BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەڭگەنىڭ السىرەۋى سىرتقى فاكتورلارعا بايلانىستى بولدى – دانيار اقىشەۆ

استانا، baq.kz ٴتىلشىسى. «ۆاليۋتا نارىعىندا تەڭگە باعامى جىل باسىنان باستاپ 15 قازان ارالىعىندا 11،3%-عا السىرەپ، ٴبىر اقش دوللارى ٴۇشىن 369،98 تەڭگەنى قۇرادى. تەڭگەنىڭ السىرەۋى سىرتقى فاكتورلارعا بايلانىستى بولدى. بۇل تۋرالى ۇلتتىق بانك ٴتوراعاسى دانيار اقىشەۆ ۇكىمەت وتىرىسىندا ايتتى.

«بىرىنشىدەن، بۇل اقش دوللارىنىڭ دامۋشى ەلدەردىڭ ۆاليۋتالارىنا قاتىستى نىعايۋى. ەكىنشى فاكتور – رەسەيگە قارسى سانكسيالاردىڭ بولاشاقتا قاتاڭداتىلۋى تۋرالى مالىمدەۋ. وسى تۇرعىدان رەسەي ٴرۋبلىنىڭ السىرەۋى جىل باسىنان بەرى 15% بولدى. ۇلتتىق بانك شەكتەردى، ٴدالىزدى نەمەسە باسقا دا باعداردى بەلگىلەمەي، وزگەرمەلى ايىرباستاۋ باعامى ساياساتىن جۇرگىزۋىن جالعاستىرادى»، - دەدى د. اقىشەۆ.

سونىمەن قاتار ول ۇلتتىق بانكتىڭ التىنۆاليۋتا رەزەرۆتەرى قىركۇيەكتىڭ سوڭىندا الدىن الا دەرەكتەر بويىنشا 30 ملرد اقش دوللارى، ۇلتتىق قوردىڭ اكتيۆتەرى 56،3 ملرد اقش دوللارى بولعانىن حابارلادى. جالپى حالىقارالىق رەزەرۆتەر 86،4 ملرد اقش دوللارىن قۇرادى.

«اعىمداعى جىلعى 8 ايدا دەپوزيتتەر 1%-عا 17،7 ترلن تەڭگەگە دەيىن ٴوستى. ۇلتتىق ۆاليۋتامەن دەپوزيتتەردىڭ ٴوسۋى 4،1% نەمەسە 380 ملرد تەڭگە بولدى. شەتەل ۆاليۋتاسىمەن دەپوزيتتەر 2،5%-عا نەمەسە 210 ملرد تەڭگەگە قىسقاردى. ناتيجەسىندە، دەپوزيتتەردى دوللارلاندىرۋ 46%-عا دەيىن تومەندەدى. 1 قازاننان باستاپ جەكە تۇلعالاردىڭ دەپوزيتتەرى بويىنشا ەڭ جوعارى مولشەرلەمەلەردى انىقتاۋ ٴتاسىلى وزگەردى. مولشەرلەمەلەر سالىمنىڭ مەرزىمى جانە تۇرلەرى بويىنشا جىكتەلەدى»، - دەدى د. اقىشەۆ.

ول سونداي-اق نەسيەلەۋ نارىعى قالپىنا كەلىپ جاتقانىن اتاپ ٴوتتى. بانكتەردىڭ كرەديتتەرى جىل باسىنان باستاپ تامىزدا 2،5%-عا 13 ترلن تەڭگەگە دەيىن ۇلعايعان.

«قايتا قۇرىلىمداۋدان وتكەن جانە ليسەنزياسىنان ايىرىلعان بانكتەردىڭ نەسيەلىك پورتفەلىن ەسەپتەمەگەندە، ەكونوميكانى نەسيەلەۋدىڭ جىلدىق ٴوسۋى 11،6%-عا نەمەسە 1،3 ترلن تەڭگەگە باعالانادى. اعىمداعى جىلعى 8 ايدا جاڭا نەسيەلەر بەرۋ 28،1%-عا نەمەسە 1،9 ترلن تەڭگەگە ٴوستى. كاسىپورىندارعا تەڭگەمەن كرەديتتەر بويىنشا مولشەرلەمە جىل باسىنداعى 13،2%-دان 2018 جىلعى تامىزدا 12،2%-عا دەيىن تومەندەدى»، -دەدى ول.

سونداي-اق ول، ەلباسىنىڭ قازاقستان حالقىنا جولداۋىندا بەرىلگەن تاپسىرمالارىن ىسكە اسىرۋ ۇلتتىق بانك ٴۇشىن باستى مىندەت بولىپ تابىلاتىندىعىن ايتا كەلە، ۇكىمەتپەن جانە بانكتەرمەن بىرلەسىپ وتىمدىلىك بەرۋ تەتىگىن جەدەل پىسىقتاۋعا دايىن ەكەندىكتەرىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي