BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇرعىن ٴۇي قۇرىلىسىنىڭ جاڭا باعدارلاماسى ازىرلەنۋدە – ق.بيشىمبايەۆ

مەملەكەت باسشىسى نۇرسۇلتان نازاربايەۆ يندۋستريالاندىرۋ جۇمىستارىنىڭ ٴبىرىنشى جارتىجىلدىقتاعى قورىتىندىسىنا ارنالعان تەلەكوپىر كەزىندە ۇلتتىق ەكونوميكا مينيسترلىگىنە 15 جىل ىشىندە 1،5 ملن پاتەر سالۋدى تاپسىرعان ەدى. بۇگىن ۇكىمەت وتىرىسىندا ۇلتتىق ەكونوميكا ٴمينيسترى قۋاندىق بيشىمبايەۆ وسىعان بايلانىستى تۇرعىن ٴۇي قۇرلىسىنىڭ جاڭا باعدارلاماسى ازىرلەنىپ جاتقانىن ايتتى.

«ماقساتقا جەتۋ ٴۇشىن تۇرعىن ٴۇي سالۋ بويىنشا ٴبىرىڭعاي وپەراتور رەتىندە ساتىپ الۋسىز تۇرىن ٴۇي قۇرىلىسى ٴۇشىن «قيك» يۇ» اق جانە كرەديتتىك تۇرعىن ٴۇيدى ساتىپ الۋ ٴۇشىن قتقجب ەنشىلەس ۇيىمدارىمەن «بايتەرەك» ۇبح»اق بەكىتۋ ۇسىنىلادى.ساتىپ الۋ قۇقىعىنسىز جالدامالى باسپانا حالىقتىڭ الۋمەتتىك-السىز بولىگىنە، سونىمەن قوسا جۇمىس كۇشىنىڭ قوزعالىسىن جوعارىلاتۋ ٴۇشىن ۇسىنىلاتىن بولادى.ەلباسىنىڭ تاپسىرماسى شەڭبەرىندە بيىلعى جىلدىڭ 10 اقپانىندا «بايتەرەك» ۇبح» اق-مەن ساتىپ الۋ جولىمەن جالدامالى باسپانا قۇرىلىسى باستالدى. مۇنداي باسپانا قۇرىلىسىنا 20 جىل ىشىندە قايتارۋ نەگىزدە ۇلتتىق قوردان قاراجات بولىنگەن»، - دەيدى ق.بيشىمبايەۆ.

مينيستر باستالعان قۇرىلىستىڭ نىسانالى باعىتىن ساتىپ الۋ قۇقىعىنسىز باسپانا قۇرىلىسىنا وزگەرتۋ جانە ونىڭ قايتارىمدىلىق مەرزىمىنىڭ ۇزاقتىعىن ەسكەرە وتىرىپ، بولىنگەن قاراجاتتىڭ قايتارىمدىلىق مەرزىمىن 60 جىلعا دەيىن بەلگىلەۋدى ۇسىندى.

قۋاندىق ٴۋاليxان ۇلى پرەمەر-مينيستر ماقۇلداعان جاعدايدا مينيسترلىك ۇقبك-نىڭ حاتتاماسىنا وزگەرىستەر ەنگىزۋ بويىنشا ٴتيىستى جۇمىستار اتقارىلاتىنىن ايتىپ وتىر.

ول، سونداي-اق، كرەديتتىك باسپانا قۇرىلىسى باسپاناعا مۇقتاجداردى تۇرعىن ٴۇي قۇرىلىسى جيناقتاۋ قۇرالدارىن قولدانۋعا ىنتالاندىراتىنىن جەتكىزدى.

«تۇرعىن ٴۇي قۇرىلىس جيناقتاۋ جۇيەسىن دامىتۋ ازاماتتارعا باسپانا ٴۇشىن قتقجب-دان الدىن الا جيناقسىز قارىز الۋعا مۇمكىندىك بەرەدى. ەلباسىنىڭ تاپسىرماسىنا سايكەس، «سامۇرىق-قازىنادان» بولىنگەن 97 ملرد.تەڭگەنى 2018 جىلى كرەديتتىك تۇرعىن ٴۇي قۇرىلىسىنا باعىتتاۋ ۇسىنىلادى. سونىمەن قوسا، ينجەنەرلىك-كوممۋنيكاسيالىق ينفراقۇرىلىمدى جەتكىزۋ ارقىلى جەكە تۇرعىن ٴۇي قۇرىلىسىن قولداۋ ودان ٴارى جالعاساتىن بولادى. قازىرگى كەزدە تۇرعىن ٴۇي قۇرىلىسىنىڭ جاڭا باعدارلاماسى ازىرلەنۋدە. كارىم قاجىمۇقان ۇلى، ٴسىزدىڭ قاراستىرۋىڭىزعا 19 شىلدە كۇنى ۇسىناتىن بولامىز»، - دەيدى ۇلتتىق ەكونوميكا ٴمينيسترى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي