنەن ٴجىو-نىڭ ٴوسۋى 0،1%-دى قۇرادى»، - دەپ باياندادى ق.بيشىمبايەۆ.

سونىمەن قاتار، ونىڭ ايتۋىنشا، ەكونوميكانىڭ 6 نەگىزگى سالاسىن قامتيتىن (ونەركاسىپ، اۋىل شارۋاشىلىعى، قۇرىلىس، ساۋدا، كولىك، بايلانىس) قىسقا مەرزىمدى ەكونوميكالىق ينديكاتور دا وسكەن.

«اعىمداعى جىلدىڭ ٴبىرىنشى جارتىجىلدىعىندا ٴبىلىم سالاسىندا ٴوسۋ 3،2%-دى، مەملەكەتتىك باسقارۋدا – 2،6%-دى، جىلجىمايتىن مۇلىكپەن جاسالاتىن وپەراسيالار - 2%-دى، عىلىمي-تەحنيكالىق قىزمەتتە - 1،5%-دى، قارجى قىزمەتىندە - 0،8%-دى قۇرادى. وسى سالالاردىڭ ٴوسۋى ارقاسىندا قىزمەت كورسەتۋ ٴوندىرىسى 0،1%-عا ۇلعايدى»، - دەدى ق.بيشىمبايەۆ.

بۇدان بولەك، ٴجىو قۇرىلىمىندا 6،6% قۇرايتىن تازا سالىقتاردىڭ ناقتى ٴوسۋى 1%-دى قۇراعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي